Բյուրեղավանի գիշերօթիկի չարաշահումները փաստացի օգտագործվեցին՝ PR ակցիայի համար

ԲՈԼՈՐ ՆՅՈՒԹԵՐԸ

Բոլորը

04/29/2024 10:23 Այս պահին լարված է Արմավիր-Գյումրի միջպետական ճանապարհին՝ ուղիղ 04/29/2024 14:33 Ադրբեջանցիները արդեն մուտք են գործել Տավուշի՝ հանձնվող տարածքները, անգամ՝ վիրավոր ունեն 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/28/2024 21:45 Վաղը այս հասցեներում լույս չի լինի 04/28/2024 21:58 Ավտովթար Երևան-Սևան ավտոճանապարհին 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/28/2024 20:34 Արման Թաթոյանը ևս Կիրանցում է 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/29/2024 11:00 Մայիսի 2-ից կտեսնենք գարնան վերադարձը. Սուրենյան 04/29/2024 17:36 Երևանում 71-ամյա տղամարդը շենքի մուտքում փորձել է անառակաբարո արարք կատարել 13-ամյա աղջկա նկատմամբ 04/29/2024 16:37 Նիկոլ Փաշինյանը չի մեկնելու Վլադիմիր Պուտինի երդմնակալության արարողությանը․ Մեդիահաբ 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/29/2024 15:46 Ադրբեջանցիները Կիրանցի տարածք մտնել դեռ չեն կարողացել. քիչ հետո Փաշինյանը կհանդիպի կիրանցիների հետ 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/29/2024 11:21 25 անշարժ գույք, 5 տրանսպորտային միջոց, ավանդներ, արժեթղթեր. ինչ է Դատախազությունը պահանջում բռնագանձել Ռոբերտ Քոչարյանից 04/28/2024 13:20 Վահագն Մախսուդյանը գիշերը ՁՎՊ-ում ունեցել է արյան բարձր ճնշում 04/28/2024 14:33 Մի քանի օր առաջ թուրքը Գյումրիի սրճարանում նամազ էր անում․ իրազեկման երթ Գյումրիում (տեսանյութ) 04/28/2024 14:56 Եթե չկանգնեցնենք միակողմանի հանձնումները, իրականություն կդարձնենք այս քարտեզը. թյուրքագետը քարտեզ է հրապարակել 04/27/2024 23:48 Մահացել է աշուղական-գուսանական երգերի անզուգական մեկնաբան Սահակ Սահակյանը

Բյուրեղավանի գիշերօթիկի չարաշահումները փաստացի օգտագործվեցին՝ PR ակցիայի համար 06/24/2014 12:11 | Վերլուծություններ

Երբ վարչապետ Հովիկ Աբրահամյանն այցելեց Բյուրեղավանի գիշերօթիկ դպրոց, բավական խիստ տոնով տեսախցիկների առաջ նկատողություն արեց տնօրենին ու սպառնաց, որ խստորեն հետևելու է, որպեսզի մեղավորները պատժվեն: Դժվար էր չհավատալ, որ ամեն ինչ շատ լուրջ է:

Բայց արդեն անցել է շուրջ 2 ամիս, ու ոստիկանությունը հայտնում է, որ հարուցված քրեական գործի շրջանակներում որևէ մեկին մեղադրանք չի առաջադրվել: Այս անգամ արդեն դժվար է չհավատալ, որ վարչապետի այցը, վճռական տրամադրվածությունը դարձավ ամենապարզունակ PR ակցիա: Համենայն դեպս, վարչապետին այս առումով մատուցվել է արջի ծառայություն, քանի որ դժվար է հավատալ, որ վարչապետը չէր ցանկանա, որ իր հանձնարարությունները չկատարվեին եւ ի հայտ բերվեն բոլոր մեղավորները՝ ենթարկվելով պատասխանատվության։

Դեռևս ապրիլի 4-ին գիշերօթիկի մի խումբ աշխատակիցներ, այլևս ի վիճակի չլինելով հանդուրժել իրենց աշխատավայրում տիրող բարքերը, մամուլում բաց նամակ էին տարածել` բարձրաձայներով երեխաների հանդեպ գործադրվող բռնությունների, ֆինանսական ապօրինությունների, ՊՈԱԿ-ի տնօրեն Գայանե Մարգարյանի՝ պաշտոնեական դիրքը չարաշահելու ու որոշ պաշտոնյաների հովանավորչությունից օգտվելու վերաբերյալ:

Ավելի ուշ, պետական մարմինների անտարբերությունից զայրացած, քաղաքացիական հասարակության ներկայացուցիչները դպրոցում տիրող ֆինանսական հանցագործությունների մասին հաղորդում ներկայացրեցին գլխավոր դատախազին:

Ի վերջո, Օմբուդսմենը հանդես եկավ հայտարարությամբ՝ իր հերթին ներկայացնելով դպրոցում տիրող անմխիթար վիճակը։ Ընդ որում, տարածված հայտարարության մեջ ոչ միայն խոսվում էր ֆինանսական չարաշահումների, այլ նաեւ՝ երեխաների նկատմամբ կիրառված բռնությունների մասին։

«Բյուրեղավանի գիշերօթիկ հաստատությունում դաստիարակները, որպես պատժի միջոց, երեխաներին ստիպում են կանգնած վիճակում մասնակցել դասապրոցեսին: Կիսաբաց դռնից հետևելով պարապմունքին՝ Օմբուդսմենի ներկայացուցիչներն ականատես են եղել, թե ինչպես է ուսուցիչը գրչով հարվածում աշակերտներից մեկի մատներին և անվայել արտահայտություններով դիմում նրան: Երեխաները վախենում են տնօրինությունից և միմյանց հետ ունեցած ընդհարումների դեպքում չեն դիմում նրանց: Բայացահայտվել են նաև սննդի պահման պայմանների խախտումներ»,- նշվում է ՄԻՊ-ի՝ ապրիլի 29-ին տարածած հայտարարության մեջ:

Նույն օրը հայտնի դարձավ, որ ոստիկանությունը հարուցել է քրեական գործ՝ բայց միայն ֆինասնական չարաշահումների մասով՝ ՀՀ քրեական օրենսգրքի 179-րդ հոդվածով։ Իսկ երկու օր հետո էլ վարչապետն այցելեց դպրոց։

Իհարկե, ասել, թե պատկան կառույցները մինչ այդ ոչ մի բան չէին արել, ճիշտ չի լինի: Իհարկե, արել էին: Ինքը` աշխատանքի և սոցիալական հարցերի փոխնախարարն էր այցելել դպրոց: Այլ հարց է, որ այնտեղ ոչինչ չէր տեսել: Չէր տեսել, որ տնօրենը 30 մեռած հոգի է գրացնել ու նրանց փոխարեն աշխատավարձ է ստանում, իսկ աշխատակիցները ստիպված են մի քանի հոգու աշխատանք կատարել, չէր տեսել, որ երեխաները թերսնվում են, իսկ տնօրենի որդին պետական գումարով դպրոցի համար գնված ավտոմեքենա է վարում, էլ չասենք, որ չէր տեսել, թե ինչ խոշտանգումների են ենթարկվում երեխաները:

Եվ դարձյալ հանուն ճշմարտության ասենք, որ վարչապետի այցից հետո ձեռնարկվեցին մի քանի կոշտ քայլեր. Ֆիլարետ Բերիկյանը, իր վատ տեսողության համար, իհարկե շատ խիստ պատժվեց` նկատողություն ստացավ: Գիշերօթիկ դպրոցի տնօրեն Գայանե Մարգարյանն էլ պատժվեց` աշխատանքից ազատվելով:

Եվ վերջ: Այսքանով ամեն ինչ ավարտվեց, գնդակը հիմա իրավապահների դաշտում է։ Իհարկե քրեական գործով նախաքննությունն ընթանում է, սա էլ՝ թերևս հասարակական կառույցների աչքին թոզ փչելու համար:

Եվ ինչպես հաճախ է լինում՝ աղմուկով հարուցեցին, ամիսներ շարունակ կքննեն ու հետո էլ սուս ու փուս կկարճեն:

Կարևորն այն է, որ հանրության հիշողության մեջ վառ տպավորվեց, թե տնօրենին աշխատանքից ազատելը եւ վերջինիս պաշտպանող փոխնախարարին նկատողություն հայտարարելը։

Իսկ թե որքանով իսկապես կպատժվեն իրական մեղավորները, կամ ինչպես կվայելեն երեխաներից ու պետությունից գողացված գումարները, դա արդեն PR ակցիայի շրջանակներից դուրս է և կարգավորվում է բոլորովին այլ` ոչ իրավական և ոչ հրապարակային հարթության վրա:

Հեղինակ՝ Նելլի Դանիելյան