Փաստ ինֆո

Լավրովի հայտարարությունը շատ լուրջ մեսիջ էր Հայաստանի իշխանություններին, հատկապես՝ Նիկոլ Փաշինյանին, որ Հայաստանում պետք է վերջ դրվի հակառուսական քարոզին: «Փաստինֆո»-ի հետ զրույցում ասաց քաղաքական մեկնաբան Հայկ Խալաթյանը` անդրադառնալով ՌԴ ԱԳ նախարար Սերգեյ Լավրովի հայտարարությանը:

Նշենք, որ այսօր Մոսկվայում կայացել է Հայաստանի և Ռուսաստանի արտգործնախարարների հանդիպումը, որին հաջորդել է համ՞ատեղ մամուլի ասուլիսը։ ՌԴ ԱԳ նախարար Լավրովը կտուկ է արձագանքել Նիկոլ Փաշինյանի և իշխանության մյուս ներկայացուցիչների՝ ռուս խաղաղապահներին պատասխանատվության ենթարկելու հայտարարություններին։

«Համոզված ենք, որ մեր հայ գործընկերները լիարժեք վստահում են Ռուսաստանի խաղաղապահ առաքելությանը եւ, երբեմն, հնչեցվող կոչերը՝ առաքելությանը ենթարկել պատասխանատվության, անցկացնել ծառայողական քննություն, չեն արտահայտում հայ ժողովրդի ու ղեկավարության իրական վերաբերմունքը այն դերի նկատմամբ, որը խաղաղապահ առաքելությունն ունի՝ տարածաշրջանում կայունության ապահովման գործում»,- Մոսկվայում հայտարարել է Լավրովը։

Քաղաքական մեկնաբան Հայկ Խալաթյանը կարծում է, որ այսպիսով Լավրովն ակնարկել է, որ Հայաստանի այսօրվա իշխանությունները՝ Նիկոլ Փաշինյանի գլխավորությամբ, հակառուսական քարոզչություն են սկսել Հայաստանում, և Ռուսաստանն ուզում է ակնկալել, որ դա չի համընկնում հայ ժողովրդի մեծ մասի կարծիքի հետ.

«Տեսանք, որ նույն Փաշինյանը Բրյուսելում չի խոսում Մինսկի խմբի, ադրբեջանական վերջին ագրեսիվ քայլերի մասին, փոխարենը վերադառնում է Երեվան և նոր է դրա մասին խոսում, որպեսզի քննադատի Ռուսաստանին ու ռուս խաղաղապահներին։ Իհարկե, այս բոլորը Մոսկվայում աննկատ չեն մնում, բոլորը տեսնում են հասկանում են, թե ինչ հայտարարություններ են Հայաստանի իշխանություններն անում»,-ասաց Խալաթյանը:

Ըստ փորձագետի՝ ռուս խաղաղապահների գործունեությանը Հայաստանի իշխանության նման կոշտ արձագանքը շատ հարցեր է առաջացնում բոլորի համար.

«Մոսկվայում հասկանում են, որ ռուս խաղաղապահներին ուզում են քավության նոխազ սարքել, մեր իշխանություններն իրենց սխալների ու զիջումների ողջ մեղքը փորձում են բարդել Մոսկվայի վրա: Պետք է հասկանալ, որ խաղաղապահները սահմանափակ են իր գործողությունների մեջ, բացի սա՝ հայերի փոխարեն ոչ մեկը չի պատերազմելու Ադրբեջանի հետ, Հայաստանին կարող են օգնել, բայց նրա փոխարեն ամբողջ հարցերը լուծել չեն կարող»,-ասաց Խալաթյանը:

Զրուցակցի խոսքով՝ հայ-ռուսական հարաբերություններում ամեն ինչ հարթ չէ, բայց դա միայն ռուսական կողմի մեղքը չէ, «Հայաստանը պատրաստ չէ պաշտպանել հայկական շահը, իշխանությունները չեն էլ թաքցնում, որ պատրաստ են գնալ շատ լուրջ միակողմանի զիջումների Ադրբեջանին, բայց որպեսզի խուսափեն ներքաղաքական խնդիրներից, փորձում են այդ զիջումների մեղքը բարդել Ռուսաստանի վրա։ Իհարկե, սա դժգոհություն է առաջացնում Մոսկվայում, որտեղ ակնկալում են, որ Հայաստանի իշխանություններն իրենք պատասխանատվություն

Աղբյուր` Փաստինֆո