Վ.Պետրոսյանի փաստաբան. «Ավտոմեքենաների առաջին կոնտակտը եղել է բանուկ մասում» - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/26/2024 23:46 Վեց հոգուց բաղկացած ընտանիքը այրվել է հարսանիքի ժամանակ 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ»

Վ.Պետրոսյանի փաստաբան. «Ավտոմեքենաների առաջին կոնտակտը եղել է բանուկ մասում» 12/09/2013 18:05 | ՀՐԱՏԱՊ ԹԵՄԱ

«ՆԻՎԱ» մակնիշի ավտոմեքենայի հետ Վարդան Պետրոսյանի մեքենայի բախումը տեղի է ունեցել հողածածկ գոտում, այսինքն՝ երթևեկելի մասից դուրս»,-«Փաստինֆո»-ի հետ զրույցում այսօր հայտարարել էր տուժող կողմի ներկայացուցիչ, փաստաբան Ռուբեն Բալոյանը:

Վարդան Պետրոսյանի փաստաբանն էլ այս նույն հարցի շուրջ տրամագծորեն տարբեր տեսակետ հայտնեց. «Երկու ավտոմեքենաների առաջին կոնտակտը եղել է բանուկ մասում, այնտեղ, որտեղ թափված է BMW ավտոմեքենայի յուղը»:

Մի հարցում, սակայն, երկու փաստաբանները համակարծիք են. Ասֆալտի վրա քերծված հետքն առաջացել է «ՆԻՎԱ» մակնիշի ավտոմեքենայի հետևի հատվածի գետնին քսվելու հետևանքով:

«Այդ հետքը վկայում է այն մասին, որ երկու ավտոմեքենաների իրարից բաժանվելուց հետո «ՆԻՎԱ» ավտոմեքենան ճանապարհի բանուկ մասի վրա թողել է քերծվածքի հետք, կարող եմ ասել նաև, որ գետնին քսվել է ավտոմեքենայի խլացուցիչը: Հետքը թողնվել է առաջին կոնտակտից հետո»,- «Փաստինֆո»-ի հետ զրույցում նշեց Նիկոլայ Բաղդասարյանը:

«Եթե վթարը եղել է կողնակի վրա, ինչո՞ւ պիտի վթարից առաջ բանուկ մասում թափված լինեին BMW-ի յուղն ու «ՆԻՎԱ»-ի ապակիները»,- իր հերթին հարցադրում արեց Վ.Պետրոսյանի փաստաբանը:

Նա նաև անդրադարձավ վթարի պահին Վարդան Պետրոսյանի` ալկոհոլի ազդեցության տակ լինելու մասին հայտարարություններին:

«Որպես կանոն՝ չկա այդպիսի գործ, որտեղ անկախ ամեն ինչից կողմերն իրար չմեղադրեն՝ ալկոհոլի ազդեցության տակ լինելու մեջ: Բայց կա խմած լինելու հանգամանքը ստուգելու կառավարության որոշում, որի համաձայն պետք է ստուգվեր խմածության փաստը: Ստուգումը կատարվել է, արդյունքներն առկա են»,- նշեց Նիկոլայ Բաղդասարյանը:

Նրա խոսքով՝ խմածության ստուգում է կատարվել վթարից հետո, Նաիրիի հիվանդանոցում` քննիչի որոշման հիման վրա:

«Էրեբունի բժշկական կենտրոնում մենք ունենք գրավոր ապացույց, որ խմածության ստուգում չի կատարվել: Էրեբունի բժշկական կենտրոնից ունեմ նաև գրավոր պատասխան, որ Էրեբունի ԲԿ-ն ընդհանրապես խմածության ստուգում կատարելու լիազորություն չունի: Եթե այդ մարդը խմած էր, առաջին հերթին Բալոյանը պետք է միջնորդի, որ քննիչին պատասխանատվության ենթարկեն, որ կեղծ ակտ է կազմել բժիշկների եզրակացության հիման վրա, որ Վ.Պետրոսյանը գտնվել է սթափ վիճակում:

Այս պարագայում քննիչն ակնհայտ ապօրինություն է թույլ տվել, եթե տեսնելով, որ Վարդան Պետրոսյանը խմած է և ստանալով սթափ լինելու մասին եզրակացություն՝ սանկցիայի չի ենթարկել փորձագետին:

Կամ ինչո՞ւ մեզի կամ արյան փորձաքննությունը նշանակում է շատ ուշ, որ պատասխանը գալիս է, թե ալկոհոլի քանակությունը չի կարող հայտնաբերվել, քանի որ ժամանակն անցել է»,- մեզ հետ զրույցում ասաց վթարի ենթրկված դերասանի փաստաբանը:

Ապա նաև հավելեց. «Կառավարության որոշման համաձայն՝ մարդու խմածության փաստը կարող է ստուգվել միայն օդի միջոցով, արյան և մեզի: Այլ միջոցներով, բանավոր, ինչ-որ վկաներ եթե հայտնվեն, (որովհետև դառը փորձ ունենք ապօրինությունների) որ ասեն, թե՝ այո, մենք տեսել ենք, որ Վարդանը խմած է եղել, դա օրենքով թույլատրելի չէ, հետևաբար, նման ապօրինիությունների, եթե անգամ նախաքննական մարմինը գնա, միևնույն է՝ դա ոչ մի իրավական ուժ չի ունենալու»:

Նիկոլայ Բաղդասարյանը նաև անդրադարձավ վերջին շրջանում շահարկման առարկա դարձած երկու կողմերի միջև հանդիպման մասին իր առաջարկին:

«Երբ մենք ասում ենք քննարկման նյութ դարձնել տուժող կողմի հետ, մեր խնդիրը կայանում է նրանում, որ ուզում ենք տուժող կողմի հետ պարզել օբյեկտիվ ճշմարտությունը, թե երկու վարորդներից ով է թույլ տվել խախտում: Օրինակ, իրականում «ՆԻՎԱ» մակնիշի ավտոմեքենան հետընթաց կատարել է, թե՝ ոչ: Սա է մեր հանդիպման առաջարկ անելու հիմնական նպատակը, այլ ոչ թե հանդիպենք, որոշենք, ով է մեղավոր: Դրա համար գործում է դատարանը:

Փաստաբանները կարող են միայն լուծում տալ, և ոչ թե մեղքի հարցը քննարկել: Մեր ասածը դա է. երկու փաստաբաններով նստենք, լիազորվենք յուրաքանչուրս մեր վստահորդի կողմից՝ օբյեկտիվ ճշմարտությունը պարզելու: Եթե ուզում ենք, ապա ես կառաջարկեմ այն փորձագիտական կենտրոնները, որոնք տեխնիկական հնարավորություն ունեն մոդելավորման միջոցով պարզելու վթարի հանգամանքները:

Տեղեկատվական տեխնոլոգիաները հնարավորություն են տալիս, մեքենաների վնասվածքները և դեպքի վայրի զննության արձանագրությունն ունենալով՝ պարզել, թե իրականում վթարն ինչպես է եղել: Իրենք թող ընտրեն այդ կենտրոնը, մենք էլ կվճարենք: Սա է քննարկման առարկան և ոչ թե՝ ներողություն խնդրելը, կամ մեղավոր ճանաչելու հարցը»,-ասաց փաստաբանը:

Ի դեպ, Նիկոլայ Բաղդասարյանը նաև տեղեկացրեց, որ ՄԻՊ-ը դիմել է ՀՔԾ-ին, որպեսզի քննիչի նկատմամբ նյութեր նախապատրաստվեն պաշտոնեական դիրքի չարաշահման հարցով:

Հիշեցնենք, նոյեմբերի 12-ին Վարդան Պետրոսյանի շահերի պաշտպան Նիկոլայ Բաղդասարյանը դիմել էր ՀՀ Ոստիկանապետին` ոստիկանության ծառայողի էթիկայի կանոնները խախտելու համար քննիչ Հայկ Հակոբյանին կարգապահական պատասխանատվության ենթարկելու պահանջով:

Քննիչ Հայկ Հակոբյանի գործողություններն ուսումնասիրվել էին ՀՀ Ոստիկանության քննչական գլխավոր վարչությունում, և նրա գործողություններում խախտում չէր հայտնաբերվել:

Հեղինակ՝ Նելլի Դանիելյան