Փաստ ինֆո

Հայտնի են դատավորների թեկնածությունների քաղաքացիական, քրեական և վարչական մասնագիտացմամբ գրավոր քննության արդյունքներով ամենաբարձր հանրագումարային միավոր հավաքած հավակնորդների անուները:

Քրեական մասնագիտական բաժնի համալրման նպատակով որակավորման քննությունների արդյունքում առավել բարձր միավոր է հավաքել Մհեր Արարատի Հակոբյանը. ընդհանուր առմամբ նա հավաքել է 90,5 միավոր:

Քրեական գործերով նվազագույն միավորներ են հավաքել Հովհաննես Խաչատուրի Մկրտչյանը և Վրեժ Վարդգեսի Ներկարարյանը. նրանք երկուսն էլ հավաքել են 42-ական միավոր:

Քաղաքացիական մասնագիտացման բաժնի համալրման նպատակով որակավորման քննության արդյունքում ամենաբարձ միավոր է հավաքել Ռուբինա Ռուբենի Աթոյանը՝ 94 միավոր, իսկ նվազագույն միավոր են հավաքել Արմիդա Արմենի Ոսկանյանը և Վարդանուշ Ռոլանդի Պողոսյանը. նրանցից յուրաքանչյուրը հավաքել է 66-ական միավոր:

Իսկ վարչական մասնագիտացման բաժնի համալրման համար ամենաբարձր միավորը հավաքել է Վահե Հայկի Հովսեփյանը`94 միավոր: Նազագույն միավորը հավաքել է Սուրեն Ամրահու Պետրոսյանը` 60.5 միավոր:

Ինչպես ավելի վաղ «Փաստինֆո»-ն տեղեկացրել էր, դատավորների թեկնածությունների ցուցակի քաղաքացիական, քրեական և վարչական մասնագիտացմամբ բաժինները համալրելու նպատակով անցկացվող որակավորման ստուգման գրավոր քննությանը մասնակցած հավակնորդներից հարցազրույցի փուլ են անցել քաղաքացիական մասնագիտացմամբ ամենաբարձր հանրագումարային միավորներ հավաքած առաջին 13 հավակնորդները, քրեական մասնագիտացմամբ ամենաբարձր հանրագումարային միավորներ հավաքած առաջին 11 հավակնորդները, իսկ վարչական մասնագիտացմամբ` 8 հավակնորդները:

Աղբյուր` Փաստինֆո