ԲՈԼՈՐ ՆՅՈՒԹԵՐԸ
Փաստաբանը պահանջել է Ռազմիկ Աբրահամյանին առերես հարցաքննել արտաամուսնական կապերից հղիացած եւ երեխաներից հրաժարված կանանց հետ. քննիչը մերժել է ու թերի քննած գործն ուղարկել դատախազին 06/02/2022 22:22 | ԼՐԱՀՈՍ
Ապօրինի որդեգրումների աղմկահարույց քրեական գործը շուտով կուղարկվի դատարան։ Ամիսներ առաջ քրեական գործով՝ 20 երեխայի մասով՝ նախաքննության ավարտ է հայտարարվել եւ մինչև ապրիլի 24-ը ժամանակ տրվել կողմերին՝ 73 հատորից բաղկացած գործի նյութերին ծանոթանալու համար, մինչև ապրիլի վերջը՝ միջնորդություններ ներկայացնելու համար։ Նյութերին ծանոթանալուց հետո պաշտպանության կողմը միջնորդություններ է ներկայացրել, այդ թվում՝ քրեական հետապնդումը դադարեցնելու մասին, որոնք մերժվել են։
Այժմ ՀՀ ՔԿ-ն գործն ուղարկել է ՀՀ գլխավոր դատախազություն՝ մեղադրական եզրակացությունը հաստատելու և գործը դատարան ուղարկելու նպատակով ։ ՀՀ գլխավոր դատախազությունից «Փաստինֆո»-ին հայտնեցին՝ քրեական գործը՝ մեղադրական եզրակացությամբ ստացվել է, դեռևս որոշում չի կայացվել, ժամկետների մեջ է։
Նշենք, որ քրեական գործով մեղադրյալները 11-ն են, այդ թվում՝ Հանրապետական ծննդատան ղեկավար Ռազմիկ Աբրահամյանը, նրա տեղակալ Արշակ Ջերջերյանը, «Երևանի մանկան տուն» ՊՈԱԿ-ի նախկին տնօրեն Լիանա Կարապետյանը, Իտալիայում որդեգրմամբ զբաղվող հավատարմագրված կազմակերպությունների ներկայացուցիչ Անուշ Գարսանցյանը, որն, ըստ մեղադրանքի, հանցավոր խմբի ղեկավարն է, 2005-ից մինչև 2019 թվականը իտալացի որդեգրողներից 1 միլիոն 700 հազար եվրո է ստացել:
Նախաքննական վարկածով՝ գործել է հետևյալ սխեման. մայրերին ծննդատներում ստիպել են հրաժարվել երեխաներից, խմբի կազմում ընդգրկված բժիշկները կազմել են երեխաների առողջության վերաբերյալ էպիկրիզներ՝ նշելով, որ երեխաներն ունեն տարբեր հիվանդություններ, այդ թվում՝ անբուժելի։
Պաշտպանության կողմի գնահատմամբ, սակայն, քննությունը պատշաճ չի իրականացվել։ Ռազմիկ Աբրահամյանի պաշտպան Սամվել Դիլբանդյանը «Փաստինֆո»-ի հետ զրույցում նկատեց՝ միակողմանի, ապօրինի քննություն է կատարվել, իսկ նախաքննությունը լրացնելու, բազմակողմանի, լրիվ քննությունն ապահովելուն ուղղված միջնորդությունները մերժվել են։
«Արվել է 175 էջանոց հիմնավոր միջնորդություն՝ հորինված քրեական հետապնդումը դադարեցնելու մասին, որ մերժվել է։ Այնուհետեւ, միջնորդել ենք Ռազմիկ Աբրահամյանին լրացուցիչ հարցաքննելու, որը նույնպես մերժվել է։ Իրականում գործի նյութերին ծանոթանալուց հետո շատ հարցերի վերաբերյալ ցանկանում էինք պարզաբանում տալ, բայց մերժեցին՝ խախտելով մարդու պաշտպանության իրավունքը»,- նշեց Սամվել Դիլբանդյանը:
Փաստաբանը տեղեկացրեց, որ միջնորդել են առերես հարցաքննել արտաամուսնական կապերից հղիացած եւ այն թաքցրած վեց կանանց հետ, որոնք վաղաժամ ծննդաբերել են ու հրաժարվել իրենց երեխաներից։
«Պահանջեցինք առերեսվել՝ մերժեցին։ Այստեղ նույնպես ակնհայտ մեղադրական թեքվածությամբ խախտեցին մեր պաշտպանության իրավունքը։ Օբյեկտիվ քննության պայմաններում պետք է բավարարեին միջնորդությունը, բայց մերժեցին»,- նշեց Դիլբանդյանը՝ հավելելով, որ միջնորդությունը մերժվել է, քանի որ այդ կանայք իրենց ցուցմունքներում ասում են, որ իրենց կամքով են հրաժարվել երեխաներից, քանի որ հղիությունը եղել է անցանկալի։
Նրա խոսքով՝ Ռազմիկ Աբրահամյանին մեղադրում են այդ վեց կանանց վաղաժամ ծննդաբերությունը կազմակերպելու մեջ, բայց որևէ բժշկի չեն հարցաքննել, ոչ մի բժշկական փաստաթուղթ չեն հետազոտել, փորձաքննություն չեն նշանակել և խոսում են մտացածին վաղաժամ ծննդաբերություն կազմակերպելու մասին։ Ընդ որում, այդ կանանցից չորսը մարզերից եկել են վաղաժամ ծննդաբերության ուղեգրերով։
Բացի այդ՝ չեն հարցաքննել նաև մարզային այն բժիշկներին, որոնք վաղաժամ ծննդաբերության ուղեգիր են տվել այդ ծննդկաններին, իսկ պաշտպանության կողմի ներկայացրած միջնորդությունները՝ այդ բժիշկներին հարցաքննելու մասին՝ մերժել են։ Մերժվել է նաև կանանց էխոսկոպիա հետազոտություն կատարած, ինչպես նաև՝ ծնունդն ընդունած բժիշկներին հարցաքննելու միջնորդությունը,
«Նման հնչեղություն ունեցող գործով նման կարգի ապօրինի քննություն կատարելն ու մարդկանց վարկաբեկելը՝ վերջն է։ Սա մեր իրողությունն է»,- եզրափակեց Դիլբանդյանը։
Իտալիայում որդեգրմամբ զբաղվող հավատարմագրված կազմակերպությունների ներկայացուցիչ Անուշ Գարսանցյանի նկատմամբ եւս քրեական հետապնդումը դադարեցնելու միջնորդություն է ներկայացվել, սակայն այն նույնպես մերժվել է։ Պաշտպան Լուսինե Մարտիրոսյանը «Փաստինֆո»-ի հետ զրույցում հայտնեց, որ Գարսենցյանն ի սկզբանե իրեն առաջադրված մեղադրանքը չի ընդունել, չի ընդունում նաև հիմա, իր գործողություններում հանցակազմ, որևէ հանցագործության հատկանիշներ առկա չէ։
«Մեր դիրքորոշման մեջ ոչինչ չի փոխվել, ներկայացրել ենք գործընթացը եւ, ի դեպ, այն գործընթացը, որը կատարվել է մինչև 2018թ և կատարվում է նաեւ մինչ օրս։ Այս քրեական գործով պայմանավորված լրացուցիչ ուսումնասիրվել է նաև գործող օրենսդրությունը և միակ փոփոխությունը, որն արվել է, եղել է Պետական տուրքի մասին օրենքում. 20.000 ՀՀ դրամի փոխարեն պետական տուրքը դարձել է 1 մլն ՀՀ դրամ։ Այսինքն՝ իրենք էլ ընդունեցին, որ գործող օրենսդրության մեջ որևէ բացթողում, խախտում կամ հակաօրինական կարգ գոյություն չունի»,- նշեց Մարտիրոսյանը՝ հավելելով, որ այս գործընթացը մինչ օրս շարունակվում է և չի կարող չշարունակվել, որովհետև ունենք Հաագայի պայմանագրով ստանձնած պարտավորություն։
Մասնավորապես, Հաագայի կոնվենցիայով նախատեսված է ծախսերի փոխհատուցում, գումարի չափը նախատեսված են յոթ տարիների աշխատանքի համար, գումարների չափը տեղադրված է հրապարակային՝ այդ կազմակերպությունների պաշտոնական կայքերում, ընդ որում, ՀՀ ի հետ համագործակցող օտարերկրյա կազմակերպությունների դեպքում Իտալիայից ավելի բարձր գումարների չափ է առկա։ Այլ խոսքով՝ պաշտպանության կողմը գտնում է, որ Անուշ Գարսենցյանի գործողություններում որևէ հանցագործության հատկանիշներ չկան, գործող կարգը համապատասխանում է թե ներպետական օրենսդրությանը, թե Հաագայի կոնվենցիային։ Փաստաբանի փոխանցմամբ՝ գործընթացը, որը տեղի է ունեցել, պետությունն է սահմանել՝ իր քաղաքացու համար, ՀՀ-ն իրավունք չունի միջամտելու, մասնավորապես, կան հավատարմագրված կազմակերպություններ, այս պարագայում՝ Իտալիայում հավատարմագրված կազմակերպություններ, ում դիմում են իրենց երկրի քաղաքացիները՝ երեխա որդեգրելու համար, իրենք են ընտրում։ Հետագայում պարզվել է, որ Իտալիայի քաղաքացին ցուցմունք է տվել այն մասին, որ ինքը գնացել և դիմել է կազմակերպությանը, շփվել կազմակերպությանը դիմած անձանց հետ, որոնք որդեգրել են տարբեր երկրներից, այդ թվում՝ ՀՀ-ից, տեսել է, որ Հայաստանի կենցաղն ավելի մոտ է իրենց, նախընտրել է որդեգրել ՀՀ-ից, վճարումները կատարել է բանկային փոխանցումներով՝ այդ կազմակերպությանը։
«Այսօր էլ այդ կազմակերպությունները կան, ՀՀ-ում կան օտարերկրյա որդեգրումներ, այդ թվում՝ Իտալիայից։ Ոչինչ չի փոխվել»,- նշեց փաստաբանը։
Դիտարկմանը, որ նախաքննական մարմնի մեկնաբանմամբ՝ կեղծ տվյալներ են մտցվել երեխաների առողջական վիճակի վերաբերյալ՝ երեխաներին ՀՀ-ում չորդեգրելու համար, փաստաբանը նշեց, որ գործում առկա չէ որևէ նման տվյալ, որևէ դատաբժշկական փորձաքննության եզրակացություն։ Փաստաբանը գտնում է, որ ի սկզբանե օդից կախված լուրերով կառավարության նիստին հայտարարություն էր արվել, թե Իտալիա երեխաներ են որդեգրվել, որոնց օրգաններն, իբրև վաճառվել են, մինչդեռ, որևէ նման երեխայի տվյալ առկա չէր, որդեգրումից հետո 5 տարի անց երեխայի մասին տվյալները փոխանցվում են ՀՀ-ին, իսկ ինչ վերաբերում է ապօրինի որդեգրմանը, Մարտիրոսյանը նշեց՝ որդեգրումը չի կարող ապօրինի,քանի որ երեխան որդեգրվում է վճռի հիման վրա, որոնցից որևէ մեկը բեկանված չէ։ Ավելին՝ մինչ դատական ակտը կառավարության որոշում է կայացվում և այժմ էլ գործող վարչապետը նույն որդեգրման ընթացակարգով որոշում է կայացնում։ Մարտիրոսյանի խոսքով՝ գործը հերթական փուչիկն էր, ափսոս, որ սա վերաբերում էր երեխաներին, նրանց իրավունքներին, անվտանգությունը, շահերն այսօր վտանգված են, խախտվել է որդեգրման գաղտնիությունը։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/25/2024 08:19 Տարածվել ա, կարդացվել ա՝ բավարար ա, էլի․ «Հրապարակ»
- 04/25/2024 08:16 Ընդդիմադիրները հիասթափված են․ «Հրապարակ»
- 04/25/2024 08:13 Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-ականների հիշողությունը. «Ժողովուրդ»
- 04/25/2024 08:10 «Քարֆուրի» տերերը հեռանում են Հայաստանից․ «Հրապարակ»
- 04/25/2024 08:03 Գերիների հարցով կակտիվանան․ «Հրապարակ»
- 04/25/2024 07:53 Դեսպան չնշանակվեց, կուսակցությունն էլ, փաստացի, գոյություն չունի. «Ժողովուրդ»
- 04/25/2024 07:50 Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/25/2024 22:46 Թումանյան փողոցում գտնվող ռեստորաններից մեկի ծխատարում հրդեհ է բռնկվել
- 04/25/2024 19:49 Կիրանցում ականազերծման աշխատանքների ընթացքում վիրավորում է ստացել զինծառայող. ՊՆ-ն հաստատում է
- 04/25/2024 19:24 Կիրանցում ականի պայթյունից քաղաքացի է վիրավորվել. Հրատապ
- 04/25/2024 10:19 Ուղևորը վարորդի աչքերին քիմիական նյութ է փչել. վերջինս այրվածքներով տեղափոխվել է հիվանդանոց. shamshyan.com
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ