Փաստ ինֆո

Արգիշտի Քյարամյանն երեկ երեկոյան ուղղակի ճողոպրեց, բայց մինչեւ հիմա չի եկել, սա վիրավորանքի ամենաստոր ձեւն է։ ՔԿ շենքի մոտ տեղի ունեցած ճեպազրույցում ասել է 44-օրյա պատերազմում զոհված զինծառայող Ժորա Սահակյանի հայրը։

«Փաստինֆո»-ն տեղեկացրել է, որ 44-օրյա պատերազմում զոհված զինծառայողների հարազատները ապրիլի 13-ին 24 ժամյա նստացույց են հայտարարել ՔԿ շենքի մոտ, որը լրանում է այսօր ժամկ 15-ին։ Նրանք գիշերել են ՔԿ շենքի մոտ, իսկ ՔԿ նախագահ Արիգշտի Քյարամյանն այդպես էլ նրանց հետ չի հանդիպել, երեկ նրա ծառայողական ավտոմեքենան դուրս է եկել ՔԿ շենքից՝ ծնողների ամոթանքի վանկարկումների ներքո, իսկ մինչ այդ ոստիկանության ծառայողները շղթա էին կազմել՝ նրա հեռանալու համար ճանապարհ բացելով։ Ծնողներրը պահանջում են, որ մեղադրանք առաջադրվի «Եռաբլուր» պանթեոնում զոհված զինծառայողների ծնողների նկատմամբ բռնություն կիրառած ոստիկաններին։

«Չեմ հասկանում, թե սա ինչ խաղ է ծնողների հանդեպ, սա վիրավորանքի ամենաստոր ձեւն է։ Տեսնում ենք՝ ջրի մեջ մամաները նստած սպասում են, թե 30-35 տարեկ մի տղա կգա, թե կարհամարհի ու չի գա»,- ասել է զինվորի հայրը ու նշել, որ դա անպատժելիության արդյունք է։

«Այսօր, որ Արգիշտի Քյարամյանն իր շքեղ կաբինետում նստած՝ կյանքը վայելու է, այդ տղաների շնորհքն է»,- ասել է հերոս Ժորա Սահակյանի հայրը՝ տարակուսելով, որ զոհված զինվորի մեկ մայրը չկա անգամ Վլադիմիր Վարդանյանի չափ, որին հարվածելու համար հաշված ժամերի ընթացքում մեկ այլ պատգամավոր ձերբակալվեց ու զրկվեց անձեռնմխելիությունից, իսկ Եռաբլուրում մայրերի նկատմամբ կատարված բռնության հեղինակներից որեւէ մեկին անցած ամիսներին մեղադրանք չի առաջադրվել։

«Եկել ենք իմանալու՝ այն խուլիգաններին, որոնք բռնություն են գործադրել, մեղադրանք առաջադրվել է, թե ոչ, թող ասեին՝ չէ, նրանք պատգամավորի նման անձեռնմխելի են»,- ասել է Սահակյանը։

Մանրամասները՝ տեսանյութում։

Աղբյուր` Փաստինֆո