ԲՈԼՈՐ ՆՅՈՒԹԵՐԸ
Սասնա Ծռեր կուսակցությունը չի գործելու սոսկ որպես մի դասական կազմակերպություն. Հայտարարություն 08/23/2018 15:40 | ԼՐԱՀՈՍ
Հիմնադիր խորհրդարան կազմակերպությունը և Սասնա Ծռեր խմբավորումը նախաձեռնում են ստեղծել Սասնա Ծռեր անվանմամբ քաղաքական կուսակցություն և մասնակցել Ազգային ժողովի առաջիկա արտահերթ ընտրություններին, դառնալ ազգային-քաղաքական կյանքի առաջատար մասնակից:
Սասնա Ծռեր անվանումը խորհրդանշում և արտահայտում է կուսակցության նպատակները, նրա գաղափարական սկզբունքներն ու գործելակերպը:
Սասնա Ծռեր անվանումը ցույց է տալիս, որ կուսակցությունը ձգտելու է հայությանը համախմբել Սասնա Ծռեր էպոսում արտացոլված հավատամքային համակարգից բխող նրա համամարդկային առաքելությունը վերաստանձնելու նպատակի շուրջ, ըստ այդմ կազմել ազգային ռազմավարություն և ձևավորել ու գործի դնել այն իրականացնելու ունակ համահայկական ցանցային կազմակերպվածք, որի միջուկն ու առանցքը պետք է դառնա Հայկական պետությունը:
Սասնա Ծռեր կուսակցությունն առաջնորդվելու է լույսի և արդարության քաղաքական մշակույթով, ազգի ներսում չի որդեգրելու ռեալ պոլիտիկ կոչվող արատավոր ու կործանարար խաղի կանոնները, դառնալու է քաղաքական ասպարեզն օտարի միջամտությունից և նյութապաշտական-իշխանատենչական նկրտումներից զերծ պահելու հրամայականի ջատագովն ու առաջամարտիկը:
Ըստ Սասնա Ծռեր կուսակցության մտահղացման, հայությունն ունի իր օրինակով արարչության լույսը տարածելու և արդարություն հաստատելու համամարդկային առաքելություն, հանուն որի նա պետք է իր գերակշիռ մասով վերահաստատվի Հայրենիքում, վերատիրանա Հայկական բարձրավանդակին՝ ամբողջացնելով իր արարչագործության տարածքը, ստեղծի հանուն ազգային իղձերի ու մարդկային երջանկության գործող ինքնակառավարման համակարգ:
Սասնա Ծռեր կուսակցությունը բերում է եղածից արմատական կերպով տարբերվող նոր դիտակետ, նոր միտք, նոր կենսակերպ, ինչը աղբյուր և երաշխիք է նոր մարդու, նոր հայի և նոր Հայքի վերածննդի ու առաքելակիր գործունեության:
Թյուրընկալումներից զերծ մնալու համար հարկ է նաև նշել, որ կուսակցության Սասնա Ծռեր անվանումը որևէ կերպով պայմանավորված չէ Սասնա Ծռեր ռազմաքաղաքական խմբավորման հետ ժառանգորդություն ապահովելու հանգամանքով: Ընդհակառակը, այդ երկուսը վերը նշված նույն արժեքային-գաղափարական արմատի ծնունդ են՝ մեկը որպես գոյութենական սպառնալիքը չեզոքացնելու ճարահատյալ դրսևորում, իսկ մյուսը՝ որպես կառուցողական գործունեություն:
Այս է պատճառը, որ Սասնա Ծռեր խմբավորումն ազգին ու պետությանը սպառնացող գոյութենական սպառնալիքի չեզոքացումից հետո՝ ժողովրդի իշխանության վերահաստատման ներկայիս պայմաններում, հայտարարեց զինված պայքարի էջը փակելու և ժողովրդի վստահության կառավարությանը աջակցելու մասին, իսկ կուսակցության ձևավորման ընթացքում խմբավորման բոլոր անդամների ազատ արձակվելուց հետո օրինաչափորեն ընդհանրապես ինքնալուծարվելու է և դադարեցնելու է իր գործունեությունը, որպես միավոր:
Առաջիկա օրերին ձևավորվելու է Սասնա Ծռեր կուսակցության ստեղծման նախաձեռնող խումբ, որը մշակելու է կուսակցության ծրագիրն ու կանոնադրությունը, ապա կազմակերպելու է կուսակցության հիմնադիր համագումարի և պետական գրանցման գործընթացը:
Մենք ձգտելու ենք առավելագույնս ներգրավել երիտասարդներին և նրանց վստահել ասպարեզն ու գործը, իսկ ավագ սերնդին առավելապես վերապահելու ենք խորհրդատուի դեր ու կարգավիճակ:
Միևնույն ժամանակ՝ Սասնա Ծռեր կուսակցությունը չի գործելու սոսկ որպես մի դասական կազմակերպություն, այլ դառնալու է իր գաղափարական տիրույթում գործելու միտված, սակայն կուսակցական լինելու ցանկություն կամ հնարավորություն չունեցող անհատների ու խմբերի (այդ թվում՝ արտերկրահայերի) ներգրավման, համախմբման ու ինքնադրևսորման կազմակերպվածքի միջուկն ու առանցքը՝ նրանց տրամադրելով նաև քաղաքական գործունեությամբ զբաղվելու հնարավորություններ, ինչպես նաև Արցախում (մինչ ՀՀ-ին Արցախի դե յուրե միավորվելը) ունենալու է նույն անվանմամբ քույր կուսակցություն:
Գաղութային բռնապետությունից դեպի ինքնիշխան ժողովրդավարություն անցնելու ներկայիս Անցումային փուլի հրամայականների համատեքստում առկա քաղաքական պրոբլեմների լուծումը տեսնում ենք արմատական, հիրավի հեղափոխական քայլերի միջոցով:
Առաջին հերթին պետությունը պետք է գաղութատիրական-բռնապետական կառավարման նախկին ռեժիմի իրավակազմակերպական համալիրի փոխարեն կառավարվի անցումային ժողովրդավարության ռեժիմին բնորոշ իրավակազմակերպական համալիրով, որի առաջնահերթ հատկանիշներն են՝
նախորդ ռեժիմի քաղաքական գնահատականը՝ որպես օտարի աջակցությամբ՝ հանուն անձնական ու կլանային նպատակների, ազգային շահերի հաշվին օտարի շահը սպասարկած, այդ նպատակներին հասնելու համար իշխանությունը բռնությամբ, խաբեությամբ ու կեղծիքով յուրացրած, պետությունը զավթած և այն իր հանցագործությունների գործիքի վերածած հանցավոր համագործակցություն, որի ոճրագործ, կեղեքիչ ու դավաճանական գործունեությունը ստեղծել էր Արցախի և ՀՀ ինքնիշխանության կորստի ռեալ սպառնալիք և հանգեցրել ցեղասպանական հետևանքների,
Արցախը ՀՀ-ին միավորելու տեսլականի որդեգրումը՝ դրանով իսկ մերժելով տարածաշրջանի ռուս-թուրք ճարտարապետության և դրա վրա հիմնված ռուսական գաղութատիրության սպասարկմանը ծառայող այսպես կոչված երրորդ հանրապետության իրավաքաղաքական հայեցակարգը և սկսելով առաջին հանրապետության ժառանգորդության ու Հայրենիքի վերատիրացման ծրագրի վրա հիմնված ինքնիշխան ժողովրդավարական պետություն կառուցումը,
կառավարման կենտրոնացումը ժողովրդի վստահությունը վայելող, արտակարգ լիազորություններով օժտված և միայն հեղափոխության համար պայքարած ուժերից կազմված, ցանկալի է՝ ավելի կուռ և սեղմ կառուցվածքով ժամանակավոր կառավարության ձեռքում՝ լուծարելով որպես նախկին ռեժիմի բաստիոն կամ թեկուզ լծակ ծառայող մարմինները, մեր պարագայում՝ Ազգային ժողովը,
նախկին ռեժիմի ղեկավար կազմի չեզոքացումը քաղաքական, տնտեսական և գործակալական լյուստրացիայի, ինչպես նաև նրա պատասխանատվության միջոցով,
Ժողովրդի, քաղաքացիների և պետության խախտված իրավունքների վերականգնումը, այդ թվում՝ ինքնիշխանության վերահաստատման գործընթացի մեկնարկը, որը մեր պարագայում պետք է դրսևորվի ռուսական գաղութատիրությունից ազատագրվելու կոնկրետ քայլերով, օրինակ, սկզբի համար՝ ՌԴ սահմանապահներին փոխարինել ՀՀ սահմանապահներով, ազգայնացնել ռուսական պետական կամ պետականամերձ կապիտալին հանձնված ռազմավարական ենթակառույցները և օբյեկտները կամ ազգային վերահսկողություն հաստատել դրանց նկատմամբ, դադարեցնել ռուսական հեռուստաալիքների հեռարձակումը, դուրս գալ այլ պետությունների, առաջին հերթին՝ ԱՄՆ-ի, առհասարակ Արևմուտքի, ինչպես նաև Իրանի, Վրաստանի, Չինաստանի ու Հնդկաստանի հետ նախկինից մնացած ռուսաստանագերակա արտաքին հարաբերությունների ձևաչափից և մեկնարկել դրանց հետ հայաստանագերակա հարաբերությունների հաստատման գործընթաց,
գաղութատիրության, բռնապետության, կառավարող ռեժիմի՝ ցեղասպանական հետևանքներ առաջացրած կեղեքման ու ազգային դավաճանության դեմ ապստամբության բնական իրավունքի հրապարակային ճանաչումը և ապստամբների նկատմամբ քրեական հետապնդման դադարեցումը:
Հարկավոր մասով այս և այլ առաջնահերթ խնդիրների իրավաքաղաքական լուծումներն ապահովելու նպատակով անհրաժեշտ է ստեղծել Անցումային արդարադատության ատյան, որը պետք է գործի որպես Երդվյալ ատենակալների դատարան, առաջնորդվի իրավունքի սկզբունքերով ու սահմանադրականությամբ և կայացնի իրարավար որոշումներ: Այս յուրօրինակ Հայկական Նյուրնբերգի որոշումները պետք է ուժի մեջ մտնեն անհապաղ և ենթակա չլինեն բողոքարկման: Գործող օրենսդրությունը պետք է կիրառվի այնքանով, որքանով հնարավոր է:
Անցումային արդարադատության ատյանը պետք է կազմված լինի բարոյական և կամային համապատասխան որակների տեր, ռեժիմի դեմ պայքարում անուրանալի ավանդ ունեցած և հեղափոխության անշրջելիությունը ապահովելու նպատակով վճռական քայլերի անհրաժեշտությունը գիտակցող, հանրային հարգանք ու հեղինակություն վայելող մարդկանցից, որոնց մեջ մասնագիտությամբ իրավաբանները կարող են փոքրամասնություն լինել: Պարտադիր պետք է լինի միայն նախագահողի (կամ նախագահողների) իրավաբանական բարձր կրթությունն ու գիտելիքը:
Ատյանի անդամների թեկնածուներին պետք է առաջարկի կառավարությունը, հնարավոր է՝ նաև իրավապաշտպան կազմակերպությունները, իսկ կազմը պետք է հաստատվի հանրաքվեով:
Ժիրայր Սէֆիլյան – Հիմնադիր խորհրդարանի քարտուղարության համակարգող
Վարուժան Ավետիսյան – Սասնա Ծռեր խմբավորման խոսնակ
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ»
- 04/27/2024 08:15 Երբ ընդդիմությունը կանցնի համատեղ ու ռադիկալ պայքարի․«Հրապարակ»
- 04/27/2024 08:11 Կառավարության ստորաբաժանումը «հորդորում» է ՊԵԿ-ին ստուգում իրականացնելիս հաշվի առնել իր կարգավիճակը, այլ կերպ ասած՝ «տեղը բերել». «Ժողովուրդ»
- 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ»
- 04/27/2024 08:03 Տավուշի մարզպետը, հացի սեղանի շուրջ, փորձել լվանալ գյուղացիների գլուխները․«Հրապարակ»
- 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ»
- 04/27/2024 07:36 1080 ռեեստր՝ 3270 հայտարարատու անձանց պաշտոնների՝ 5009 փոփոխությունների վերաբերյալ․ հիմքում խնամի-ծանոթ-բարեկամ սկզբունքն է․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել