Փաստ ինֆո

Արդեն 30 տարվա անկախ պետություն ենք, բա ինչի՞ են այդ դպրոցներն այդ վիճակում։ Ազգային ժողովում այս մասին ասաց ԱԺ փոխխոսնակ Ալեն Սիմոնյանը՝ պատասխանելով «Բարգավաճ Հայաստան» խմբակցության պատգամավոր Նաիրա Զոհրաբյանին։ Նշենք, որ վերջինս իր ելույթում

«Այդ դպրոցներն այն պատճառով են էդ վիճակում, որովհետև նաև դուք այստեղ նստած Հանրապետականի հետ կնոպկա եք սեղմել։ Այդ պատճառով են էդ վիճակում։ Մենք այդ դպրոցները կվերանորոգենք, ինչպես վերանորոգեցինք ճանապարհները, ինչպես բանակի հարցն ենք լուծում սպասարկման առումով, որևիցե մեկը թող չանհանգստանա։ Այսօր մենք ունենք խնդիր, և այդ խնդրի մասին խոսում են բոլորը և անկեղծ ասած զարմանում եմ, որ ասում են՝ կեղծ օրակարգ է։ Էդ էն տրամաբանությունն ա, որ ասում են Սերժը մեղավոր չի, կողքիններն են մեղավոր։ Էդ ոնցա՞ ստացվում, որ ՀՀ դատական իշխանության ամենաբարձր դատարանը ոչ մի կապ չունի կեղծված ընտրություններին գնահատական տալու, ոչ մի կապ չունի ՍԴ դիմած դիմումների պատասխանները, որ տանում ես կոֆեի բաժակ նայողի մոտ, որ հասկանաս՝ ինչ են գրել։ Ով ոնց ուզում տենց մեկնաբանում ա։ Էդ ոնցա՞ ստացվում, որ կապ չունի»,-նշեց Ալեն Սիմոնյանը։

Անդրադառնալով այն թեմային՝ արդյոք հարկատուները համաձայն են վճարել մարդկանց անգործության համար, ԱԺ փոխխոսնակն ասաց. «Հարկատուները մեզ 71 տոկոս ձայն են տվել, ասել են գնացեք սաղ փոխեք ու հիմա էլ մեզ մեղադրում են ասում են՝ ավելի արագ փոխեք։ Վստահեցնում եմ՝ ավելի արագ փոխելու ենք ու ոչ միայն ըտեղ, բոլոր տեղերում, էն ամենապուճուր, էն ամենամանր կոռուպցիոն էդ մնացորդից, որը մնացել է նախկինից»,-հավելեց Ալեն Սիմոնյանը։
Նա, դիմելով խորհրդարանական գործընկերներին, ասաց. «Հերիք է գալ այս ամբիոնից խոսել, գեղեցիկ բառեր օգտագործելու համար, միկրոֆոններ ծռել նրա համար, որպեսզի յութուբում հայտնվես կամ որևիցե ձևով աչքի ընկնես։ Ժողովուրդն այդ ամենը զգում է, չի լինում մարդկանց խաբել»,-հավելեց Ալեն Սիմոնյանը՝ ընդգծելով, որ ՀՀ-ում կա ճգնաժամ և իշխող կուսակցությունը պարտավոր է այդ հարցը լուծի։

Մանրամասները՝ տեսանյութում

Հեղինակ՝ Հասմիկ Կոշկարյան

Աղբյուր` Փաստինֆո