Փաստ ինֆո

ՔՊ-ականները չեն միանա Նիկոլ Փաշինյանին անվստահություն հայտնելու գործընթացին: Այս մասին լրագրողների հետ զրույցում ասել է ՔՊ խմբակցության պատգամավոր Բաբկեն Թունյանը:

Լրագրողները նաև հետաքրքրվեցին՝ ինչու՞ են ՔՊ-ական տիկնայք այդքան լարված այսօր, ինչին ի պատասխան Թունյանը պատասխանեց.

«Ոչ մեկն ագրեսիվ չէր, ուղղակի մարդիկ լարված են, ինչը շատ բնական է այն ամեն ինչից հետո, ինչը երեկ հնչում էր ԱԺ դիմաց, Բաղրամյան պողոտայում»,-ասաց նա:

ՔՊ-ի պատգամավորը նաև փորձեց մեկնաբանել Փաշինյանի՝ երեկվա աղմկահարույց հայտարարությունը՝նոր փաստաթուղթ ստորագրելու մասին.

«Իր ասածը հետևյալն էր՝ եթե ես իմանամ, որ կա տարբերակ, որը Հայաստանի շահերից է բխում, Հայաստանի շահերին չի հակասում և եթե անգամ այդ տարբերակն ընդունելու դեպքում մեզ իշխանությունից հանեն, ես դա կստորագրեմ: Միաժամանակ նա ասում է, որ կան կարմիր գծեր, այսինքն թեման փակ է: Եթե դրանից ավել մարդիկ չեն հասկանում, ապա մի լավ խոսք կա՝ եթե մարդը վարձատրվում է չհասկանալու համար, ուրեմն նրան ոչինչ հնարավոր չէ հասկացնել»,-ասաց Թունյանը:

Աղբյուր` Փաստինֆո