Փաստ ինֆո

Երբ լսեցի, որ ՀՀ գլխավոր դատախազը պետք է ելույթ ունենա և ներկայացնի ինչ-որ փաստեր, մտածեցի, որ դա պետք է լինի Հայկ Հարությունյանի, Գեորգի Կուտոյանի, Մարիուս Յուզբաշյանի և նմանատիպ 2007թ.-ին մեր դեմ կատարված մահափորձի փաստերը։ Այս մասին այսօր ԱԺ-ում ասաց «Բարգավաճ Հայաստան» խմբակցության պատգամավոր Վարդան Ղուկասյանը։

«Քաղաքական այդ պատվերներն այդպես արված են և մինչև այսօր գործերը չեն բացահայտվել։ Բացահայտված է այն առումով, որ ինքնասպանությունները ՀՀ-ում շատ են, մանավանդ նախարարների ու ուժային նախարարների նկատմամբ։ Դրանից հետո իմացա, որ Գագիկ Ծառուկյանին պետք է անվստահություն ներկայացնեն։ Հիշում եմ, որ Գագիկ Ծառուկյանը և մեր թիմն ամեն հարցում կանգնած էր Նիկոլ Փաշինյանի և ՔՊ-ի կողքին։ Դա փաստ է, բոլորը գիտեն։ Շատ-շատերն էլ նեղացել են, շատ-շատերն էլ վատ են զգացել։ Ոնց նախկինների կողմից քննադատվում էինք, ոնց որ նախկինների կողմից ունեցվածքն էին խլում, խփում էին, 17 տարի բանտերում 23 տարեկան երիտասարդներին տանում էին, հիմա նույնը կրկնվում է։

Ցավում եմ, որ պատգամավորը երբ խոսք է ասում, մարդիկ աշխատում են արագ կարգով թռնեն այդ պատգամավորի երեսին, բերանը փակեն ու չթողնեն, որ կարծիքն արտահայտի։ Բազմիցս անդրադարձել եմ, որ եթե պետությունը սեփականություն չունի և եթե գործարանների մասին հոգ չի տանում, անհատներն են անում։ Խոսքը տասնյակ հազար մարդկանց մասին է խոսքը։ Գագիկ Ծառուկյանը տասնյակ հազարավոր աշխատատեղեր է ստեղծել և պետական ոչ մի կառույցում չի աշխատել։ Սպորտային ոլորտն ամբողջ աշխարհով ճանաչվածություն ձեռք բերեցինք։ Հարաբերությունները կարողացավ պահել նաև էն սկզբունքով, որ էդ լորդերին բերեց հասցրեց մինչև Ղարաբաղ»,-ասաց Վարդան Ղուկասյանը։

Վերջինս ընդգծեց՝ անհատը, եթե պետական պարտականությունն ստանձնել է իր վրա և նման թույլ հիմքերով ներկայացնել ու ուզել Գագիկ Ծառուկյանին վարկաբեկել, պատգամավորը գտնում է, որ այդ սկզբունքով երկիր չի կառուցվի։

«Ես մի բան գիտեմ, որ 1996թ.-ին, երբ ինձ հասցրեցին՝ եթե օրենքը և խիղճն իրար հակասեն, որի կողմնակիցը կլինես, ասել եմ՝ խղճի, որովհետև օրենքը պետք է խղճից բխի, իսկ եթե այդպես չէ, ուրեմն օրենքը շատ հարցերում պետք է փոխվի։ Պողոս առաքյալը 8 անգամ դատվեց, է հա վախեցնում եք՝ դատարան կգնաս, բանտ կգնաս։ Տո բանտում մարդիկ մերն են, մենք նրանցն ենք, բոլորս էլ նույնն ենք, Լենինն է դատվել, Պողոս առաքյալն էլ է դատվել, ոչինչ դրանից հետո էլ կյանք կա, դրանից հետո էլ իրար երես տեսնել կա։ Մի՛ դատեք, որ չդատվեք»,-ասաց պատգամավորը։

Աղբյուր` Փաստինֆո