Ստեղծված իրավիճակում միակ տարբերակը Քարվաճառն ու Քաշաթաղը վերաազատագրելն է․ նոր դեմքեր են պետք, որոնք կմոբիլիզացնեն հանրությանն ու արագ կվերականգնեն բանակը․ Արմեն Այվազյան

ԲՈԼՈՐ ՆՅՈՒԹԵՐԸ

Բոլորը

04/29/2024 10:23 Այս պահին լարված է Արմավիր-Գյումրի միջպետական ճանապարհին՝ ուղիղ 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 19:23 Երեխան դրոշով պաշտպանվում է ոստիկանից 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 21:45 Վաղը այս հասցեներում լույս չի լինի 04/28/2024 21:58 Ավտովթար Երևան-Սևան ավտոճանապարհին 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 16:51 Պատերազմ անցած տղերքը, ազատամարտիկները մեր կողքին են, ժամը եկել է, ոտքի կանգնե՛ք․ Բագրատ Սրբազան 04/28/2024 13:20 Վահագն Մախսուդյանը գիշերը ՁՎՊ-ում ունեցել է արյան բարձր ճնշում

Ստեղծված իրավիճակում միակ տարբերակը Քարվաճառն ու Քաշաթաղը վերաազատագրելն է․ նոր դեմքեր են պետք, որոնք կմոբիլիզացնեն հանրությանն ու արագ կվերականգնեն բանակը․ Արմեն Այվազյան 04/24/2023 18:15 | ԼՐԱՀՈՍ

Արցախը ռեզերվացիայի վերածելու քաղաքականությունը, իմ համոզմամբ, համաձայնեցված է և՛ Ռուսաստանի ու Ադրբեջան-Թուրքիա զույգի, և՛ Արևմուտքի հետ։ Ադրբեջանի ու Թուրքիայի հետ խոշոր խաղացողների ձեռք բերած պայմանավորվածությունների մասին շատ բան հայտնի չէ, բայց արդյունքները տեսնում ենք․ ակնհայտ է, որ Արցախի նկատմամբ արվող գործողությունները համաձայնեցված են։ «Փաստինֆո»-ի հետ զրույցում նման կարծիք հայտնեց ռազմական պատմաբան Արմեն Այվազյանը։

«Ռուսաստանի ԱԳՆ այսօրվա հայտարարությունը, որում չկա հասցեական գնահատական ագրեսորին, ևս մեկ անգամ փաստում է, որ ՌԴ-ն կանաչ լույս է վառել Ադրբեջանի առաջ։ Նույնն էլ արել ու անում է հավաքական Արևմուտքը․ մի կողմից դատապարտում են Բաքվի քայլերը, մյուս կողմից ՀՀ-ում ԱՄՆ նորանշանակ դեսպանն ասում է, թե Ադրբեջանի նկատմամբ պատժամիջոցներ կիրառելու հարց չի քննարկվում։ Նրանք Ադրբեջանին վստահեցրել են, որ որևէ լուրջ ճնշում չեն գործադրելու։ Այդ հարցում ՌԴ-ի և Արևմուտքի դիրքորոշումները հարյուր տոկոսով համընկնում են»,-ասաց Այվազյանը։

Արձանագրելով, որ Ադրբեջանն աջակցություն է ստանում տարբեր կողմերից, իսկ Հայաստանը դավաճանված է թե՛ դրսից, թե՛ ներսից, ռազմական պատմաբանը շեշտում է՝ հայկական պետականությունը փրկելու մեկ տարբերակ ունենք՝ հավաքել սեփական ուժերը, ինքնապաշտպանական նոր համակարգ ստեղծել, հենվել նոր դաշնակիցների՝ մասնավորապես Իրանի վրա, և դիմակայել։

«Ադրբեջանը երբևէ չի թաքցրել Արցախը, Հայաստանը վերացնելու իր մտադրությունը և հիմա դա է անում։ Ցեղասպանությունը 1923 թվականին չի ավարտվել․ Մուշի, Սասունի, Կարսի հայաթափումից, հայրենազրկումից չի տարբերվում մեր օրերում կատարվողը։ Մինչ ՀՀ իշխանությունը թաքցնում է իրականությունը, խաղաղության դատարկ թեզերով շեղում է մարդկանց, Ադրբեջանն ու Թուրքիան շարունակում են ցեղասպանությունը։ Հայաստանի ներկա ղեկավարությունը փորձում է համոզել, թե Արցախը Հայաստանից անջատ միավոր է և առանց Արցախի հնարավոր է փրկել Հայաստանը։ Նման բան չի կարող լինել․ Արցախը՝ թեկուզ այս վիճակում, ՀՀ-ի անվտանգության ապահովման գործում կարևոր դեր է կատարում։ Վստահեցնում եմ, որ եթե Արցախը հայաթափվի, հաջորդիվ դատարկվելու են Սյունիքը, Գեղարքունիքը և հերթը հասնելու է Երևանին։ Այդ ժամանակ հայությունը ստիպված է լինելու ընտրություն կատարել թրքանալու կամ հայրենիքից հեռանալու միջև․ այլ տարբերակ, ուղղակի, չի լինելու»,-նշում է Այվազյանը։

Միակ ողջամիտ ճանապարհի՝ սեփական ուժերը մոբիլիզացնելու համար ևս քիչ ժամանակ ունենք։ Շեշտելով Քարվաճառի ու Քաշաթաղի վերաազատագրման միջոցով Արցախը Հայաստանին կապելու անհետաձգելիության փաստը և արձանագրելով ՀՀ ներկա իշխանությունների կողմից դա կազմակերպելու ցանկության ու ջանքերի իսպառ բացակայությունը՝ Այվազյանը շեշտում է․ «Նոր մարդիկ են պետք, որոնք կկարողանան մոբիլիզացնել, ոտքի հանել ժողովրդին, ձևավորել աշխարհազոր ու վերականգնել հայոց բանակը։ Նաև լայնածավալ պատերազմ վարելուն պատրաստ հրամանատարներ են պետք»։

Ի դեպ, որ Ադրբեջանին սանձող միջազգային որևէ լուրջ ճնշում չի լինելու, Այվազյանը դեռևս դեկտեմբերի 13-ին՝ Ադրբեջանի կողմից Լաչինի միջանցքն արգելափակելու հաջորդ օրն էր կանխատեսել և հուշել, որ ստիպված ենք կրկին ազատագրական պայքարի մեջ մտնել։

Աղբյուր` Փաստինֆո