Փաստ ինֆո

Նիկոլ Փաշինյան անուն-ազգանունով քաղաքական գործիչն այլևս ավարտված է, քաղաքանապես և բարոյապես ոչնչացված է։ Այդպիսի քաղաքական գործիչ և առաջնորդ ՀՀ-ն չունի, դե յուրե՝ առայժմ շարունակում է պաշտոնավարել։ Այս մասին Երևանի ընդհանուր իրավասության դատարանի բակում հայտարարեց «Մեկ Հայաստան» կուսակցության ղեկավար Արթուր Ղազինյանը։

«Իր ստեղծագործ միտքը առաջ տանելով և PR ակցիայի շրջանակներում ինքը բեմադրում է իր սեփական մահափորձը և դրանում փորձում մեղադրանք առաջադրել ընդդիմության գործիչներին, իրականում իրեն շատ մեծ կոմպլիմենտ է անում, որովհետև նա պետք է երկար ապրի, որ ամեն օր տեսնի սերունդների նզովքը, անեծքը»,- նշել է Ղազինյանը՝ հավելելով. «

«Փաշինյանը բոլորիցս թաքուն վաճառեց Արցախը, այն տվեց առանց խոսելու, խորհրդակցելու, 44 օր մեզ խաբեցին, 44 օր մեզ տվեցին հաղթելու ենք կեղծ դոզան »:

Գործիչը արձանագրեց, որ գիտեին ինչ է կատարվում, սակայն չէին կարող արտահայտվել, որովհետև իրավիճակն այնպիսին էր, որ ներքաղաքական գործընթացներ տանել չէր կարելի և իրենց մեղավոր են համարում, որ ժամանակին չձեռնարկեցին գործողություններ՝ կանխելու համար։

Ղազինյանը կոչ արեց իր իրավաբան գործընկերներին՝ մնալ իրավունքի շրջանակներում և հայտարարեց, որ այն ստեղծագործական միտքը, որով կազմում են արձանագրություններ, հատկապես ահասարսուռ հնչող տեսանյութերում, հետաքրքիր է լսել որպես պատմվածք, հեքիաթ, բայց իրավունքի հետ որևէ կապ չունի։ Բացի դա՝ Ղազինյանը նաև դիմեց ոստիկաններին՝ նշելով, որ այս պայքարը նաև նրանց համար է, նրանց երեխաների, որ երեխաները չմեծանան ծուռ վզով, պարտվողի խայտառակ, ընկճված հոգեվիճակով, որովհետև մենք 30 տարի հաղթող ենք եղել, քամահրանքով ժպտացել ենք ադրբեջանցիների վրա, որտեղ հանդիպել ենք, իսկ հիմա Ռուսաստանում,որտեղ շատ են ադրբեջանցիները, հայերն ամաչում են խանութ գնալ, տանից դուրս գալ։ Նա ընդգծեց, որ ՀՀ քաղաքացիների 90 տոկոսը, աշխարհի հայերի 90 տոկոսն այլևս մերժում է այս իշխանությունը և այս իշխանությունը պատմության մեջ մնալու է որպես դավաճան, թշնամու հետ գործարք կնքած, թշնամուն խնդրած, որ զորքերը դուրս բերելու հարցում մի քիչ իրեն ընդառաջի և իրեն ժամանակ տա, քանի որ ներսում իր համար լավ չեն և թշնամու մեծահոգությունը ՝ շատ խիստ կասկածելի շահերի տեսանկյունից, թե ինչու է Ալիևին պետք երկարաձգել Նիկոլ Փաշինյանի իշխանությունը։ Նրա խոսքով՝ այս հարցերի պատասխանները կտրվի քրեական գործով, որը կհարուցվի իշխանափոխությունից հետո և կան մութ դրվագներ, բոլոր դրվագները բացահայտվելու են և բոլորը ենթարկվելու են պատասխանատվության։

Աղբյուր` Փաստինֆո