Փաստ ինֆո

Ես բանակի մարդ եմ: Միշտ էլ մեր պետության անվտանգության և սահմանների պաշտպանության հարցը տեսել եմ բանակի հզորացման մեջ: Այս մասին այսօր լրագրողների հետ զրույցում ասաց ԵԿՄ նախագահ Սասուն Միքայելյանը:

Հիշեցնենք, որ ԱԺ պաշտպանության և անվտանգության հարցերի մշտական հանձնաժողովի նիստում Սասուն Միքայելյանը հայտարարել էր՝ «Սյունիքում ամեն պահի թուրքը կարող է ճանապարհից գա և մարդ տանի, պետք է տենց դեպք լինի, որ նոր սկսենք մտածե՞լ»:

Լրագրողի հարցին՝ ինչու՞ իշխանությունները վեց ամսվա ընթացքում Սյունիքի խնդիրը չեն կարգավորել, որ գնում եք Սյունիք և տեսնում եք իրավիճակ՝ որ թուրքը կարող է մարդկանց գողանալ, Սասուն Միքայելյանն ասաց.
«Ինձ թուրքը չի կարող գողանալ: Ես, որպես ձեր ապագայի համար պատերազմած մարդ, ձեր ապագայի մասին եմ մտածում, մեր ժողովրդի մասին եմ մտածում»,-ասաց Սասուն Միքայելյանը:

Սասուն Միքայելյանի ճեպազրույցին ներկա էր նաև իմքայլական պատգամավոր Անդրանիկ Քոչարյանը, որը լրագրողներին դիմելով, հարցրեց՝ «դուք ինձնից թույլտվություն վերցրել ե՞ք, որ եկել եք», այնուհետև լրագրողներին դուրս հանեց սենյակից.

«Ազատե՛ք տարածքը»,-լրագրողներին ասաց Անդրանիկ Քոչարյանը:

Աղբյուր` Փաստինֆո