Փաստ ինֆո

Ազգային ժողովը քննարկում է «Պետական տուրքի մասին» Հայաստանի Հանրապետության օրենքում փոփոխություն կատարելու մասին և «Գործունեության իրականացման ծանուցման մասին» ՀՀ օրենքում լրացում կատարելու մասին օրենքների նախագծերի փաթեթն առաջին ընթերցմամբ ընդունելու մասին հարցը։

Հիմնական զեկուցող Էկոնոմիկայի նախագահի տեղակալ Ավագ Ավանեսյանը հայտնեց, որ հուլիսից- դեկտեմբեր ընկած ժամանակահատվածում Իրանից ներմուծվող ցեմենտի ծավալները որոշակիորեն նվազել են և հայկական արտադրության ծավալը որոշակիորեն անկում է ապրել․ «Մեզ մոտ հիմա գործում է 2 խոշոր ընկերություն, որոնցից մեկը ծավալների աճ է գրանցել»։

Ավանեսյանի խոսքով, երեք ներգործող փաստ կա՝ իրանական արժույթի անկումը, էներգետիկ քաղաքականությունը և Իրանական տնտեսության վերջին տարիների անկումը, չնայած որ արտադրական ծավալները շարունակում են մնալ նույնը։
«Արդյունքում շուկայում արտադրական ծավալների գերբավարարվածություն է, ինչի արդյունքում գինն անկում է ապրում։ Մեր կարծիքով սա երկարաժամկետ երևույթ չէ։ Տարբեր գնահատականներով, ոլորտի կորուստի արդյունքում 10 տարի պետք է լինելու, որ այդ արտադրական ծավալները վերականգնենք։ Տարբեր գնահատականներով, ՀՀ-ին պետք է լինելու 1,8 մլն տոննա ցեմենտ, եթե մենք հասնենք զարգացած երկրների մակարդակին»,-ասաց Էկոնոմիկայի նախագահի տեղակալը։

Նրա խոսքով, այս պահին կլինկերի ներմուծման ծավաների աճ կա, ներքին արտադրողներից մեկն այս իրավիճակում կարողանում է շարունակել մնամ մրցունակ, իսկ մյուսը որոշակի խնդիրներ ունի։

Ավանեսյանը հայտնեց, որ 2019թ-ի հունիսի 3-ին «Պետական տուրքի» մասին օրենքում կատարված լրացման համաձայն ՀՀ ներմուծվող ցեմենտի համար սահմանվել է 14․000 ՀՀ դրամի չափով պետական տուրք և այս փոփոխությունը գործում է մինչև 2020թ-ի ապրիլի 1-ը, ուստի առաջարկում են այն երկարաձգել մինչև դեկտեմբերի 31-ը․ «Եթե տեսնենք, որ նոր փաստեր են կամ նոր գործոններ են ի հայտ գալիս, որոնք ազդելու են շուկայի վրա, հանդես կգանք նոր առաջարկությամբ, մինչ այդ այս միջոցի երկարաձգումը նպատակահարմար ենք համարում»։

Հեղինակ՝ Սոնա Գեւորգյան

Աղբյուր` Փաստինֆո