Փաստ ինֆո

Հայաստանի և Ռուսաստանի միջև կա իրավապայմանագրային բազա, ինչը վերաբերում է նաեւ ռուսական ռազմաբազայի տեղակայմանը և 2011 թվականին շատ կարևոր փոփոխություն կատարվեց: Այս մասին ՀՀ ԱԺ տարածաշրջանային և եվրասիական ինտեգրման հարցերի ու ֆինանսավարկային և բյուջետային հանձնաժողովների համատեղ նիստին հայտարարել է ՀՀ արտաքին գործերի նախարարի տեղակալ Շավարշ Քոչարյանը:

Հիշեցնենք, որ ԱԺ-ում քննարկվում է 2021 թ. պետական բյուջեի նախագիծը:

«Ունենք 97 թվականի համաձայնագիրը, որում խոսվում է՝ ագրեսիայի վտանգի դեպքում ինչ մեխանիզմ կարող է գործել, և երրորդ կետը արդեն ագրեսիայի դեպքում: Մենք ելնում ենք նրանից՝ կա ագրեսիայի վտանգ, եթե արձանագրենք, որ ագրեսիա է, ապա առաջին քայլով ում պետք է դիմենք, դա պետք է լինի ՄԱԿ-ին, որից հետո դաշնակիցներին»,-ասաց փոխարտգործնախարարը եւ ավելացրեց. «Այո, իհարկե, Հայաստանի տարածքը ռմբակոծվել է, էլ անօդաչու թռչող սարքերի մասին չեմ խոսում, բայց այդ բոլորը այսօր արդեն գնահատել որպես ագրեսիա, դա քաղաքական որոշում է, որը կայացվում է ելնելով բազմաթիվ հանգամանքներից, ամեն դեպքում անվիճելի է, որ ագրեսիայի վտանգը կախված է»,-ասաց նա:

Շավարշ Քոչարյանի փոխանցմամբ` երկրորդ հոդվածով պայմանավորված` ագրեսիայի վտանգի դեպքում, ՀՀ-ն դիմել է, որը ենթադրում է համապատասխան կոնսուլտացիաներ, որոնց արդյունքում կողմերը պետք է քայլեր ձեռնարկեն:

Աղբյուր` Փաստինֆո