Փաստ ինֆո

Թալիսմաններ պատրաստել նշանակում է տիեզերական, աստղային ազդեցություններ ներգրավել մետաղի կամ որևէ այլ նյութի մեջ, որպեսզի այն ծառայի մարդու որոշակի նպատակների իրականացմանը:

«Փաստինֆո»-ի հետ զրույցում աստղաբան Աննա Հախվերդյանն ասաց թալիսմանների բազմաթիվ տեսակներ գոյություն ունեն, սակայն մարդկանց հիմնականում հայտնի են մետաղական թալիսմանները: Աստղաբանի խոսքով դրանց վրա տարբեր նպատակների համար խորհրդանիշներ են փորագրվում: Թալիսմաններ պատրաստվել են ոչ միայն մարդկանց, այլև երկրների ու տարածաշրջանների համար, որպեսզի տվյալ երկրում օրինակ ծնելիության ցուցանիշը բարձրանա և նմանատիպ այլ նպատակներով:

Սակայն հիմա ավելի տարածված են անձնական թալիսմանները: Այսինքն կոնկրետ մարդու համար հաշվի առնելով նրա անձնական տվյալներն ու նպատակները. «Օրինակ եթե անձնական խնդիր է, թալիսմանի վրա փորագրում ենք մարդու դեղձի ծաղիկը: Դա շատ հետաքրքիր, խորհրդանշական աստղ է, որը մարդուն տալիս է անձնական հաջողություն»,-ասաց Աննա Հախվերդյանը հավելելով, որ կան նաև այլ խորհրդանշական աստղեր: Դրանցից մեկը ճամփորդող ձին է: Եթե մարդու մոտ գործնականում ինչ-որ ընթացք դանդաղում է, ապա կիրառվում է ճամփորդող ձիու խորհրդանիշը, որպեսզի ավելի արագանա տվյալ մարդու նախընտրած գործողությունը: Այս խորհրդանիշն օգնում է նաև այն դեպքերում, երբ ծրագրված ճամփորդություն ինչ-ինչ պատճառներով չի ստացվում:

Աստղաբանի խոսքով կան հատուկ օրեր, որոնց ընթացքում կարելի է պատրաստել թալիսման: Օրինակ կան լուսնի անբարենպաստ օրեր կամ Մերկուրիի անբարենպաստ դիրքեր, երբ պետք չէ թալիսման պատչստել, քանի որ այն արդյունավետ չի լինի և չի ծառայի իր նպատակին:

«Թալիսման ստեղծելիս հաշվի ենք առնում նաև ուղղվածությունը: Օրինակ եթե այն անձնական բնույթի է, ապա պետք է հաշվի առնել սիրո մոլորակի Վեներայի դիրքը, լուսնի դիրքը և այլն: Աստղաբանության մեջ մեծ նշանակություն ունեն նաև ժամերը: Կան բարենպաստ և անբարենպաստ, չար և բարի ժամեր: Եթե բարի գործի համար եք անում, բնականաբար բարի ժամ պետք է օգտագործենք: Թալիսման պատրաստելիս այս ամենը պետք է հաշվի առնենք»,-ասաց աստղաբանը:

Վերջինս, խոսելով մոլորակային թալիսմանների մասին, նկատեց Մերկուրի մոլորակի թալիսմանը մարդուն ճարտարախոսություն է տալիս, հաջողություն շփումների մեջ, ինչպես նաև նպաստավոր է առողջության համար: Դե իսկ Վեներա մոլորակը նպաստում է մարդու սիրո հաջողությանը:

Մանրամասները տեսանյութում

Աղբյուր` Փաստինֆո