Նախկին ոստիկանը հայտարարեց, որ պահպանել է հասարակ քաղաքացուց մինչև Նախագահին, սակայն այսօր հանիրավի դատվում է

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 21:45 Վաղը այս հասցեներում լույս չի լինի 04/28/2024 20:34 Արման Թաթոյանը ևս Կիրանցում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 21:58 Ավտովթար Երևան-Սևան ավտոճանապարհին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում

Նախկին ոստիկանը հայտարարեց, որ պահպանել է հասարակ քաղաքացուց մինչև Նախագահին, սակայն այսօր հանիրավի դատվում է 10/06/2014 18:33 | Քրեական խրոնիկոն

Ավազակային հարձակման, տուժող կնոջն ու նրա անչափահաս դստերը առևանգելու, կնոջը բռնաբարելու ընդհանուր առմամբ ՀՀ քրեական օրենսգրքի 5 հոդվածներով մեղադրվող նախկին ոստիկան Էդգար Վարագյանի պաշտպան Արայիկ Ալվանդյանն այսօր միջնորդեց կարճել քրեական գործի վարույթը, քրեական հետապնդումը դադարեցնել և Էդգար Վարագյանին արդարացնել:

Պաշտպանը իր նկատառումները հայտնեց իր պաշտպանյալի՝ հանցագործությանը առնչվելու վերաբերյալ: Նա նշեց, որ, իր անձնական կարծիքով, չի բացառվում, որ հանցագործությունը կատարած լինի իր պաշտպանյալը, սակայն որևէ կոնկրետ և ուղղակի ապացույց այդ մասին գործում առկա չէ: Նա դատարանի ուշադրությունը հրավիրեց մի շարք քննչական գործողությունների վրա, որոնցում արձանագրեց խախտումներ կամ կասկածներ, որ դրանց ընթացքում կարող էին խախտումներ լինել:

Պաշտպանը դատարանի ուշադրությունը հրավիրեց այն փաստի վրա, որ առաջին իսկ պահից խախտվել է իր պաշտպանյալի՝ պաշտպան ունենալու իրավունքը: Նա հիշեցրեց նաև, որ իր պաշտպանյալի նկատմամբ նախաքննության ընթացքում հնարավոր բռնությունների վերաբերյալ ժամանակին քննություն է կատարվել:

Ամբաստանյալ Էդգար Վարագյանն իր հերթին ուշագրավ հայտարարություններով հանդես եկավ, արձանագրելով, որ ինքը ժամանակին «պահել ու պահպանել է հասարակ քաղաքացուց մինչև Նախագահին», նա պահանջեց, որ իր պաշտպանական ճառի ժամանակ դատարանում լայնորեն ներկայացված լինի հանրությունը, պաշտոնատար անձինք կամ նրանց ներկայացուցիչները: Մասնավորապես, խոսքը Արդարադատության նախարարի, Գլխավոր դատախազի, Ոստիկանապետի, ԱԻՄ նախագահ Պարույր Հայրիկյանի, Մարդու իրավունքների պաշտպանի, ԱԺ պատգամավոր Նիկոլ Փաշինյանի և այլոց մասին է:

Դատարանն ամբաստանյալի ուշադրությունը հրավիրեց այն հանգամանքի վրա, որ ինքը որևէ գործառույթ չունի դատավարության մասնակիցներ, կողմեր կամ վկաներ չհանդիսացող անձանց դատարան հրավիրելու: Նախագահող դատավոր Մեսրոպ Մակյանն ընդգծեց, որ ամբաստանյալը զրկված չէ իր գործի և իր անմեղության վերաբերյալ ինչ-ինչ պաշտոնատար անձանց դիմումներ հղելու հնարավորությունից:

Ամբաստանյալը ոչ ավել, ոչ պակաս 1 ամիս ժամանակ պահանջեց իր պաշտպանական ճառը պատրաստելու համար՝ նշելով, որ ինքը հնարավորություն չի ունեցել ՔԿՀ-ի պայմաններում նախապատրաստել ճառը՝ «շատ ժամանակ գետնին եմ քնում»:

Ամբաստանյալը հայտարարեց, որ մինչև պաշտպանական ճառը մտադիր է միջնորդություններով հանդես գալ, սակայն, ինչպես պարզվեց ավելի ուշ, այդ միջնորդություններն արդեն մեկ անգամ ներկայացվել են և անհիմն լինելու պատճառաբանությամբ մերժվել:

Մինչ դատական նիստը սկսելը և հետո դատական նիստի ընթացքում ամբաստանյալի ու նրա հարազատների «ուշադրության կենտրոնում» հայտնվեց մեղադրող Գևորգ Գևորգյանը, ով ինչպես հայտնի է հիմնավորված էր համարել մեղադրանքը ողջ ծավալով ու միջնորդել ամբաստանյալին դատապարտել 18 տարվա ազատազրկման:

Դատարանը մեղադրողի հանդեպ անհարգալից վերաբերմունքի համար մինչև դատավարության ավարտը դատարանի դահլիճից դուրս հրավիրեց ամբաստանյալի մորը, իսկ ամբաստանյալին նախազգուշացրեց, որ նույն ճակատագրին կարժանանա նաև ինքը, եթե շարունակի անհարգալից վերաբերմունք դրսևորել:

Դատարանն ամբաստանյալին 15-օրյա ժամկետ տրամադրեց՝ պաշտպանական ճառը նախապատրաստելու համար: