ԲՈԼՈՐ ՆՅՈՒԹԵՐԸ
Յոթ տարվա վաղեմության մեկուկես մլրդ հարկային պարտքը մինչև այժմ չի գանձվել 03/23/2017 14:45 | Վարչական իրավունք
«Կամուրջ» ունիվերսալ վարկային կազմակերպության նկատմամբ դեռևս 2009թ. հարկային ակտով նշանակվել է շուրջ մեկուկես մլրդ դրամի տուգանք, սակայն այն մինչև այժմ չի գանձվել:
«Փաստինֆո»-ի լրագրողի հետ զրույցում կազմակերպության արդեն նախկին տնօրեն Գագիկ Վարդանյանը ներկայացրեց կազմակերպության աննախադեպ վերելքի ու անկման պատմությունը:
Ըստ մեր զրուցակցի, իր ուժերով համարյա թե զրոյից ստեղծել է «Կամուրջ» ունիվերսալ վարկային կազմակերպությունը, որը շատ մեծ, երևի աննախադեպ աճ է ապրել մինչև մոտավորապես 2010թ., շատ հաջողակ կազմակերպություն է եղել մինչև այն պահը, երբ որ հանկարծ հարկային տեսչության կողմից ակտ է կազմվել այն մասին, որ վարկային կազմակերպությունը իբրև թե պարտք է պետական բյուջեին շուրջ մեկուկես մլրդ դրամ, որը բավական է եղել, որպեսզի այդ ընկերությունը հասնի գրեթե սնանկության աստիճանի:
Գագիկ Վարդանյանը գտնում է, որ իրականում կազմակերպությունը պետական բյուջեի նկատմամբ պարտք չունի, նա վիճարկել է այդ հարկային ակտը դատական կարգով, հաջողության չի հասել, և այդ մեկուկես մլրդ դրամի պարտքը մնացել է այդ վարկային կազմակերպության ուսերին:
Գագիկ Վարդանյանը նշեց, որ հենց այդ ժամանակ էր, որ իրեն պարտադրվել է կազմակերպության հոգաբարձուների խորհրդի նոր կազմ, խորհրդի նախագահ է դարձել այն ժամանակ Ֆինանսների փոխնախարար, իսկ այժմ նախարար Վարդան Արամյանը: Վերջինիս կողմից հոգաբարձուների խորհրդի կազմում ընդգրկվել են նրա կողմից որոշված անձինք:
Կանոնադրությամբ կրճատվել են տնօրեն Գագիկ Վարդանյանի լիազորությունները, նա նաև դե յուրե կախման մեջ է հայտնվել հոգաբարձուների խորհրդից և խորհրդի նախագահից և գրեթե ոչինչ չի որոշել՝ կադրային, ընկերության կառավարման հարցերում:
Եվ ընկերությունը սկսել է կտրուկ անկում ապրել, իսկ իր կողմից ստեղծված կազմակերպության հոգաբարձուների խորհուրդը Գագիկ Վարդանյանին այս տարվա փետրվարի 27-ին ազատել է զբաղեցրած պաշտոնից:
Մեր հետ զրույցում Գ.Վարդանյանի ներկայացուցիչ, փաստաբան Հայկ Ալումյանը նշեց, որ գործի նյութերի և նախապատմության ուսումնասիրությունից հետո իր համար տարօրինակ ու մի փոքր անհասկանալի է թվացել, որ դեռևս 2009թ. հարկային տեսչության կողմից արձանագրված այդ մեկուկես մլրդ պարտքը մինչև հիմա պետությունն ընկերությունից չի գանձել:
Եթե անգամ իրենց բարձրաձայնումից հետո հիմա մեկուկես մլրդը գանձվի, ապա յոթ տարի առաջ այդ գումարն այլ գումար էր, հիմա՝ այլ, այսինքն՝ առկա է տարբերություն, ինչի հետևանքով բյուջեն վնաս կկրի, ուստի պետք է գտնել այն մեղավորին կամ մեղավորներին, ում պատճառով առաջացել է այդ տարբերությունը:
«Եթե այդ պարտքն արձանագրվել է, մենք ապրիորի պետք է ընդունենք, որ այդ պարտքը գոյություն է ունեցել, քանի դեռ այլ բան ապացուցված չի: «Կամուրջ»-ի կամ նրա իրավանախորդի կողմից բոլոր դատական ատյանների կողմից վիճարկվել է, և դատարանները հայցերը մերժել են, ըստ էության վերահաստատելով, որ այդ պարտքը գոյություն ունի: Ինձ համար տարօրինակ թվաց, թե այդ դեպքում մինչև այսօր 7-8 տարվա ընթացքում ինչո՞ւ պետությունը այդ մեկուկես մլրդ դրամի պարտքը չի գանձում կազմակերպությունից»,- ասաց փաստաբանը՝ արձանագրելով, որ հոգաբարձուների խորհրդի նախագահը նույն մարդն է, ով պետության անունից պետք է այդ կազմակերպությունից այդ գումարը պահանջի, այսինքն՝ ներկայիս Ֆինանսների նախարարը:
«Ուրիշ ժամանակ հինգ կամ երեք հազար դրամ ես պարտք մնում՝ արագաչափի պատճառով տուգանքի ձևով, կգան ամբողջ տանդ, հաշիվներիդ վրա արգելանք կդնեն, հարկադիր կատարողը մի քանի որոշում կկայացնի՝ էլ պարտապանին հետախուզում հայտարարելու, կատարողական վարույթ հարուցելու, գույքի վրա արգելանք դնելու, գույքը հետախուզելու, երեք հազար պարտք ես մնացել պետությանը, քեզ կգան ամեն տեղ կգտնեն, իսկ այստեղ մեկ և կես միլիարդ պարտք է»,- նկատեց Հայկ Ալումյանը:
Փաստաբանն առայժմ նախնական տպավորություն ունի, որ այստեղ կա շահերի բախում, պրն. Արամյանը մի կողմից հանդես է գալիս պահանջատիրոջ կողմից, իսկ մյուս կողմից՝ պարտապանի կողմից, և առայժմ յոթ տարի է հաղթում է պարտապանը:
«Եթե կա շահերի բախում պաշտոնատար անձի, այն էլ՝ այդ աստիճան բարձրաստիճան պաշտոնատար անձի, երկու տարբեր կարգավիճակների միջև, ապա նա, իմ կարծիքով, չպետք է զբաղեցներ այդ կազմակերպության հոգաբարձուների խորհրդի նախագահի պաշտոնը: Այն դեպքում եթե սա ապացուցվի, ավտոմատ կերպով կապացուցվի, որ Գագիկ Վարդանյանին աշխատանքից ազատելու որոշումը կայացվել է ոչ իրավասու անձանց կողմից»,- ասաց Հ.Ալումյանը:
Եվ որպեսզի միակողմանի, միայն իր ենթադրությունների վրա չհիմնվի փաստաբանը մի շարք հարցեր է ուղղել նախարարին: Մասնավորապես, 03.07.2010թ. Վարչական դատարանի վճիռը ուժի մեջ մտնելուց հետո մինչև օրս ինչո՞ւ ՀՀ ֆինանսների նախարարությունը միջոցներ չի ձեռնարկել 03.02.2009թ. ակտում նշված տուգանքի գումարը Միկրոձեռներեցության զարգացման բարեգործական հիմնադրամից («Կամուրջ» վարկային կազմակերպության իրավահաջորդ) գանձելու համար: Արդյոք կա՞ այդ հարկային ակտը վերացնող, անվավեր կամ ուժը կորցրած ճանաչող մեկ այլ վարչական ակտ:
Այդյոք փոխնախարարի, ապա նաև նախարարի պաշտոնը հիմնադրամի հոգաբարձուների խորհրդի նախագահի պաշտոնի հետ համատեղումը չի՞ նպաստել այդ պարտքի վերացմանը, մարմանը կամ անտեսմանը: Արդյոք չկա՞ շահերի բախում երկու կարգավիճակների միջև:
Նախարարությունից ստացվել է պատասխան, ըստ որի բարձրացված հարցերը մեծամասամբ հասցեագրված են ՀՀ քաղաքացի Վարդան Արամյանին, ուստի առաջարկել են հարցերն ուղարկել վերջինիս բնակության հասցեով: Բացի այդ պատասխանում նշվում է, որ դիմումն ու դրան կցված փաստաթղթերը թույլ չեն տալիս նույնականացնել և հասկանալ, թե «ինչ հանգամանքների հիմքով է ոմն Գագիկ Վարդանյան կապված պահանջվող տեղեկատվության հետ», որպեսզի ՀՀ ֆինանսների նախարարությունը իր հերթին գոնե կարողանա հիմնավորել պահանջվող փաստաթղթերի տրամադրումը (առկայության դեպքում) կամ մերժումը:
Հայկ Ալումյանը նշեց, որ նույն հարցերն ինքը պատրաստվում է ուղղել նաև վարչապետին, եթե հանկարծ վարչապետն էլ համարի, որ ինքն այդ իրավունքը չունի, այդ ժամանակ նույն գրությունը մամուլի միջոցով կհրապարակի՝ հասցեագրելով հանրապետության նախագահին և բոլոր նրանց, ովքեր պետք է այդ հարցով հետաքրքրություն դրսևորեն: Հետո էլ ասում են՝ բանակում փող չկա, ավտոճանապարհների համար փող չկա, այդ դեպքում այդ մեկուկես միլիարդը ինչո՞ւ չեք գանձում, նշեց Հայկ Ալումյանը:
Հարց է ծագում նաև՝ արդյոք շա՞տ կան այսպիսի կազմակերպություններ, որոնց պարտքերը չեն գանձվում, թե այն միակն է:
«Փաստինֆո»-ն դիմել է նաև ՀՀ ֆինանսների նախարարությանը և առաջիկայում պատրաստակամ է անդրադառնալ նաև նախարարության տեսակետին:
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/25/2024 08:19 Տարածվել ա, կարդացվել ա՝ բավարար ա, էլի․ «Հրապարակ»
- 04/25/2024 08:16 Ընդդիմադիրները հիասթափված են․ «Հրապարակ»
- 04/25/2024 08:13 Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-ականների հիշողությունը. «Ժողովուրդ»
- 04/25/2024 08:10 «Քարֆուրի» տերերը հեռանում են Հայաստանից․ «Հրապարակ»
- 04/25/2024 08:03 Գերիների հարցով կակտիվանան․ «Հրապարակ»
- 04/25/2024 07:53 Դեսպան չնշանակվեց, կուսակցությունն էլ, փաստացի, գոյություն չունի. «Ժողովուրդ»
- 04/25/2024 07:50 Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/25/2024 22:46 Թումանյան փողոցում գտնվող ռեստորաններից մեկի ծխատարում հրդեհ է բռնկվել
- 04/25/2024 19:49 Կիրանցում ականազերծման աշխատանքների ընթացքում վիրավորում է ստացել զինծառայող. ՊՆ-ն հաստատում է
- 04/25/2024 19:24 Կիրանցում ականի պայթյունից քաղաքացի է վիրավորվել. Հրատապ
- 04/25/2024 10:19 Ուղևորը վարորդի աչքերին քիմիական նյութ է փչել. վերջինս այրվածքներով տեղափոխվել է հիվանդանոց. shamshyan.com
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ