Փաստ ինֆո

Ուկրաինայի իրավապահ մարմինների աշխատակիցները «օրենքով գողերի»  դեմ պայքարի նոր ուժեղացված փուլ են սկսել՝ Չեխիա այցելելուց հետո, որտեղ ոստիկանության պետի տեղակալ Վյաչեսլավ Աբրոսկինը համաձայնագիր է ստորագրել կազմակերպված հանցավորության դեմ պայքարում համագործակցության մասին: Առանց այդպիսի փաստաթղթի, դժվար կլիներ իրականացնել կազմակերպված հանցավոր խմբերի դեմ լիարժեք պայքարը, քանի որ ուկրաինական քրեական հանցագործները խորն արմատներ են գցել Չեխիայում: Սակայն նրանց հիմքերը գտնվում են ոչ միայն այստեղ. նման պայմանագրեր նախատեսվում է կնքել Թուրքիայի և Հունաստանի հետ, որտեղ ուկրաինական «օրենքով գողերի» հարցում առկա է նմանատիպ իրավիճակ:

Ինչ վերաբերում է Ուկրաինայում իրականացվող միջոցառումներին, ապա այստեղ, դեռևս  նոր նախագահի երդմնակալությունից առաջ, խորհրդարանի նախաձեռնող խումբը ցանկացել է ընդունել օրենք, որը նախատեսում է պատասխանատվություն՝ «օրենքով գողերի» տիտղոսի համար:

Այդ օրենքը մշակվել է Արսեն Ավակովի ղեկավարությամբ՝ 2014 թ-ի դեկտեմբերին: Սակայն այն չի ընդունվել՝ բավարար ձայներ չհավաքելու պատճառով:

Օրինագիծը նախատեսում է Ուկրաինայի քրեական օրենսգրքի 255-րդ հոդվածի փոփոխություն` «քրեական կազմակերպության ստեղծում»:

Ավակովի խումբը նաև վերցրել էր օրինակ Վրաստանից. օրենքի համաձայն, քրեական պատասխանատվությունն ուժի մեջ է մտնում սկսած 7 տարուց ժամկետով նրանց համար, ովքեր արդեն իսկ ունեն «օրենքով գող»-ի տիտղոս: Նախագծում վերանայվում է նաև «քրեական համայնք» հասկացությունը:

Ըստ Ներքին գործերի նախարարության աղբյուրների, այս հարցը չափազանց կարևոր է հենց Ավակովի համար, որը ցանկանում է  «գողերի ոչնչացումը որպես դասակարգ դարձնել իր գլխավոր նվաճումը և բարձրացնել սեփական վարկանիշները»:

ԶԼՄ-ների տվյալներով, 90-ական թվականներից ի վեր օրենքի դեմ ելույթ են ունեցել այն պատգամավորները, որոնք «օրենքովների» հետ գործնական և ընկերական փոխհարաբերությունների մեջ են:

ՆԳՆ բարձրաստիճան աշխատակիցը բացատրել է Ռադայում քրեական հեղինակությունների ազդեցության ոլորտները: Գրեթե բոլոր խմբակցությունների ժողովրդական պատգամավորների շարքում, նրա խոսքերով, կան մարդիկ, ովքեր գտնվում են «գողերի» խնամքի տակ: Ընդհուպ մինչև նրանցից աշխատավարձ, մեքենաներ և կալվածքներ ստանալը:

Այսպես, Կենտրոնական և Արևմտյան Ուկրաինայի տարածաշրջանում «նայող»  «օրենքով գող» Նեդելյան (Անդրեյ Նեձելսկին) հրապարակայնորեն ընդունել է պատգամավորներին, ուրբաթ և շաբաթ օրերին: БПП - ի խմբակցությունը կասկածվում է Դնեպրի կլանի «գող»  Սերգեյ Օլեյնիկի (որն ավելի հայտնի է որպես «Ումկա») հետ կապերի մեջ:

Եթե խոսենք Ուկրաինայի տարածքում ազդեցության գոտիների մասին, ապա հարկ է նշել, որ այստեղ կան երեք հիմնական «գողական» կլաններ. արևմտյան Ուկրաինայում՝ Նեդելյան, արևելյան Ուկրաինայում՝ Ումկան, իսկ  հարավային Ուկրաինայում  ամենաազդեցիկ «օրենքով գող» է համարվում   Նադիր Սալիֆովը, որը հանցագործ աշխարհում հայտնի է որպես Գուլի:

Աղբյուր` Փաստինֆո