Վարագյանն ազատվելուց հետո ապաստան կխնդրի Թուրքիայից, եթե «անարդար» դատապարտվի - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 19:23 Երեխան դրոշով պաշտպանվում է ոստիկանից 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/29/2024 10:23 Այս պահին լարված է Արմավիր-Գյումրի միջպետական ճանապարհին՝ ուղիղ 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 21:45 Վաղը այս հասցեներում լույս չի լինի 04/28/2024 21:58 Ավտովթար Երևան-Սևան ավտոճանապարհին 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 16:51 Պատերազմ անցած տղերքը, ազատամարտիկները մեր կողքին են, ժամը եկել է, ոտքի կանգնե՛ք․ Բագրատ Սրբազան 04/28/2024 13:20 Վահագն Մախսուդյանը գիշերը ՁՎՊ-ում ունեցել է արյան բարձր ճնշում

Վարագյանն ազատվելուց հետո ապաստան կխնդրի Թուրքիայից, եթե «անարդար» դատապարտվի 04/07/2015 21:04 | Քրեական խրոնիկոն

ՀՀ քրեական օրենսգրքի հինգ հոդվածներով, այդ թվում՝ սեռական բնույթի հանցագործությունների մեղադրանքով 15 տարվա ազատազրկման դատապարտված նախկին ոստիկան Էդգար Վարագյանն այսօր ներկայացրեց իր վերաքննիչ բողոքի հիմնավորումները:

Բողոքը ներկայացվեց երկու «փաթեթով»: Առաջին «փաթեթը», ըստ էության, կրկնում էր ամբաստանյալի պաշտպան Կրոմվել Գրիգորյանի վերաքննիչ բողոքի հիմնավորումները. «Փաստինֆո»-ն արդեն դրանց անդրադարձել է:

Իսկ երկրորդ «փաթեթով» ամբաստանյալը հայտարարեց, որ ինքը որևէ առնչություն չունի իրեն մեղսագրվող հանցագործությունների հետ, քրեական գործը շինծու է, մեղադրանքներն էլ՝ կեղծ: Դատարանը շահադիտորեն չի պահպանել օրենքը, նշեց ամբաստանյալը:

Որակումների արժանացավ նաև տուժողը, ում ամբաստանյալը, ինչպես և առաջին ատյանի դատարանում անվանում էր «տուժող կոչեցյալ»: Ըստ ամբաստանյալի, ինքը ոստիկանությունում բռնության է ենթարկվել, երեք օր առանց հաց ու ջրի մնացել, ինչ-որ պահի թույլ չեն տվել անգամ օգտվել զուգարանից, հարցաքննվել է գիշերային ժամի, իր վարձակալած բնակարանում խուզարկությունները կատարվել են օրենքի խախտմամբ և այլն:

Էդգար Վարագյանը, ինչպես և իր պաշտպանը, իր վերաքննիչ բողոքում միջնորդեց իր նկատմամբ կայացնել արդարացման դատավճիռ՝ հանցակազմի բացակայության հիմքով կամ բեկանել առաջին ատյանի դատավճիռն ու ուղարկել նույն դատարան՝ նոր քննության:

Վարագյանը հայտարարեց՝ իր նկատմամբ անարդար դատական ակտ կայացվելու դեպքում ինքը կխնդրի ՀՀ նախագահ Սերժ Սարգսյանին, որպեսզի «ինձ ՀՀ քաղաքացիությունից հանի» և քանի որ «իմ երկրում վտանգված եմ», ազատվելուց հետո ապաստան կխնդրի Թուրքիայից:

Ամբաստանյալը հայտարարեց նաև, որ մեղավորները պատասխան կտան և որպես օրինակ հիշատակեց Թուրքիայում դատախազի սպանությունը: Վերաքննիչ դատարանի այն հարցին, թե ինչո՞ւ է այդ մասին բարձրաձայնում, սպառնալի՞ք է, ամբաստանյալը հայտարարեց. «Ես ոչ թե հանցագործ եմ, այլ փորձում են ինձ հանցագործ սարքել»:

Ի պատասխան Վերաքննիչ դատարանի հարցի, թե ի՞նչ հարաբերությունների մեջ է եղել տուժող կնոջ հետ, ամբաստանյալը պատասխանեց գործնական, հետագայում նաև՝ սիրային: «Դուք չգիտեի՞ք, որ տուժողն ամուսնացած է, ինչո՞ւ սիրային կապի մեջ մտաք, եթե ինչպես Դուք եք նշում, օրինավոր դաստիարակություն եք ստացել», ամբաստանյալը հայտարարեց՝ ցույց տվեք տղամարդու, ով թեկուզ մեկ անգամ նման կապ չի ունեցել:

Դատարանին հետաքրքրեց նաև, թե ովքեր են դահիճները, ովքեր թույլ չեն տվել Վարագյանին մասնակցել հոր հուղարկավորությանը: Ամբաստանյալը թվարկեց իրավասու մարմինները, սակայն պարզվեց, որ դրանք, մասնավորապես՝ քրեակատարողական հիմնարկն այդ հարցով իրավասու չէ որոշում կայացնել: Պարզվեց նաև, որ ամբաստանյալը որևէ գրավոր ապացույց չունի, թե ինչու իրեն թույլ չեն տվել մասնակցել հոր հուղարկավորությանը, այդ մասին ինչ-որ բան լսել է ազգականից, այսինքն՝ դատարան բամբասանք ե՞ք բերել, եզրակացրեց Վերաքննիչ դատարանը:

Գործով դատավարական ղեկավարում իրականացնող դատախազ Գևորգ Գևորգյանն ի պատասխան հայտարարեց, որ վերաքննիչ բողոքն անհիմն է: «Որևէ նոր բան չհնչեց»,- ասաց մեղադրողը: Նա նշեց, որ ամբաստանյալի այլուրեքության մասին հայտարարել էր կին վկան, ով ըստ ամբաստանյալի, ավազակային հարձակման, առևանգման ու բռնաբարության դեպքից առաջ և հետո գտնվել է ամբաստանյալի հետ:

Մինչդեռ, ըստ հեռախոսային ելքային-մուտքային զանգերի վերծանումների, այդ վկան գտնվել է ոչ թե Նորքի Զանգվածում ամբաստանյալի վարձակալած բնակարանում, այլ բոլորովին այլ տարածքում՝ Շենգավիթում: Մեղադրողը որպես հերյուրանք բնորոշեց ամբաստանյալի հայտարարությունը, թե ապացույցները դատարանում չեն հետազոտվել:

Մեղադրողն անդրադարձավ նաև խոշտանգումների թեմային՝ կալանավորման որոշում կայացնելու ժամանակ ամբաստանյալը դատարանում հայտարարում էր, որ իրեն հարվածում են, ինչը զառանցանքի էր նման, քանի որ հենց տեղում դատարանն արձանագրել է, որ ամբաստանյալին ոչ ոք չի հարվածում:

«Դատավճիռն օրինական է, հիմնավոր ու պատճառաբանված»,- եզրակացրեց մեղադրողը: