Փաստ ինֆո

«Պատիվ ունեմ» խմբակցության պատգամավոր Թագուհի Թովմասյանն առաջարկում է հեշտացնել զինծառայողներին վարձավճարի փոխհատուցում տրամադրելու կարգը:

Պատգամավորի հեղինակած «Զինվորական ծառայության և զինծառայողի կարգավիճակի մասին» օրենքի նախագծով առաջարկվում է բնակարանով չապահովված զինծառայողին ֆինանսական փոխհատուցում տրամադրել միայն կադաստրի եզրակացությամբ և զինծառայողից այլևս չպահանջել նոտարական վավերացմամբ փաստաթուղթ.

«Զինծառայողներն ապրում են վարձով, բացի դրանից դատապարատվում խարդախության համար, քանի որ այն բնակարանում, որտեղ ապրում են, քաղաքացին չի համաձայնում կամ անկախ իր կամքից չունի տան վկայական, չի կարողանում կնքել պայմանագիր, զինծառայողը ստիպված է լինում գնալ ուրիշ տան հետ կնքել պայմանագիր, բերել այդ վարձակալության պայմանագիրը՝ նոտարով հաստատված կարգով, ու ստանալ վարձավճարի փոխհատուցում»,-ասաց նա:

Պատգամավորի հաղորդմամբ՝ նշված խնդրահարույց դեպքերի առնչությամբ արդեն 81 քրեական գործեր են հարուցվել.

«Զինծառայողը վարձով ապրելու համար խարդախության հոդվածով դատվում է, որպեսզի այս իրավիճակը կանխենք և այդ 81 հոգին չդառնա 800 կամ 8000, առաջարկում եմ, որ այսուհետ ոչ թե զինծառայողից պահանջենք նոտարական վավերացմամբ փաստաթուղթ՝ վարձակալության անհրաժեշտ վկայականը, այլ միայն կադաստրի կողմից տրված տեղեկանքը», - ասաց Թովմասյանը:

Աղբյուր` Փաստինֆո