Փաստ ինֆո

Գորյաչի Կլյուչում ձերբակալվել է «օրենքով գող» Շալվա Օզմանովը, որը քրեական շրջանակներում հայտնի է Կուսո մականունով: «Օրենքով գողը» հայտնի է Շաքրո Երիտասարդի հետ իր ազգակցական կապով:

Իրավապահները լայնամասշտաբ հատուկ գործողություն են իրականացրել. Կուսոյի ձերբակալման գործում մասնակցել են ոչ միայն հատուկ ծառայությունները, այլև տեղական ՆԳՆ-ն: Այժմ Օզմանովին տեղափոխել են Մոսկվա: Նա մեղադրվում է ՌԴ  քրեական օրենսգրքի 111-րդ հոդվածի 2-րդ մասով («Մարդու կյանքի համար վտանգավոր, առողջությանը դիտավորյալ ծանր վնասվածք հասցնելը»): Խոսքը գնում է հինգ տարվա վաղեմություն ունեցող միջադեպի մասին, երբ Գորյաչի Կլյուչի Պոլյարնայա փողոցի վրա «օրենքով գողը» ավտոլվացման տնօրենի հետ վեճի ընթացքում կրակել էր հակառակորդի հետույքի ձախ մասին: Այն ժամանակ պատմությանը ընթացք չտրվեց՝ կողմերի հաշտվելու պատճառով, սակայն հիմա, ըստ որոշ տեղեկությունների, գտնվել են ականատեսներ, ովքեր պատրաստ են ցուցմունքներ տալ:

Սա առավել ուշագրավ է, քանի որ Կուսոյի վրա զենքի համար արդեն կախված հոդված կա: Անցյալ տարվա դեկտեմբերին նա դատապարտվել է երկու տարի պայմանական ազատազրկման՝ ապօրինի զենք կրելու համար, որով սպառնացել է Կրասնոդարի բարերից մեկի այցելուներին:

Սակայն, այս անգամ, ըստ աղբյուրների, «օրենքով գողին» սպառնում է ավելի լուրջ հոդված:

Որոշ տեղեկությունների համաձայն, Կվինիխիձեի գրառումներն հայտնվել են անվտանգության աշխատակիցների ձեռքերում, որոնք նա ուղարկել է Ռուսաստանի գաղութները. այնտեղ ասվում էր, որ Շաքրոն կարևոր դեր է խաղացել իր «օրենքով գողի» տիտղոսը վերականգնելու համար: Բեսոյի և Շաքրոի միջնորդն էլ հենց Կուսոն էր: Չի բացառվում, որ հիմա վերջինին սպառնում է ՌԴ քրեական օրենսգրքում վերջերս հայտնված նոր հոդվածը. խոսքը գնում է նախագահի համապատասխան հրամանագրի արձակումից հետո՝ քրեական միջավայրի ղեկավարների, մասնավորապես «օրենքով գողերի» պատասխանատվության խստացման մասին:

Աղբյուր` Փաստինֆո