ԲՈԼՈՐ ՆՅՈՒԹԵՐԸ
Հովիկ Աբրահամյան. Չգիտեմ՝ «Շեֆն» ով է 09/29/2019 11:33 | 2-րդ նախագահի գործով դատավարությունը
Մարտի 1-ի գործի շրջանակում տարբեր կարգավիճակներում հարցաքննության հրավիրված նախկին պաշտոնյաների ցուցմունքները հետաքրքիր նյութ են մարդաբանական, և հոգեբանական առումով և շատ պարզորոշ ցուցանում են, թե նրանցից՝ ով՝ ինչպես է կարողանում քննիչների՝ հաճախ խաչաձև ու մի քանի անգամ կրկնվող, սադրիչ ու կանխակալ հարցերին պատասխանել:
Այս համատեքստում բավական ուշագրավ է Անկախության շրջանում պետական բարձր, ընդհուպ՝ ԱԺ նախագահի /2008-2014թթ./և ՀՀ վարչապետի /2014-2016/թթ./ պաշտոնները, իսկ 2008-ի մարտիմեկյան իրաադարձությունների ժամանակ՝ ՀՀ փոխվարչապետ-տարածքային կառավարման նախարարի պաշտոնը զբաղեցրած Հովիկ Աբրահամյանի ցուցմունքը:
Նախկին վարչապետ Հովիկ Աբրահամյանը հարցաքննվել է որպես վկա, որի ընթացքում քննիչը փորձել է նրանից տեղեկություններ ստանալ տարբեր գործարարների՝ մարտի 1-2-ի իրադարձությունների վերաբերյալ ենթադրյալ առնչության վերաբերյալ, բայց այդ ընթացքում հնչել են նաեւ Հովիկ Աբրահամյանին մեղադրող հարցեր։
Ինքս որևէ կերպ չեմ առնչվել մարտի 1-ի դեպքերի հետ, որևէ խորհրդակցության, քննարկման չեմ մասնակցել
Այս մոտիվացիայով ցուցմունքը, բնականաբար, ՀՔԾ -ի սրտով չէր լինի, քանի որ ՀՔԾ-ում մինչ այդ տերպետրոսյանական շրջանակներից ստացված վարկածների և ենթադրությունների մակարդակով տեղեկատվության համար ուղղակի տեղ չէր թողնվում:
Պատասխաններն այս դեպքում՝ կարճ-կոնկրետ էին:
Հիշեցնենք, որ Հովիկ Աբրահամյանը 2008-ի մարտիմեկյան իրաադարձությունների ժամանակ զբաղեցրել է ՀՀ փոխվարչապետ-տարածքային կառավարման նախարարի պաշտոնը՝ միաժամանակ հանդիսանալով ՀՀԿ գործադիր մարմնի անդամ: Նա 2008-ի նախագահական ընտրությունների ընթացքում ակտիվ ներգրավված է եղել նախընտրական աշխատանքներում, կատարել կազմակերպչական աշխատանքներ, իսկ 2008-ի ապրիլին նշանակվել է և 4 ամիս աշխատել որպես ՀՀ նախագահի աշխատակազմի ղեկավար:
Իրեն ուղղված հարցին, թե՝ արդյո՞ք նկատել եք մարտի մեկի ուժեղացված պահպանություն կառավարության շենքում, նա պատասխանել է, որ շենքից դուրս գալուց նկատել է, որ գլխավոր մուտքի մոտ սովորական՝ 2-3 հոգուց ավելի են եղել պահպանություն իրականացնողները:
Զինված ուժերի ստորաբաժանումներ, մեծաքանակ զինտեխնիկա, զրահամեքենաներ, ռազմական ոստիկանության մեծաքանակ ծառայողներ՝ ՀՀ կառավարության շուրջ կենտրոնացած լինելու վերաբերյալ հարցին էլ շատ կոնկրետ պատասխանել է՝ «Չեմ հիշում նման բան, ինձ մոտ նման տպավորություն չկա»:
Հարց է տրվել նաև ՀՀ պաշտպանության նախարար Միքայել Հարությունյանի կողմից 2008թ. փետրվարի 23-ին ստորագրված թիվ 0038 հրամանի, դրա բովանդակության մասին, այն մասին, թե երբ ի՞նչ հանգամանքներում է տեղեկացել դրա մասին:
Նա ասել է, որ տեղեկացել է հարցաքննվելուց 2-3 օր առաջ՝ մամուլից: Այսինքն՝ 2018 թվականի օգոստոսին:
ՀՔԾ որոնողական աշխատանքները՝ «Ո՞վ է «Շեֆը»
Հավանաբար, անհնար է չհիշել՝ մարտի 1-ի ծանր գիշերից հետո Լևոն Տեր-Պետրոսյան-Ալիկ Արզումանյան հեռախոսազրույցի սկիզբը՝ «բարև, «շեֆ» ջան և ավարտը՝ եղավ, «շեֆ» ջան»:
Այս տրամաբանությամբ՝ ՀՔԾ-ի մոտ, ըստ ամենայնի, գործում է ղեկավարին դիմելու պարտադիր ձևակաղապար, որը փոխանցվել է առաջին նախագահի արբանյակներից: Եվ ահա, քննիչի հարցը՝ Հովիկ Աբրահամյանին՝ ուղղված է իշխանության շրջանում «Շեֆի» որոնումներին, մարտի 1-2-ի իրադարձություններին՝ գործարարների թիկնապահների առնչության վերաբերյալ ապացույցներ փնտրելուն, որոնք ապարդյուն են անցել:
Հարցաքննությունը տեղի է ունեցել ՀՔԾ-ում` տեւել մի քանի ժամ:
«Հարց.-Ինչպես նշեցիք, 2008թ. մարտի 1-ին դուք զբաղեցրել եք ՀՀ փոխվարչապետ-տարածքային կառավարման նախարարի համատեղ պաշտոնը: Ասացեք՝ աշխատանքային միջավայրում ու՞մ եք դիմել «շեֆ» դիմելաձևով:
Պատասխան.-Մինչ հարցին պատասխանելը, պարզաբանեմ, որ տարածքային կառավարման նախարարի վրա դրված է եղել փոխվարչապետի լիազորությունները: Ինչ վերաբերվում է հարցին, ապա պետք է նշեմ, որ իմ լեքսիկոնում «շեֆ» դիմելաձևը բացակայում է և որևէ մեկին, ես այդ դիմելաձևով, չեմ հիշում, որ դիմած լինեմ:
Հարց.-2008-ի դրությամբ ի՞նչ փոխհարաբերությունների մեջ եք գտնվել ՀՀ ԱԺպատգամավորներ ,«Ալրաղացի Լյովիկ» մականվամբ Լևոն Սարգսյանի և «Նեմեց Ռուբո» մականվամբ Ռուբեն Հայրապետյանի հետ:
Պատասխան.-Ճանաչում եմ ՀՀ Աժ պատգամավորներ Լևոն Սարգսյանին և Ռուբեն Հայրապետյանին: Նրանց հետ շփումներ ունեցել եմ՝ որպես պատգամավորների, սակայն ընկերներ չենք եղել: Անկեղծ ասած՝ երկուսին էլ տևական ժամանակ է, որ չեմ էլ հանդիպել, նույնիսկ իմ՝ վարչապետի պաշտոնը զբաղեցնելու ժամանակից՝ 2014- թվականից: Ավելին, նրանք այդ ժամանակ արդեն պատգամավոր չէին:
Հարց.-Լևոն Սարգսյանի և Ռուբեն Հայրապետյանի հետ առնչվե՞լ եք արդյոք, 2008թ. մարտի 1-ին և 2-ին, եթե՝ այո, ապա՝ ի՞նչ հանգամանքներում, որտե՞ղ, ի՞նչ նպատակով եք հանդիպելև ի՞նչ զրույց եք ունեցել նրանց հետ:
Պատասխան.-Չեմ հիշում, որ Լևոն Սարգսյանի և Ռուբեն Հայրապետյանի հետ 2008 թ. մարտի 1-ին և 2-ին հանդիպում ունեցած լինեմ:
Հարց.-Ձեր ունեցած տեղեկություններով Լևոն Սարգսյանը և Ռուբեն Հայրապետյանը որևէ առնչություն ունեցե՞լ են, արդյոք 2008 թվականի մարտի 1-ին և 2-ին Երևան քաղաքում տեղի ունեցած հայտնի իրադարձությունների հետ, թե՝ ոչ:
Պատասխան.-Լևոն Սարգսյանի և Ռուբեն Հայրապետյանի՝ այդ դեպքերին մասնակցություն ունեցած լինելու վերաբերյալ որևէ տեղեկություն չունեմ:
Հարց.-2008. Մարտի 1-ին այդ ժամանակվա ՀՀ վարչապետ Սերժ Սարգսյանը գտնվե՞լ է ՀՀ կառավարության շենքում, թե՝ ոչ, եթե այո, ապա ի՞նչ եք քննարկել ստեղծված իրավիճակի մասին, Սերժ Սարգսյանը կատարվելիք ի՞նչ միջոցառումների կամ գործողությունների մասին է Ձեզ հայտնել:
Պատասխան.-2008 թ. մարտի 1-ին և 2-ին ՀՀ վարչապետ Սերժ Սարգսյանը եղել է կառավարության շենքում, այսինքն, աշխատանքի եկել է, սակայն, ես այդ օրերին նրան չեմ հանդիպել, որևէ իրավիճակ չենք քննարկել և որևէ միջոցառման մասին տեղեկություն նա ինձ չի հայտնել:
Հարց.-Քննությամբ ստացված տվյալների համաձայն՝ 2008թ. մարտի 1-ին Լևոն Սարգսյանը և Ռուբեն Հայրապետյանը իրենց թիկնապահերով գտնվել են Հանրապետության հրապարակում, որտեղ գտնվելու ժամանակ Մելիք-Ադամյան փողոցում Լևոն Սարգսյանի և Ռուբեն Հայրապետյանի թիկնապահները զգեստափոխվել են, հագել զինվորական համազգեստ և զինվել զենքերով: Որոշ ժամանակ անց Լևոն Սարգսյանը թիկնապահներին հրահանգել է ուղևորվել Երևանի քաղաքապետարան, իսկ ինքն ու Ռուբեն Հայրապետյանը, դրանից հետո, մտել են ՀՀ կառավարության շենք և այնտեղ մնացել մինչև ուշ գիշեր: Ի՞նչ տեղեկություններ ունեք այս կապակցությամբ:
Պատասխան.-Ես նրանց կառավարության շենքում չեմ տեսել և տեղյակ չեմ հարցում նշված իրադարձությունների մասին:
Հովիկ Աբրահամյան. Չգիտեմ՝ «Շեֆն» ով է
Հարց.-Դուք չեք կարող տեղեկություն չունենալ այդ իրադարձությունների մասին, քանի որ քննությամբ ստացված տվյալների համաձայն՝ Լևոն Սարգսյանը 2008թ. մարտի 1-ի լույս 2-ի գիշերը ՀՀ ԱԺ հատուկ նիստին մասնակցելու նպատակով դուրս է եկել ՀՀ կառավարության շենքից և ուղևորվել է ՀՀ ԱԺ և ճանապարհին զանգահարել է Ձեզ: Ի՞նչ կասեք այս կապակցությամբ, ինչի՞ մասին եք Դուք զրուցել նրա հետ:
Պատասխան.-Նման որևէ դեպք ես չեմ հիշում, որ Լևոն Սարգսյանը 2008-ի մարտի 1-ի գիշերն ինձ զանգահարած լինի: Նման բան չեմ հիշում:
Հարց.-Նշված հետախոսազանգի ընթացքում Լևոն Սարգսյանը Ձեզնից հետաքրքրվել է իր կողմից կատարված աշխատանքի արդյունքների և «Շեֆն» գոհունակության մասին, ապա՝ ստանալով դրական պատասխան՝ հայտնել է, որ հանուն Ձեզ պատրաստ է ամեն ինչի: Նշված հանգամանքները, մասնավորապես, 2008-ի մարտի 1-ին մինչև ուշ գիշեր Լ. Սարգսյանի և Ռ. Հայրապետյանի կողմից կառավարության շենքում գտնվելը, ապա՝ մարտի 2-ի գիշերը Լևոն Սարգսյանի կողմից Ձեզ հետ հեռախոսազրույց ունենալու և «Շեֆն» գոհունակությունը ստանալը, վկայում է մարտի 1-ին և 2-ին Երևան քաղաքում տեղ«Շեֆն» ի ունեցած իրադարձություններին Ձեր ենթադրյալ դերակատարության, առնվազն, տեղեկացվածության մասին այն առումով, թե ինչ խնդիրներ են լուծել, ինչ գործողություններ են իրականացրել Լևոն Սարգսյանն ու Ռուբեն Հայրապետյանը, ինչից «Շեֆը» գոհունակություն է հայտնել: Առաջարկում եմ հայտնել իրականությունը, պատմել տեղի ունեցած իրադարձությունների մասին:
Պատասխան.-Կրկնում եմ՝ ես չգիտեմ, թե «Շեֆն» ով է:
Այդ տեղեկատվությունը իրականության հետ աղերս չունի՝ ասում է Հովիկ Աբրահամյանը՝ կատեգորիկ ժխտելով՝ ՀՔԾ վարկածը կամ ենթադրությունը՝ իր հանձնարարությամբ հավաքագրված անձանց, նրանց հանդերձանք ու զենք բաժանելու մասին
Հարց.-Ինչպես Ձեր անվտանգությունն ապահովող Բագրատունի Բարսեղյանը, այնպես էլ՝Լյովա և Ռոբերտ Իգիթի Մկրտչյանները, Յուրիկ Խաչիկի Բունիաթյանը, Վաչիկ և Խաչատուր Հրաչիկի Հովսեփյան եղբայրները, Ռուբիկ Սուրենի Փանոսյանը, Գրիգոր, Ամբիկ և Նորիկ Անդրանիկի Գևորգյան եղբայրները և Արթուր Ժորայի Հովսեփյանն ում հանձնարարությամբ, ի՞նչ մասնակցություն և դերակատարություն են ունեցել 2008 թվականի մարտի 1-ի իրադարձություններին, նրանցից ով՝ ինչ գործողություններ է կատարել:
Պատասխան.-Իմ կողմից հարցում նշված որևէ մեկին խնդրանք, հանձնարարություն չի եղել 2008թ. մարտի 1-ի դեպքերին և ընդհանրապես, որևէ տեղեկություն չունեմ՝ նրանց մասնակցության մասին այդ դեպքերին:
Հարց.-Քննությամբ ստացված տվյալների հանաձայն՝ ՀՀ Արարատի մարզի Մխչյան գյուղի բնակիչ Ռոբերտ Իգիթի Մկրտչյանը 2008-ի մարտի 1-ին Ձեր հանձնարարությամբ շուրջ 40 անձ հավաքագրելով, նրանց տարել է ՀՀ կառավարության շենք, որտեղ Ձեր հանձնարարությամբ, Ձեր անվտանգության պետ Բագրատունի Բարսեղյանը նրանց բաժանել է զինվորական հանդերձանք և զենք, ովքեր հետագայում մասնակցել են բախումներին և կրակ արձակել: Ի՞նչ կասեք այս կապակցությամբ:
Պատասխան.-Ես նման տեղեկատվություն չունեմ, որևէ բանից տեղյակ չեմ:Այդ տեղեկատվությունը իրականության հետ աղերս չունի:
Հարց.-Քննությամբ ստացված տվյալների համաձայն՝ ՁԵր եղբոր՝ Հենրիկ Աբրահամյանի կնոջ՝ Ռուզաննա Հովսեփյանի վարորդ Արթուր Հովսեփյանը 2008թ. մարտի 1-ին շուրջ 10 անձ է հավաքագրել և տեղափոխել ՀՀ կառավարության շենք, որտեղ Ձեր հանձնարարությամբ նրանց դիմավորել է կրկին Ձեր անվտանգության պետ Բագրատունի Բարսեղյանը, նրանց բաժանել զինվորական հանդերձանք և զենք, ովքեր հետագայում մասնակցել են բախումներին: Ի՞նչ կասեք այս կապակցությամբ:
Պատասխան.-Որևէ տեղեկություն չունեմ: Այդ տեղեկությունը ևս իրականությանը չի համապատասխանում:
Հարց.-Փաստացի՝ ու՞մ է պատկանում ՀՀ Արարատի մարզի Մխչյան գյուղի 5-րդ փողոց 1 հասցեում գտնվող նախկին մեխանիկավերանորոգման գործարանը և այն ու՞մ անունով է հաշվառված պետական գրանցման լիազոր մարմնում:
Պատասխան.-Իմ իմանալով այդ գործարանը պատկանում է ԳևորգյանինԱմբիկին:
Հ. Աբրահամյանը հետագա հարցուպատասխանի ընթացքում ժխտել է, թե այդ գործարանն իրեն է պատկանում: Միաժամանակ, ի պատասխան քննիչի հարցի, թե՝տվյալ հասցեում զենք է հայտնաբերվել, և առաջարկի՝ տեղեկություններ հայտնել գտնված զենք-զինամթերքի /3 հատ ձեռքի գնդացիր, 7 հատ ինքնաձիգ, 2 հատ « ԱՎԴ» տեսակի դիպուկահար հրացան, 3 հատ տարբեր տեսակի հրացաններ և 2 հատ ատրճանակ, ռազմամթերք հանդիսացող փանփուշտներ/ մասին, պատասխանել է, որ ինքը որևէ կապ չունի այդ գործարանի հետ և նման տեղեկատվության չի տիրապետում:
Հարց.-ՈՒ՞մ է պատկանում ՀՀ Արարատի մարզի Մխչյան գյուղի Արտաշատյան11հասցեում գտնվող «Ֆազենդա» կոչվող տարածքը, Դուք ի՞նչ կապ և առնչություն ունեք այդ տարածքի հետ, երբևէ այցելե՞լ եք այդ տարածք, եթե այո՝ ապա ի՞նր հաճախականությամբ և ի՞նչ առիթով:
Պատասխան.-«Ֆազենդա»կոչվող տարածքն իմ եղբորը՝ Հենրիկ Աբրահամյանին է պատկանում, ես իմ ընտանիքով պարբերաբար եմ այցելել այդ տարածք, ընտանեկան տարբեր միջոցառումներ ենք այնտեղ անցկացրել:
Հարց.-Նախաքննության ընթացքում Երևան քաղաքի ընդհանուր իրավասության դատարանի որոշման հիման վրա 07.08.2018թ. խուզարկություն է կատարվել ՀՀ Արարատի մարզի Մխչյան գյուղի Արտաշատյան11հասցեում գտնվող ,«Ֆազենդա» կոչվող տարածքում, արդյունքում՝ հայտնաբերվել և առգրավվել են ռազմամթերք հանդիսացող տարբեր տրամաչափի փամփուշտներ: Դուք ի՞նչ առնչություն ունեք նշված տարածքից հայտնաբերված ռազմամթերքի հետ, որտեղի՞ց, ո՞վ և ումի՞ց են ձեռք բերվել և Ի՞նչ նպատակով են պահվել այդ տարածքում:
Պատասխան.-Ես որևէ առնչություն և տեղեկություն չեմ ունեցել այդ փամփուշտների հետ, չգիտեմ դրանց աղբյուրը, չեմ էլ հասցրել տեղեկանալ եղբորիցս, քանի որ նա ձերբակալվել է:
Մեկ անգամ էլ փաստեմ՝ 2008-ի մարտի 1-ին տեղի ունեցած իրադարձությունների հետ հետ կապված որևէ հանձնարարություն չեմ ստացել, որևէ հանձնարարություն չեմ կատարել
Հարց.-Քննությամբ ստացված տվյալների համաձայն՝ ՀՀ ԱԺ պատգամավորներ Սեյրան Սարոյանը, Կարապետ Կարապետյանը, Մանվել Ղազարյանը, Արմեն Մխիթարյանը, Հրանտ Գրիգորյանը, Մյասնիկ Մալխասյանն ու Խաչատուր Սուքիասյանը հետընտրական քարոզարշավի ժամանակ միացել էին Լևոն Տեր-Պետրոսյանին, նույն ժամանակահատվածում ենթարկվել են ճնշումների և սպառնալիքների, ի՞նչ է Ձեզ հայտնի այդ ամենի մասին:
Պատասխան.-Նման խոսակցություն աղոտ հիշում եմ. ԱԺ պատգամավորների շրջանում էր այդ խոսակցությունը , որ Մանվել Ղազարյանը հայտարարել է, թե սթափ վիճակում չի գտնվել ու չի հասկացել, թե՝ ինչ է արել: Ինչ վերաբերվում է նրանց նկատմամբ գործադրված սպառնալիքներին ու ճնշումներին, ապա նման տեղեկատվության չեմ տիրապետում:
Ցանկանում եմ ևս մեկ անգամ փաստել որ որևէ կապ չունեմ ՝ 2008-ի մարտի 1-ին տեղի ունեցած իրադարձությունների հետ, որևէ ձևով չեմ առնչվել, որևէ հանձնարարություն չեմ ստացել, որևէ հանձնարարություն չեմ կատարել»:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/26/2024 08:28 Հենրիխ Մխիթարյանին շնորհավորեցին բոլորը` բացի ՀՖՖ-ից․ «Ժողովուրդ»
- 04/26/2024 08:23 Գյուղից հետևում են դիրքերի քանդմանը․ «Հրապարակ»
- 04/26/2024 08:20 Համատեղ պայքարի պլան դեռ չկա․ «Հրապարակ»
- 04/26/2024 08:18 ԿԳՄՍՆ-ում փոփոխություններ են նախապատրաստվում ․ լուծարվելու է Սփյուռքի բաժինը․«Հրապարակ»
- 04/26/2024 08:13 Իշխանական թիմում էլ են սարսափում ադրբեջանցի «փախստականների» վերադարձի հեռանկարից․ Հրապարակ»
- 04/26/2024 07:53 Աննա Հակոբյանը քաղաքական նպատակով էր Գյումրիում. աճել է իշխանության հանդեպ անվստահությունը, թեմի առաջնորդը «վտանգ» է համարվում․ «Ժողովուրդ»
- 04/26/2024 07:40 Սասուն Խաչատրյանին չեն նեղացնի. ՔՊ-ն հանդիպելու է ՍԴ-ի իր «սրտի» թեկնածուի հետ․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/26/2024 10:53 2 ռուս կանայք հաղորդում են տվել ոստիկանություն, որ «Հաղթանակ» զբոսայգու տնօրենը հարվածել է իրենց, թքել իրենցից մեկի դեմքին. shamshyan.com
- 04/26/2024 10:33 Ավստրալիայի Լիբերալ կուսակցությունը երկրի ընդդիմության առաջնորդին կոչ է արել ճանաչել Հայոց ցեղասպանությունը
- 04/26/2024 10:23 Հրդեհ Գառնի գյուղում
- 04/25/2024 22:46 Թումանյան փողոցում գտնվող ռեստորաններից մեկի ծխատարում հրդեհ է բռնկվել
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ