Մակուլատուրայով Գերասիմ Վարդանյանն անազատության մեջ է, ես ամաչում եմ. փաստաբանի հայտարարությունից հետո կրքերը բորբոքվեցին (տեսանյութ)

ԲՈԼՈՐ ՆՅՈՒԹԵՐԸ

Բոլորը

04/29/2024 10:23 Այս պահին լարված է Արմավիր-Գյումրի միջպետական ճանապարհին՝ ուղիղ 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 21:45 Վաղը այս հասցեներում լույս չի լինի 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/28/2024 21:58 Ավտովթար Երևան-Սևան ավտոճանապարհին 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 20:34 Արման Թաթոյանը ևս Կիրանցում է 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/29/2024 11:00 Մայիսի 2-ից կտեսնենք գարնան վերադարձը. Սուրենյան 04/27/2024 16:51 Պատերազմ անցած տղերքը, ազատամարտիկները մեր կողքին են, ժամը եկել է, ոտքի կանգնե՛ք․ Բագրատ Սրբազան

Մակուլատուրայով Գերասիմ Վարդանյանն անազատության մեջ է, ես ամաչում եմ. փաստաբանի հայտարարությունից հետո կրքերը բորբոքվեցին (տեսանյութ) 07/11/2022 18:27 | Դատական ռեպորտաժներ

Երևանի ընդհանուր իրավասության դատարանը՝ դատավոր Կարեն Ֆարխոյանի նախագահությամբ, ընթանում են ՀՅԴ անդամներ Բագրատ Եսայանի, Գերասիմ Վարդանյանի և Գառնիկ Մելքումյանի վերաբերյալ գործով նախնական դատական լսումները։

«Փաստինֆո»-ի թղթակցի հաղորդմամբ՝ Գերասիմ Վարդանյանի պաշտպան Բենիկ Գալստյանը պահանջեց հստակեցնել Վարդանյանի մեղադրանքը՝ նշելով, որ իրենց համար անհասկանալի է, թե ինչ մեղադրանքից պետք է պաշտպանվել։

Մասնավորապես, փաստաբանը նշեց, որ նախկինում գործող ՀՀ քրեական օրենսգիրքը կորցրել է ուժը, սակայն ինչպես հին, այնպես էլ՝ գործող քրեական դատավարության օրենսգրքի համաձայն՝ դատաքննությունն իրականացվում է առաջադրված մեղադրանքի շրջանակներում, իսկ Վարդանյանին առաջադրված մեղադրանքը, ըստ էության, հոդվածի տեսանկյունից, գոյություն չունի։ Պաշտպանի համար անհասկանալի է՝ իր պաշտպանյալի գործողությունները նոր Քրեական օրենսգրքով ի՞նչ հոդվածներով է փոխվելու, այժմ փաստացի հղում է արվում մի հոդվածի վրա, որը գոյություն չունի։ Պաշտպան Լուսինե Մարտիրոսյանը միացավ միջնորդությանը՝ նշելով, որ այս պահին չկա մեղադրանք, մեղադրանքի փաստական հանգամանքներ, չկա հաստատված մեղադրական եզրակացություն այն մեղադրանքով, որով գործում է օրենսդրությունը։

Մարտիրոսյանի խոսքով՝ կամ պետք է համապատասխանեցված մեղադրանք բերվի, կամ՝ դադարեցվի հետապնդումը, քանի որ դատարանը չի կարող քննել մի գործ, որով հստակեցված մեղադրանք չկա։ Մեղադրող դատախազ Արամ Արամյանն առարկեց՝ պարզաբանելով, որ մեղսագրվող արարքը ապաքրեականացված չէ նոր օրենսգրքով, քրեական գործով նախաքննությունն իրականացվել է նախկին կարգավորումներով և նոր օրենսգրքերի՝ ուժի մեջ մտնելը չի կարող հիմք հանդիսանալ քրեական հետապնդումը դադարեցնելու համար։

Պաշտպան Լուսինե Մարտիրոսյանը միջնորդություն ներկայացրեց՝ քրեական հետապնդումը դադարեցնելու մասին։ Պաշտպան Սերգեյ Հարությունյանը միացավ միջնորդությանը՝ պահանջելով դադարեցնել քրեական հետապնդումը նաև իր պաշտպանյալի նկատմամբ։ Հանրային մեղադրող Արամ Արամյանը պնդեց իր՝ ավելի վաղ ներկայացրած դիրքորոշումը՝ գտնելով, որ միջնորդությունները ենթակա են մերժման։ Նախագահող դատավոր Կարեն Ֆարխոյանը, լսելով կողմերին, որոշեց հետաձգել քրեական հետապնդումը դադարեցնելու և գործի վարույթը կարճելու մասին միջնորդությունների լուծումը, ինչից հետո դատարանն անցավ մեղադրյալների խափանման միջոցի հարցի քննությանը։ Դատախազ Արամյանը գտնում է, որ Գերասիմ Վարդանյանի նկատմամբ ընտրված խափանման միջոց կալանավորումը պետք է մնա անփոփոխ, իսկ մյուս երկու մեղադրյալների նկատմամբ, որոնց նկատմամբ կալանքը մերժվել էր, իսկ նախաքննական մարմինը խափանման միջոց չի կիրառել, պետք է կիրառվի չբացակայելու մասին խափանման միջոցը։

Գառնիկ Մելքումյանի պաշտպան Լուսինե Մարտիրոսյանը դիրքորոշում հայտնեց՝ նշելով, որ չի անդրադառնա Գերասիմ Վարդանյանի խափանման միջոցին, քանի որ Վարդանյանի պաշտպան Բենիկ Գալստյանը հիմնավոր առարկություններ կներկայացնի, միայն ընդգծեց՝ որպես ՀՀ քաղաքացի, որպես իրավաբան ուղղակի ամաչում է, որ Գերասիմ Վարդանյանը գործի այս մակուլատուրայով անազատության մեջ է գտնվում։ Պաշտպանի հայտարարությունից հետո դատարանում կրքերը թեժացան, նախագահող Ֆարխոյանը նշեց, թե նման հայտարարությունների ժամանակը չէ, Մարտիրոսյանն էլ արձագանքեց՝ եթե մակուլատուրա չլիներ, նյութերում կկարդային և կտեսնեին, որ Գառնիկ Մելքումյանի նկատմամբ նախաքննության ընթացքում կալանավորման միջնորդությունը մերժվել է՝ հիմնավոր կասկածի բացակայությամբ։

Հիշեցնենք, որ քրեական գործը վերաբերում է 2020թ նոյեմբերի 9-ին կապիտուլյացիոն ակտի ստորագրմանը հաջորդած ակցիաներին, մասնավորապես՝ «Ազատություն» ՌԿ շենք մուտք գործելու դրվագին։ Գերասիմ Վարդանյանը, Բագրատ Եսայանը, Գառնիկ Մելքումյանը մեղադրվում են 2020 թվականի նոյեմբերի 10-ին Երևան քաղաքում տեղի ունեցած զանգվածային անկարգությունների ժամանակ խոչընդոտները վերացնելու եղանակով զանգվածային անկարգություններին օժանդակելու, ինչպես նաև խմբի կազմում լրագրողի մասնագիտական օրինական գործունեությանը խոչընդոտելու մեջ: Քրեական գործով կալանավորված է միայն Գերասիմ Վարդանյանը, ընդ որում, նրան կալանավորելու առաջին փորձը եղել է դեռևս 2020թ, սակայն դատարանները մերժել են կալանքի միջնորդությունները՝ հիմնավոր կասկածի բացակայության հիմքով։ Քրեական գործի մասին ԱԱԾ-ն երկու տարի անց է հիշել, քննիչը փոխել է Վարդանյանի մեղադրանքը և կրկին կալանավորելու միջնորդություն ներկայացրել դատարան, որն այս անգամ բավարարվել է՝ դատավոր Դավիթ Արղամանյանի կողմից՝ կալանավորման չորրորդ փորձից։ Ընդ որում, դատավոր Արղամանյանի կողմից կայացված որոշման դեմ բողոք է ներկայացվել, որը առ այս պահը չի քննվել Վերաքննիչ քրեական դատարանում։

Հեղինակ՝ Իզաբել Սահակյան