Փաստ ինֆո

ՀՀ կառավարության առաջիկա նիստի օրակարգում ներառված է 7 ֆուտբոլիստի պարտադիր զինվորական ծառայությունից տարկետման իրավունք տալու մասին հարցը, գրում է «Tert.am»-ը:

Նախագծի համաձայն՝ պարտադիր զինվորական ծառայության զորակոչից մինչև 2018 թվականի ձմեռային զորակոչը տարկետում կտրվի մակեդոնական «Ռաբոտնիչկիի» և Հայաստանի ազգային հավաքականի հարձակվող Վարդան Գրիգորի Պողոսյանին (ծնված` 1992 թվականի մարտի 8-ին, հաշվառման հասցեն՝ Խանջյան 27)։

Պարտադիր զինվորական ծառայության զորակոչից մինչև 2020 թվականի ձմեռային զորակոչը տարկետում կտրվի նաև հետևյալ ֆուտբոլիստներին.

1) Մարտին Արմենակի Գևորկյանին (ծնված` 1995 թվականի հունվարի 23-ին),

2) Սերոբ Դավիթի Գրիգորյանին (ծնված` 1995 թվականի փետրվարի 4-ին),

3) Արտյոմ Վրույրի Սիմոնյանին (ծնված` 1995 թվականի փետրվարի 20-ի),

4) Դավիթ Մհերի Մարտիրոսյանին (ծնված` 1997 թվականի ապրիլի 2-ին),

5) Միխաիլ Լևոնի Մարտիրոսյանին (ծնված` 1997 թվականի ապրիլի 4-ին),

6) Իվան Ռոմանի Մամախանովին (ծնված` 1996 թվականի փետրվարի 26-ին)։

Կառավարության նախագծի հիմնավորման մեջ ասվում է, որ «Մի շարք քաղաքացիների պարտադիր զինվորական ծառայության զորակոչից տարկետում տալու մասին» ՀՀ կառավարության որոշման նախագծի ընդունումը պայմանավորված է այն հանգամանքով, որ անհրաժեշտություն է առաջացել երկարաձգելու ֆուտբոլի ՀՀ ազգային հավաքականի կազմում հանդես եկող հետևյալ ֆուտբոլիստների պարտադիր զինվորական ծառայության զորակոչից տարկետման ժամկետը։

Աղբյուր` Փաստինֆո