Փաստ ինֆո

Հանցավոր հիերարխիայում առաջնորդության համար առաջին ձերբակալված «օրենքով գող» (ՌԴ քրեական օրենսգրքի 210.1-րդ հոդվածը) Նիկոլայ Կուզմիչևը (Կոլյա Տոմսկին) մեծ հեղինակություն չի վայելել իր քաղաքում, հաղորդում է Lenta.ru- ն՝ հղում անելով իր աղբյուրին:

Աղբյուրի համաձայն, Կուզմիչևը, որին ԶԼՄ-ները անվանել են «Տոմսկի շրջանի քրեական աշխարհում ազդեցիկ գործիչ», եղել է 2011-2014թթ-երում «թագադրվածներից» մեկը Մերաբ Մզարելուայի եւ նրա փեսայի՝ Գելա Կարդավայի (Գելա Գալսկի) աջակցությամբ: Դա տեղի է ունեցել՝  չնայած քրեական աշխարհում ընդունված ժամանակավոր «օրենքով գողերի» կոչումների արգելքի, սակայն, Ասլան Ուսոյանի (դեդ Հասանի) հավանությամբ:

Աղբյուրը նշել է նաև, որ Կուգմիչևը դատված չի եղել  և չունի բանտային փորձ: «Քաղաքի բնակիչների կարծիքով, Տոմսկում Կուզմիչևը հեղինակություն չի վայելում և, ըստ որոշ տվյալների, կարող էր կապված լինել թմրամիջոցների առևտրի հետ», - հավելել է աղբյուրը:

Ավելի վաղ հրատարակված օպերատիվ նկարահանումների կադրերում Կուզմիչևը հայտարարել է, որ քրեական մականուն չունի և չի հանդիսանում «օրենքով գող»: Աղբյուրը համարում է, որ մնացած «օրենքով գողերը» կարող են ուշադրություն դարձնել այդ բառերի վրա, և, ի վերջո, Կոլյա Տոմսկին կարող է վերջնականապես  հրաժարվել իր կոչումից:

Ավելի վաղ Պետդումայի անվտանգության եւ կոռուպցիայի դեմ պայքարի գծով կոմիտեի անդամ Ադալբի Շխագոշևը հայտարարել էր, որ Կուգմիչևչ ձերբակալությանը կհետևեն «բազմաթիվ ուրիշները»: «Դա բեկումնային է դառնալու ոչ միայն իրավապահ մարմինների, այլ նաև քրեական աշխարհի համար», - ասել է նա:

Կրիմինալ հիերարխիայում բարձրագույն պաշտոն զբաղեցնելու համար պատժի մասին օրենքը ստորագրվել է ապրիլի 1-ին Ռուսաստանի նախագահ Վլադիմիր Պուտինի կողմից: Այն նախատեսում է 8-15 տարվա ազատազրկում եւ 5 միլիոն ռուբլու տուգանք:

Աղբյուր` Փաստինֆո