Փաստ ինֆո

ՀՀ վարչապետ Նիկոլ Փաշինյանին ճիշտ չեն ներկայացնում Մանվել Գրիգորյանին կալանքի տակ պահելու հիմքերը։ Այսօր հրավիրված մամուլի ասուլիսում նման հայտարարությամբ է հանդես եկել փաստաբան Լևոն Բաղդասարյանը։

Նա ընդգծեց, որ պաշտպանական կողմը անգամ հղում է արել քաղաքացիական հիվանդանոցի բժիշկների կարծիքին, որի համաձայն՝ ոչ միայն Գրիգորյանի կյանքին է վտանգ սպառնում, այլ հակացուցված է մեկուսացած պայմաններում շարունակի կալանքի տակ մնալ։

«Բայց նախաքննության մարմինը գտավ, որ նրա կյանքին վտանգ չի սպառնում ու նրա հիվանդությունները բավարար են, որպեսզի նա շարունակի կալանքը կրել: Ես պաշտոնապես հայտարարում եմ՝ հարգելի մեծարգո պարոն վարչապետ, Ձեզ ճիշտ չեն զեկուցում, չեք տիրապետում իրավիճակին: Խնդրում եմ հանձնարարեք կոմպետենտ անձի, որպեսզի ստուգի, թե կալանքի պահին Մանվել Գրիգորյանն ինչպիսի հիվանդություններով էր տառապում և կալանքը կրելուց հետո նրա հիվանդություններն ավելացե՞լ են, թե ոչ, նա տառապում է այնպիսի հիվանդություններով, որ նրա կյանքին վտանգ է սպառնում թե՞ ոչ: Եթե սպարզվի, որ ես ճիշտ չեմ ասում, ես ստախոս եմ, եթե պարզվի, որ պետական լիազոր մարմինները ինչ-ինչ բաներից ելնելով, միգուցե Ձեր ցուցումից կամ ոչ Ձեր ցուցումից ելնելով, նման տեղեկություններ են Ձեզ իրազեկում, որը իրականությանը չի համապատասխանում, ուրեմն մեր երկում արադարադատությունը այդ դրվագով կաղում է», - լրագրողների հետ հանդպմանը հայտարարեց Գրիգորյանի փաստաբանը:

Փաստաբանի կարծիքով՝ վարչապետին ճիշտ չեն զեկուցում նաեւ Մանվել Գրիգորյանին կալանքի տակ պահելու հիքմերի մասին։

«Մեծարգո պարոն վարչապետ, Ձեզ ճիշտ չեն իրազեկում, Դուք չեք տիրապետում այս դրվագով իրավիճակին։ Հանձնարարեք կոմպետենտ անձի, որպեսզի նա ստուգի և Ձեզ զեկուցի՝ արդյոք կան հիմքեր, որ Մանվել Գրիգորյանը շարունակի կալանքը կրել։ Եթե նման հիմքեր կան, ապա ուրեմն ես որպես փաստաբան, որպես իրավաբան ստախոս եմ։ Իսկ եթե չկան, նշանակում է Մանվել Գրիգորյանի դրվագով նրա նկատմամբ տեղի է ունենում դասական խոշտանգում և նա գտնվում է պատանդի կարգավիճակում:

Բաղդասարյանը նաև տեղեկացրեց, որ գրավի դիմաց Մանվել Գրիգորյանին բաց թողնելու միջնորդություն է ներկայացվել, բայց մերժում է ստացել առանց հիմնավորումների:

Աղբյուր` Փաստինֆո