Փաստ ինֆո

ԱԺ-ում ՀՀ վարչապետի ընտրությունը տապալելու մասին «Ելք» խմբակցության կողմից ՀՀ վարչապետի թեկնածու առաջադրված Նիկոլ Փաշինյանի հայտարարությունները իրականությանը չեն համապատասխանում: Այդ մասին «Առաջին լրատվական»-ի հետ զրույցում հայտարարել է ԱԺ փոխխոսնակ, ՀՀԿ խոսնակ Էդուարդ Շարմազանովը:

Հանրապետական խմբակցությունը ընտրությունը չի տապալելու, մենք գալու ենք և քվորում ապահովվելու ենք: Երեկ տեղի են ունեցել քննարկումներ, մենք այսօր հնարավորություն կտանք Փաշինյանին հանդես գալ իր ծրագրային ելույթով, հարցեր կուղղվեն և վերջում դուք կտեսնեք, թե ինչպես ենք քվեարկելու:

«Այսօր մենք չեն ընտրում ոչ լավ մարդ, ոչ լավ տրիբուն, ոչ լավ հռետոր, ոչ լավ հանդուրժողականության կոչեր հնչեցնողի, ոչ էլ լավ պատգամավոր և ոչ էլ լավ ֆրակցիայի ղեկավար, այսօր մենք ընտրելու ենք պատերազմի ժամանակ Հայաստանի գերագույն գլխավոր հրամանատարին՝ Ալիևի, Պուտինի և Թրամփի հետ բանակցությունների նստող հիմնական բանակցողի»,- ասել է Շարմազանովը:

Նրա խոսքով, եթե գոնե մինչև երեկ 1 կամ 2 տոկոս հավանականություն կար, որ ես տեսնեի Փաշինյանին վարչապետի պաշտոնում, ապա նրա պատասխաններն առնվազն իմ և իմ գործընկերների հարցերին՝ համոզիչ չէին, ինչի մասին իրեն ևս ասել եմ:

Ըստ Շարմազանովի՝ ինքը որևէ մեկի հետ անձնական խնդիր չունի, առավել ևս՝ Փաշինյանի հետ:

Վարչապետի հիմնական գործառույթը դա արտաքին քաղաքականությունն է և անվտանգությունը: Հայաստանը ունի 2 կարևոր մարտահրավեր. դա Թուրքիայի և Ադրբեջանի հետ հարաբերություններ են:

Ես չեմ կարծում, որ պատգամավորը, եթե ընդդիմադիր է առավոտից երեկո պետք է ասի կեցցե Եվրամիությունը, հենց զարթնի իշխանության հոտը առնի ասի դե գիտեք ինչ ընդդիմության մեջ ուրիշ ձև է, իշխանության մեջ՝ այլ: Երեկ նրան ասել եմ, որ ինքն ապացուցեց, որ Սերժ Սարգսյանի որոշումը Եվրամիության մեջ մտնելու վերաբերյալ՝ ճիշտ էր և դրա համար շնորհակալություն եմ հայտնել:

«Չկա այդպիսի ուժ, որ կարողանա ազատ քաղաքացու, ազատ պատգամավորի կամաարտահայտության վրա ճնշում գործադրի, ես չգիտեմ ով ոնց, ես ՀՀ ազատ քաղաքացի եմ ու ազատ պատգամավոր և ոչ իրենց հաղորդագրությունները և հայհոյանքները և ոչ հազարավոր բազմությունը չի կարող իմ վրա ազդեց, թե ես ինչպես պետք է քվեարկեմ.,- ասաց Շարմազանովը հավելելով՝ մենք սիրում ենք, մեր երկիրը, սիրում ենք նաև քեզ՝ դու մեր գործընկներ ես, մենք մեր երկրում թշնամիներ չունենք և այս քվերակությունը լինելու է ոչ թե ընդդեմ այլ՝ հանուն Հայաստանի և Արցախի անվտանգության:

Մենք պետք է վեր կանենք, էմոցիոնալ էյֆորիկ գնահատականներից, Աստված տա կուսակցությունը որոշի այնպես՝ ինչպես ես եմ մտածում:

Աղբյուր` Փաստինֆո