Փաստ ինֆո

Շենգավիթ վարչական շրջանների ընդհանուր իրավասության դատարանում այսօր շարունակվեց ծննդկան Մերի Մարգարյանի և նրա դստեր մահվան գործով վկաների հարցաքննությունը:

Այսօր հարցաքննվեց «Շենգավիթ» ԲԿ-ի ընդունարանի բուժքույր Նինա Զոհրաբյանը: Վերջինիս խոսքով՝ 2015թ. հուլիսի 25-ին Շուշանիկ Բախշյանը զանգահարել է ընդունարան և ասել է, որ իր հղին է մոտենալու՝ Մերի Մարգարյանը, և որ բուժքույրը տվյալ օրվա պատասխանատու հերթապահ բժիշկներին այդ մասին տեղեկացնի:

Վկան հայտնեց, որ այդ մասին տեղեկացրել է 2 հերթապահ բժշկուհիներին՝ Անի Բաբելյանին և Արուսիկ Պետրոսյանին, սակայն, չգիտես ինչու, բժշկուհի Արուսիկ Պետրոսյանին չի դիմել Մերիի հետազոտությունների հարցով:

Ըստ վկայի՝ սկզբում երկու հերթապահ բժիշկները եղել են ծնարանում, ավելի ուշ Անի Բաբելյանը վիրահատության է մասնակցել:

Վկան չէր հիշում է, թե իրեն ով է ցուցում տվել Մերի Մարգարյանից անալիզներ վերցնելը կազմակերպել, սակայն ինքը կազմակերպել է, անգամ ընդունարանում չափել է Մերիի զարկերակային ճնշումը, իսկ մեզի, արյան և ԿՏԳ-ի անալիզները վերցնելով՝ տարել է վիրահատարանում գտնվող բժշկուհի Անի Բաբելյանին է ցուց տվել:

Բժիշկն էլ ասել է՝ թող սպասեն, ինքը ավարտի, կիջնի և կզրուցի Մերի Մարգարյանի և հարազատների հետ:

Ըստ վկայի՝ Մերին այդքան էլ վատ չի եղել, ջերմում էր, 37 կամ 37,1 էր ջերմությունը:

Նրա պնդմամբ՝ մինչև Անի Բաբելյանը վիրահատությունից հետո իջել է, որ զրուցի Մերիի և նրա հարազատների հետ, վերջիններս հիվանդանոցից գնացել են, որոշել են այլ բժշկի մոտ էլ գնալ:

Ինչպես հայտնի դարձավ, տվյալ օրվա հետազոտման բնօրինակը Մերի Մարգարյանի մոտ է եղել, իսկ թե ինչպես դա կարող էր նրա մոտ հայտնվել, այն դեպքում, երբ վկան նշում է, որ Բաբելյանին է տվել, իսկ նա, երբ իջել է, Մերի Մարգարյանը ԲԿ-ից գնացել է հարցին վկան ասաց, որ չգիտի և պնդեց, որ ինքը հաստատ չի տվել այդ պատասխանները Մերիին կամ նրա հարազատներին:

Տուժողի իրավահաջորդ Վաղինակ Մարգարյանն էլ հայտարարությամբ հանդես եկավ՝ նշելով, որ վկա բուժքույրն անձամբ իրեն է տվել այդ անալիզների պատասխանները և հայտնել, որ Անի Բաբելյանն ասում է, որ պաթոլոգիա չկա, կապվեն հսկող բժշկի հետ:

Վկան նաև պնդում էր, որ Անի Բաբելյանը մինչև վիրահատության գնալը ԿՏԳ-ի սենյակում զրուցել է Մերի Մարգարյանի հետ, իսկ թե բժիշկներից Բաբելյանը, թե Բախշյանը է ցուցում տվել, թե ինչ անալիզներ պետք է կատարվի, վկան այդպես էլ հստակ պատասխան չտվեց:

Նշված դրվագի հետ կապված էլ Մերի Մարգարյանի հայրը պնդեց, որ այդպիսի բան չի եղել, վկան ստում է:

Հաջորդիվ հարցաքննվեց «Արաբկիր» ԲԿ-ի քիթ-կոկորդ-ականաջաբան Հերմինե Վլասյանը:

Բժշկուհին նշեց, որ հուլիսի 25-ի ուշ երեկոյան Մերի Մարգարյան դիմել է իրենց ԲԿ, որպեսզի պարզի, թե ինչն է իր ջերմելու պատճառը:

Բժշկուհու առաջին հարցը եղել է այն, թե ինչու է նա դիմում մանկական բժշկական կենտրոն: Ի պատասխան Մերին ասել է, որ ԲԿ-ն իրենց տանը մոտ է, և ինքն իր համար ցանկանում է պարզել շուրջ 3 օր ջերմության պատճառն ինչն է:

Միևնույն ժամանակ Մերի մարգարյանը հայտնել է, որ իր բժշկուհին խորհուրդ է տվել պառացետամոլ խմել:

Սակայն քիթ-կոկորդ ականջաբանը, Մերիին զննելով, ԼՕՌ օրգանների կողմից պաթոլոգիա չի հայտնաբերել, Մերին գրիպոզ երևույթներ չի ունեցել:

Ըստ բժշկուհու՝ նա հևում էր, և խորհուրդ է տվել անպայման դիմել իր մանկաբարձ գինեկոլոգին՝ նույնիսկ պարացետամոլ դեղահաբի չափաբաժինը ճիշտ ընդունելու համար:

Աղբյուր` Փաստինֆո