ԲՈԼՈՐ ՆՅՈՒԹԵՐԸ
«Սասնա Ծռեր 1» գործով փորձագետները չեն հարցաքննվի.դատարանը մերժեց Զարուհի Փոստանջյանի միջնորդությունը 06/03/2020 15:49 | Դատական ռեպորտաժներ
Երևանի ընդհանուր իրավասության դատարանում՝ դատավոր Մեսրոպ Մակյանի նախագահությամբ, շարունակվում է «Սասնա ծռեր1» գործով դատավարությունը։ Նիստի մեկնարկից անմիջապես հետո պաշտպան Զարուհի Փոստանջյանը միջնորդություն ներկայացրեց՝ ոստիկանության փորձագիտական վարչության փորձագետներին և դատաբժշկական կենտրոնի փորձագետներին, ինչպես նաև՝ դատահետքաբանական, դատաձգաբանական, դատաքիմիական, դատակենսաբանական համալիր փորձաքննությունն իրականացնող փորձագետներին հարցաքննության հրավիրելու վերաբերյալ։ Մասնավորապես՝ Փոստանջյանը գտնում է, որ փորձագետների ցուցմունքները գործի քննության համար վճռորոշ նշանակություն ունեն, քանի որ Գագիկ Մկրտչյանի հրազենային վնասվածքից մահվան պատճառը պարզված չէ, իսկ մնացած ապացույցները բավարար չեն Արմեն Բիլյանին մեղադրանք առաջադրելու համար, քանի որ այն հիմնված է վկաների ցուցմունքի վրա, ընդ որում՝ վկաները չեն տեսել Արմեն Բիլյանին՝ Գագիկ Մկրտչյանին հրազենային վնասվածք պատճառելիս։
Ամբաստանյալ Արմեն Բիլյանը միացավ իր պաշտպանի ներկայացրած միջնորդությանը՝ նշելով, որ Գագիկ Մկրտչյանի մահվան և հրազենային վիրավորման հետ որևէ կապ չունի և իր համար կարևոր է, որ տուժողը և հանրությունը դա իմանա։ Ամբաստանյալ Պավել Մանուկյանն էլ նշեց, որ փորձագիտական նմուշ վերցնելու համար փորձագետները վերցրել են ինքնաձիգի բացած անցքի շրջակա տարածքից, այսինքն՝ աշխարհի ամենանշանավոր փորձագետն անգամ չի կարող պատկերացում կազմել, թե ինչ տրամաչափի ինքնաձիգով է խփած և արդյոք այդտեղից ինքնաձիգ անցել է, թե ոչ։ Մյուս ամբաստանյալները ևս միացան Փոստանջյանի ներկայացրած միջնորդությանը։ Մինչ մեղադրող կողմի դիրքորոշումը լսելը դատավոր Մեսրոպ Մակյանը հետաքրքրվեց՝ արդյո՞ք պաշտպանական տակտիկան հիմնված է ժխտողականության վրա, այսինքն՝ պաշտպանական կողմը պնդում է, որ Արմեն Բիլյանը հերքում է իր առնչությունը Գագիկ Մկրտչյանի մահվան հետ, նաև հստակեցրեց, որ արդյոք դա նշանակում է, որ պաշտպանը ոչ միայն հերքում է իր առնչությունը Գագիկ Մկրտչյանի սպանության հետ, այլև՝ ցանկանում են բացահայտել սպանություն իրականացնողին։
Մակյանի ճշգրտող հարցին, թե ինչ նշանակություն ունի փորձագիտական եզրակացությունը պաշտպանական կողմի համար, այն դեպքում, երբ Բիլյանը հերքում է իր առնչությունը Գագիկ Մկրտչյանի մահվան հետ, ինչին ի պատասխան Փոստանջյանն ասաց, որ կեղծիք է եղել և շահագրգռված են, որ ցանկացած սպանություն բացահայտվի։ Մեղադրող դատախազ Պետրոս Պետրոսյանն էլ ժամանակագրական հերթականությամբ անդրադարձավ միջնորդությանը, ուշադրությունը սևեռելով այն հանգամանքին, որ միշտ էլ փորձաքննություններ իրականացվել են քրեական գործերով և պաշտպանի պնդումը, որ փորձաքննություններն աննախադեպ են, իրականությանը չեն համապատասխանում։ Պետրոսյանը նշեց, որ շուրջ ութ ամիս այս քրեական գործով տեղի է ունեցել նյութերի ծանոթացում և չի եղել գեթ մեկ միջնորդություն՝ փորձաքննության եզրակացության հետ կապված հարցերի վերաբերյալ։
Անդրադառնալով դատաձգաբանի և հետքաբանի ուսումնասիրություններին՝ Պետրոսյանը նշեց, որ հագուստի վերաբերյալ ուսումնաիրությունները ցույց են տվել, որ բոլոր վնասվածքներն ունեն մեկ ուղղություն և պատճառվել են մեկ կրակոցի արդյունքում։ Ինչ վերաբերում է դատաբժշկական փորձաքննության եզրակացությանը, Պետրոսյանը նշեց, որ այն վնասվածքները, որոնք հագուստի հետ առնչություն չունեն, հնարավոր է, որ առաջացել են մեկ կամ երկու կրակոցից։ Պետրոսյանը գտնում է, որ փորձագիտական եզրակացության լրիվության և դրա վերաբերյալ պարզաբանումներ ստանալը՝ պաշտպանի ներկայացրած կոնտեքստում, իրավաչափ չէ։
Լսելով կողմերի դիրքորոշումը՝ դատարանն արձանագրեց, որ պաշտպանի կողմից բարձրաձայնված հարցերը բավարար լուսաբանվել է փորձագիտական եզրակացություններում, իսկ պաշտպանի ներկայացրած փաստարկները՝ դրանց հակասականության և անհասկանելիության վերաբերյալ, դատարանը համարեց առարկայազուրկ և ոչ փաստարկված։ Դատարանը փաստեց, որ պաշտպանի ներկայացրած միջնորդությունը պատճառաբանված և հիմնավորված չէ և չկան հիմքեր՝ այն բավարարելու համար։ Բացի այդ՝ Մեսրոպ Մակյանը մեջբերեց ՀՀ քրեական դատավարության օրենսգրքի համապատասխան նորմը և նշեց, որ փորձագետների կողմից ներկայացված տվյալները չեն կարող փոխարինվել նրանց կողմից տրված եզրակացությանը։ Դատարանը մերժեց միջնորդությունը։
Հիշեցնենք, որ «Սասնա Ծռերի» անդամները մեղադրվում են 2016 թ. հուլիսի 17-ին զանգվածային անկարգություններ կազմակերպելու նախապատրաստության, ծանրացուցիչ հանգամանքներում սպանությունների, շենքեր, շինություններ, տրանսպորտի միջոցներ զավթելու, պատանդ վերցնելու եւ պահելու, ապօրինի կերպով հրազեն, ռազմամթերք ձեռք բերելու, պահելու, փոխադրելու, զենք, ռազմամթերք հափշտակելու, ուրիշի գույքը գաղտնի հափշտակելու եւ դիտավորությամբ ոչնչացնելու մեջ։ Զինված հարձակման հետևանքով զոհվեցին գնդապետ Արթուր Վանոյանը, լեյտենանտ Յուրի Տեփանոսյանն ու ավագ ենթասպա Գագիկ Մկրտչյանը։ Պատանդ վերցված ոստիկանների թվում էին այն ժամանակվա Երևանի փոխոստիկանապետ Վալերի Օսիպյանը և ՀՀ փոխոստիկանապետ Վարդան Եղիազարյանը։ ՊՊԾ գունդը զավթելու եւ նշված այլ արարքները կատարելու մեջ, ընդհանուր առմամբ մեղադրվում է 32 անձ:
Ի սկզբանե գործը մեկ վարույթով էր ուղարկվել դատարան, որը մակագրվել էր Էրեբունի-Նուբարաշեն վարչական շրջանների դատարանի դատավոր Արտուշ Գաբրիելյանին, սակայն նիստերի անցկացումը երբեմն դառնում էր անհնարին եւ գործը բաժանվեց երեք մասի։ «Սասնա Ծռեր» գործից տասը հոգու՝ Պավել Մանուկյանի, Վարուժան Ավետիսյանի, Մխիթար Ավետիսյանի, Արայիկ Խանդոյանի, Գագիկ Եղիազարյանի, Արմեն Բիլյանի, Արեգ Կյուրեղյանի, Սմբատ Բարսեղյանի, Սեդրակ Նազարյանի և Էդվարդ Գրիգորյանի վերաբերյալ առանձին վարույթում անջատված գործը մակագրվել է հիշյալ դատարան գործուղված դատավոր Մեսրոպ Մակյանին՝ ստանալով «Սասնա ծռեր-1» պայմանական անվանումը։
Դատաքննության ընթացքում՝ 2018 թվականի հոկտեմբերին, խմբի անդամ, ազատամարտիկ Արայիկ Խանդոյանը, ով հայտնի է որպես «Միայնակ Գայլ», մահացել է։ «Սասնա Ծռեր-2» գործը՝ 11 ամբաստանյալի վերաբերյալ, ընդունվել է դատավոր Արթուր Օհանյանի վարույթ: Իսկ երրորդ գործով դատավորը՝ ընդհանուր առմամբ 11 ամբաստանյալի մասով, մնացել է Արտուշ Գաբրիելյանի վարույթում։ Նշենք, որ սպանության համար մեղադրանք է առաջադրվել խմբի անդամներ, սույն գործով ամբաստանյալ Արմեն Բիլյանին, Սմբատ Բարսեղյանին։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ»
- 04/27/2024 08:15 Երբ ընդդիմությունը կանցնի համատեղ ու ռադիկալ պայքարի․«Հրապարակ»
- 04/27/2024 08:11 Կառավարության ստորաբաժանումը «հորդորում» է ՊԵԿ-ին ստուգում իրականացնելիս հաշվի առնել իր կարգավիճակը, այլ կերպ ասած՝ «տեղը բերել». «Ժողովուրդ»
- 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ»
- 04/27/2024 08:03 Տավուշի մարզպետը, հացի սեղանի շուրջ, փորձել լվանալ գյուղացիների գլուխները․«Հրապարակ»
- 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ»
- 04/27/2024 07:36 1080 ռեեստր՝ 3270 հայտարարատու անձանց պաշտոնների՝ 5009 փոփոխությունների վերաբերյալ․ հիմքում խնամի-ծանոթ-բարեկամ սկզբունքն է․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/27/2024 19:11 2 զոհ, 6 վիրավոր․ Սյունիքում իրանական ավտոբուս է շրջվել
- 04/27/2024 12:45 Ողբերգական դեպք՝ Երևանում. շենքի բակում հայտնաբերվել է 66-ամյա տղամարդու մարմին
- 04/27/2024 12:03 ՌԴ քաղաքացին փորձել է նետվել Կիևյան կամրջից, ինքնասպանության փորձը կանխվել է
- 04/26/2024 20:05 Առեղծվածային դեպք՝ Կոտայքի մարզում. «Hotel Տ27» հյուրանոցային համալիրում հայտնաբերվել են 2 օտարերկրացիների մարմիններ. 2 հոգի էլ տեղափոխվել է հիվանդանոց
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել