Փաստ ինֆո

ԱԺ Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովում ՀՌՀ անդամի պաշտոնում Ռուբեն Հակոբյանի թեկնածության քննարկումն ընթացավ լարված մթնոլորտում:

Հանձնաժողովի նախագահ Սիսակ Գաբիրելյանը պահանջեց, որ թեկնածուն դադարեցնի իր ելույթը, որտեղ նա քննադատում էր իշխանական պատգամավոր Նարեկ Բաբայանին.

«Նարեկ Բաբայանն ինձ ասում է, թե չի հարգում իմ կենսագրությունը, և ոչ ավել ոչ պակաս ինձ վիրավորանք է հասցնում, թե ընդդիմադիր դաշտում եղել եմ « ռումբ»: Ռումբներ են բոլոր նրանք պետության համար, ովքեր քաղաքականության հետ որևէ կապ չունեն, և կարողանում են ԱԺ խցկվել որպես իրենց կնոջ Լենա Նազարյանի օժիտ»,-ասաց Ռուբեն Հակոբյանը:

Սիսակ Գաբիրելյանը ընդհատեց Ռուբեն Հակոբյանին և պահանջեց դադարեցնել ելույթը։ Ռուբեն Հակոբյանն էլ ասաց, որ հանում է իր թեկնածությունը.

«Ցույց տվեք կանոնակարգի այն հոդվածը, որով դադարեցնում եք իմ ելույթը»,-ասաց Հակոբյանը, իսկ Սիսակ Գաբիրելյանն էլ արձագանքեց. «Կանոնակարգը կգնաք դատարանում կանեք».

«Իրավունք չունեք իմ ելույթը դադարեցնել, ձայնդ կտրի՛ր, վայր ընկի՛ր տեղդ»,-ասաց Ռուբեն Հակոբյանը։

Կրքերն այնքան թեժացան, որ սկսեցին բոլորի ներկայությամբ, բացահայտ հայհոյել միմյանց՝ օգտագործելով խուլիգանական և փողոցային արտահայտություններ։   

Սիսակ Գաբրիելյանի և Ռուբեն Հակոբյանի միջև վիճաբանությունը վերածվեց ծեծկռտուքի: Պատգամավորը և ՀՌՀ անդամի թեկնածուն միմյանց հասցեին հայհոյախառը վիրավորանքներ հասցրին:

Աղբյուր` Փաստինֆո