ԲՈԼՈՐ ՆՅՈՒԹԵՐԸ
Վազգեն Մանուկյանի գործով քննությունը շուտով կավարտվի. Փաստաբանը վստահեցնում է՝ Մանուկյանի ելույթները կառուցված էին բացառապես քաղաքական կոմպոնենտի վրա 06/17/2022 21:36 | ԼՐԱՀՈՍ
ՀՀ նախկին վարչապետ Վազգեն Մանուկյանի վերաբերյալ քրեական գործով քննությունը մոտենում է ավարտին։ Շուրջ մեկ տարի տևած քննությունից հետո դատաքննությունն ավարտվել է, դատարանն անցել է վիճաբանությունների փուլին։ Հաջորդ դատական նիստին ճառերով հանդես կգան մեղադրանքի և պաշտպանության կողմերը, վերջին խոսքով՝ Վազգեն Մանուկյանը, ինչից հետո դատարանը կհեռանա խորհրդակցական սենյակ՝ վճիռ կայացնելու։
Հիշեցնենք, որ Վազգեն Մանուկյանին մեղադրանք է առաջադրվել ՀՀ քրեական օրենսգրքի 301-րդ հոդվածի հատկանիշներով, այն է՝ իշխանությունը զավթելու, սահմանադրական կարգը բռնի տապալելու, բռնություն գործադրելու հրապարակային կոչեր կատարելը։ Իսկ մեղադրանքի հիմքում 2021թ. փետրվարի 12-ին և 20-ին Ազատության հրապարակում տեղի ունեցած հանրահավաքների ժամանակ Մանուկյանի քաղաքական ելույթներն են։ Նա հայտարարել էր իշխանություններին հեռացնելու տարբերակների մասին՝ այդ թվում նշելով. «Պետք է պատրաստ լինել կայծակնային արագությամբ՝ ապստամբելով, վերցնել իշխանությունը»:
Վազգեն Մանուկյանի պաշտպան Էրիկ Ալեքսանյանը «Փաստինֆո»-ի հետ զրույցում նշեց, որ Վազգեն Մանուկյանը ելույթ է ունեցել որպես քաղաքական դերակատար՝ «Հայրենիքի փրկության շարժման» առաջնորդ, ՀՀ վարչապետի թեկնածու՝ ներկայացնելով ՀՀ «17 կուսակցությունների» խորհրդի հայացքները՝ ընդհանուր հետաքրքրություն ներկայացնող հանրային նշանակության քաղաքական հարցերի վերաբերյալ, հետևաբար գտնվել է ազատ խոսքի պաշտպանության ներքո։ Փաստաբանը հատկանշական է համարում այն հանգամանքը, որ «ՀՓՇ»-ն ստեղծվել է առհասարակ ՀՀ «17 կուսակցությունների» խորհրդի կողմից, որի նպատակն է եղել սահմանադրական ճանապարհով օր առաջ ազատվել Հայաստանի աղետաբեր վարչակազմից՝ ստեղծելով անցումային, հակաճգնաժամային կառավարություն, որը կկանխի Հայաստանի պետականության կորուստը, կիրականացնի երկրի հետպատերազմական առողջացումը, կաշխատի ազգային-պետական շահերի վրա հիմնված ներքին և արտաքին քաղաքականության, քաղաքացիների անվտանգության երաշխավորման բարձրացման ուղղությամբ և կկազմակերպի արտահերթ խորհրդարանական ընտրություններ և որպես անցումային կառավարության ղեկավար ՝ ՀՀ վարչապետ, նշված խորհուրդը առաջադրել է Հայաստանի երրորդ հանրապետության առաջին վարչապետ, պետական և քաղաքական գործիչ Վազգեն Մանուկյանին։
«Այսինքն, Վազգեն Մանուկյանը հանդիսանալով «Հայրենիքի փրկության շարժման» առաջնորդ, և պետական քաղաքական գործիչ, հաշվի առնելով 2020 թվականի սեպտեմբերի 27-ից նոյեմբերի 9-ը տևած Արցախյան երկրորդ պատերազմի պատճառները, ընթացքը և այնուհետև 2020 թվականի նոյեմբերի 9-ին Հայաստանի վարչապետ Նիկոլ Փաշինյանի, ՌԴ նախագահ Վլադիմիր Պուտինի և Ադրբեջանի նախագահ իլհամ ալիևի համատեղ հայտարարության ստորագրումը հայաստանյան հանրության շրջանում բողոքի ալիքի շրջանակներում, իր ելույթներով պահանջել է Նիկոլ Փաշինյանի հրաժարականը, իր հայտարարություններում ներկայացնելով սեփական տեսլականն այդ հարցի շուրջ»,- նշեց Ալեքսանյանը՝ հավելելով, որ Վազգեն Մանուկյանի ելույթները կառուցված էին բացառապես քաղաքական կոմպոնենտի վրա եւ վերաբերել են ՀՀ-ում ստեղծված քաղաքական իրադարձություններին, հետևաբար Վազգեն Մանուկյանը գտնվել է իր քաղաքական տեսակետն ազատ արտահայտելու թույլատրելիության դաշտում, սակայն տվյալ դեպքում քրեական հետապնդման մարմինները Վազգեն Մանուկյանին դրա համար մեղադրանք առաջադրելով ըստ էության իրականացրել են քաղաքական ընդդիմախոսության ճնշում, հետապնդելով միայն մեկ նպատակ՝ դադարեցնել քաղաքական քննադատությունները։
Բացի այդ՝ փաստաբանը նշեց, որ մեղադրանքի կողմը մինչ Վազգեն Մանուկյանի նկատմամբ քրեական հետապնդում հարուցելը հաշվի չի առել նրա անձը, պատշաճ չեն հետազոտել հայտարարության կատարման տեղի և ժամանակի վերաբերյալ փաստերը։
«2021 թվականի փետրվարի 12-ի ելույթում Վազգեն Մանուկյանը խոսել է ներկայիս իշխանության քաղաքական հենարանների մասին և խոսել է դրանց նկատմամբ հանրային պարսավանքի և ճնշման վերաբերյալ։ Իր խոսքերում բռնություն կատարելու մասին որևէ կոչ չի եղել, իսկ հանրային գործիչների, այդ թվում՝ պատգամավորների, բարձրաստիճան ոստիկանների նկատմամբ քննադատության չափազանց լայն սահմաններ են նախատեսված նաև ՄԻԵԴ նախադեպային կայուն իրավունքում»,- նշեց Ալեքսանյանը՝ համեմատության համար փաստելով, որ 2018 թվականի ապրիլ-մայիս ամիսների հայտնի իրադարձությունների ժամանակ շատ ավելի կտրուկ համանման հանրային քաղաքական գործընթացներ էին կատարվում և փաստացի որևէ քրեական հետապնդում դրա շրջանակներում չի իրականացվել, այսինքն՝ իրավակիրառ պրակտիկան զարգացել է այդ ուղղությամբ։
Ալեքսանյանն ընդգծեց, որ կոնկրետ բռնության վերաբերյալ կոչ քրեական գործում առկա որևէ ապացույցում առհասարակ արտացոլված չէ, ավելին՝ քննարկվող հոդվածում օրենսդրի կողմից թեև նշվել է սահմանադրական կարգը հենց բռնի ձևով տապալելուն ուղղված հրապարակային կոչերի մասին, սակայն այդ հանցակազմում բացահայտված չեն բռնության կիրառման հստակ ձևերը, տեսակները։
Հեղինակ՝ Իզաբել Սահակյան
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ»
- 04/27/2024 08:15 Երբ ընդդիմությունը կանցնի համատեղ ու ռադիկալ պայքարի․«Հրապարակ»
- 04/27/2024 08:11 Կառավարության ստորաբաժանումը «հորդորում» է ՊԵԿ-ին ստուգում իրականացնելիս հաշվի առնել իր կարգավիճակը, այլ կերպ ասած՝ «տեղը բերել». «Ժողովուրդ»
- 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ»
- 04/27/2024 08:03 Տավուշի մարզպետը, հացի սեղանի շուրջ, փորձել լվանալ գյուղացիների գլուխները․«Հրապարակ»
- 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ»
- 04/27/2024 07:36 1080 ռեեստր՝ 3270 հայտարարատու անձանց պաշտոնների՝ 5009 փոփոխությունների վերաբերյալ․ հիմքում խնամի-ծանոթ-բարեկամ սկզբունքն է․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել