ԲՈԼՈՐ ՆՅՈՒԹԵՐԸ
«Փայտը մտցնելու եմ որովայնիդ մեջ, երեխայիդ հանեմ» 04/08/2013 11:09 | ԳՈՐԾ #
Մարդ էլ ամուսնանա, հետո կնոջ հղիանալու ու հղիությունը պահպանելու համար նրան ծեծի ու նույնիսկ խոշտանգի՞…
Տուժող Նունե Ալեքսանյանի ցուցմունքի համաձայն` ամուսինը` Ավետիս Ավետիսյանը, տեղյակ լինելով, որ ինքը հղի է, իրեն ծեծելիս հարվածները միտումնավոր ուղղել է հատկապես իր որովայնի շրջանին…
Երևանի Էրեբունի և Նուբարաշեն վարչական շրջանների ընդհանուր իրավասության դատարանի (նախագահող դատավոր` Ա. Գաբրիելյան) 2012թ. դեկտեմբերի 20-ի դատավճռից տեղեկանում ենք, թե նորահարսը` Երևանի բնակչուհի Նունե Ալեքսանյանը, ընտանեկան դժոխքի ինչ պարունակների միջով է անցել: Դատավճիռը նաև հասկանալի դարձնում, որ այդ ամենի և ընտանիքի քայքայման պատճառը շատերի տունը քանդած ալկոհոլի չարաշահումն է եղել: Առնվազն` մեծապես նպաստել է Ն. Ալեքսանյանի նկատմամբ շարունակական բռնությանը:
Վերջինիս ցուցմունքի համաձայն` 2008թ. օգոստոսի 13-ին կայացած իրենց ամուսնությունից մոտ 3 ամիս անց ամուսինը սկսել է հաճախակի օգտագործել ոգելից խմիչք, և գտնվելով ալկոհոլի ազդեցության տակ, իրեն պարբերաբար ծեծել է։ Իր ցանկացած ասածը և գործողություններն ամուսինը անհիմն քննադատել ու սխալ է համարել, յուրաքանչյուր չնչին առիթ օգտագործել է իրեն դաժանաբար ծեծելու համար։ Իրենց համատեղ ամուսնական կյանքի ընթացքում նման դեպքեր շատ են եղել, և յուրաքանչյուր դեպք կրել է իրեն նվաստացնելու և իր մարդկային արժանապատվությունը ստորացնելու բնույթ։ Ամուսինն իր հետ վարվել է ոչ մարդկային ձևով, ամեն անգամ ձեռքերով և ոտքերով, ինչպես նաև ձեռքի տակ ընկած կենցաղային տարբեր առարկաներով հարվածել է իրեն, որի ընթացքում հաճախակի ստացել է մարմնական վնասվածքներ։
Խոշտանգված կինը պատմել է, որ ամուսնու բոլոր դաժանությունները ստիպված կուլ է տվել, մտածելով, որ ամուսնացել են, մի օր կուղղվի։ Ավետիսը օգտագործել է այն փաստը, որ ինքն ավանդապաշտ ընտանիքից է, ուստի մայրն իրեն հետ չի ընդունի տուն, հետևաբար իր նկատմամբ ինչպես էլ վարվի, ինքը չի հեռանա տանից։ Երբ ինքը գտնվել է հղի վիճակում, 2008թ. դեկտեմբերին ամուսինը ծանր մուրճի բռնակով և տարբեր այլ առարկաներով, ինչպես նաև ձեռքերով ու ոտքերով հարվածել է իր գլխին ու մեջքին` նպատակ ունենալով ընդհատել հղիությունը, ինչի հետևանքով 2008թ. դեկտեմբերին իր մոտ տեղի է ունեցել հղիության ընդհատում։ Նույնը կրկնվել է 2010թ., երբ ինքը կրկին Ավետիսից հղիացել է: Վերջինս ալկոհոլի ազդեցության տակ կրկին ծեծել է իրեն` հարվածելով իր մարմնի տարբեր մասերին, ինչի հետևանքով ինքը փախել է Ավետիսի տնից, գնացել է նույն բակում գտնվող վերջինիս որդի Արթուրի տուն և նրանից օգնություն խնդրել։ Արթուրն անմիջապես եկել է հոր տուն ու նախատել նրան խմելու համար։ Երբ Արթուրի օգնությամբ փորձել է տաքսով հեռանալ տանից, Ավետիսը որդու ներկայությամբ բռունցքով հարվածել է իր դեմքին, որից ինքը վնասվածքներ է ստացել և հեռացել ամուսնու տանից։
Դատաքննությամբ ու գործի տվյալներով դատարանը պարզել է, որ 1958թ. ծնված Ա.Ավետիսյանը համատեղ ամուսնության ընթացքում չարաշահել է ալկոհոլը, հաճախակի հարբել ու կնոջ կողմից հղիությունն իր ցանկությանը հակառակ պահպանելու համար, ինչպես նաև կենցաղային հարցերի շուրջ 2008թ. հոկտեմբերից մինչև 2011թ. մայիսի կեսերը բազմիցս ծեծելու և բռնի գործողություններ կատարելու միջոցով խոշտանգել է իրենից ամուսնական կախվածության մեջ գտնվող Նունե Ալեքսանյանին: Մասնավորապես` ձեռքերով և ոտքերով, ինչպես նաև տարբեր կենցաղային առարկաներով պարբերաբար ծեծել է ակնհայտ հղի վիճակում գտնվող կնոջը` նրան բազմիցս պատճառելով ուժեղ ֆիզիկական ցավ, մարմնական և հոգեկան տառապանքներ։
2008թ. կնոջ նկատմամբ գործադրած ու վերը ներկայացված բռնությունից բացի, Ա. Ավետիսյանը 2011թ. ապրիլյան մի օր գտնվելով ալկոհոլի ազդեցության տակ, հատակը մաքրելու համար նախատեսված փայտով և այլ առարկաներով հարվածել է շուրջ 25 շաբաթական ակնհայտ հղի վիճակում գտնվող կնոջ որովայնին: Բացի այդ, Ավետիս Ավետիսյանը Նունե Ալեքսանյանին դեմքի շրջանում պատճառել է մարմնական վնասվածքներ, և «երեխադ չի ծնվելու», «փայտը մտցնելու եմ որովայնիդ մեջ, երեխայիդ հանեմ» և նման արտահայտություններով սպառնացել է ընդհատել կնոջ հղիությունը: Ծեծի ընթացքում Ն.Ալեքսանյանը փախել է տնից, գնացել ամուսնու ազգական Լուսինե Սերոբյանի տուն, գիշերել այնտեղ, սակայն ամուսնու խնդրանքով հաջորդ օրը վերադարձել նրա տուն:
Դրանից շուրջ երկու օր անց` 2011թ. ապրիլի կեսերին, դարձյալ գտնվելով հարբած վիճակում, Ա.Ավետիսյանը ձեռքերով, ոտքերով, տարբեր առարկաներով հարվածել է հղի վիճակում գտնվող Ն.Ալեքսանյանին, դեմքի շրջանում պատճառել մարմնական վնասվածքներ, որի ընթացքում Ն.Ալեքսանյանը փախել է տնից, գնացել մոր ընկերուհու` Մարիամ Կեխեյանի տուն, գիշերել այնտեղ, իսկ հաջորդ օրը գնացել է իր կնքամոր` Սուսաննա Ջիլավյանի տուն, շուրջ մեկ շաբաթ բնակվել է այնտեղ, որից հետո դարձյալ ամուսնու պահանջով ու խնդրանքով վերադարձել է ամուսնու տուն։
2011թ. ապրիլի 23-ին գտնվելով ալկոհոլի ազդեցության տակ, Ա.Ավետիսյանը տարբեր առարկաներով հարվածներ է հասցրել շուրջ 35 շաբաթական հղիություն ունեցող կնոջ որովայնին և մարմնի տարբեր մասերին, որովայնի շրջանում պատճառել մարմնական վնասվածքներ, որից հետո վերջինիս մոտ սկսվել են նախածննդաբերական ցավեր, իսկ երկու օր անց «Էրեբունի›› ԲԿ-ում վաղաժամ ծննդաբերել է:
Ծննդաբերությունից հետո Ն.Ալեքսանյանը շարունակել է բնակվել ամուսնու հետ, նրա տանը։ 2011թ. մայիսի կեսերին Ա.Ավետիսյանը, գտնվելով ալկոհոլի ազդեցության տակ, կնոջից պահանջել է իր օգտագործման համար օղի լցնել, Ն.Ալեքսանյանը հրաժարվել է` պատճառաբանելով, որ երեխան լացում է։ Այդ կապակցությամբ Ա.Ավետիսյանը բռունցքով երկու անգամ հարվածել է Ն.Ալեքսանյանի գլխին` պատճառելով ուժեղ ցավ, ծխախոտի տուփը նետել է նորածնի ուղղությամբ, որից հետո Ն.Ալեքսանյանը վերջնականապես հեռացել է ամուսնուց և տեղափոխվել հայրական տուն։
Դատավճռի համաձայն` Ա.Ավետիսյանը բռնություններ է կիրառել նաև իր ազգականների նկատմամբ: Մասնավորապես, 2011թ. օգոստոսի 1-ին` ժամը 15:00-ի սահմաններում, խմած կենցաղային հարցերի շուրջ վիճաբանության մեջ է մտել իր իսկ հորաքրոջ` Ազնիվ Սերոբյանի և նրա ամուսին Վահան Չախալովի հետ: Այդ ընթացքում դիտավորությամբ ձեռքերվ հարվածներ է հասցրել Ա. Սերոբյանի գլխին, ճանկռել այտը, այնուհետև ձեռքերով հարվածներ է հասցրել Վ. Չախալովի գլխին և մեջքին, ինչի հետևանքով Ա. Սերոբյանին դեմքի շրջանի քերծվածքների ձևով պատճառել է առողջության թեթև վնասի հատկանիշներ չպարունակող վնասվածքներ, իսկ Վահան Չախալովին` ձախ թիակային շրջանի քերծվածքի, արյունազեղման ձևով պատճառել առողջության թեթև վնասի հատկանիշներ չպարունակող վնասվածքներ։
Ամբաստանյալ Ավետիս Ավետիսյանը դատաքննության ընթացքում իրեն մեղավոր չի ճանաչել ՀՀ քրեական օրենսգրքի 119-րդ հոդվածի («Խոշտանգումը») 2-րդ մասի 3-րդ և 4-րդ կետերով և 118-րդ հոդվածով («Ծեծը») առաջադրված մեղադրանքում, և կնոջ հայտնածները հերքող այլաբովանդակ ցուցմունք է տվել: Սակայն դատարանն ամբաստանյալի պատճառաբանությունները որակելով անհիմն և մտածացին, համարել է, որ դրանք նպատակ են հետապնդում խուսափել քրեական պատասխանատվությունից ու պատժից:
Նշենք, որ ՀՀ առողջապահության նախարարության հանրապետական դատական բժշկության գիտագործնական կենտրոնի կողմից տրված դատաբժշկական փորձաքննության եզրակացությունները ևս հաստատվել են կնոջ նկատմամբ իրականացված խոշտանգումները: Դատարանն ապացուցված համարելով Ավետիս Ավետիսյանի կատարած արարքները, մեղքը, նրան դատապարտել է ազատազրկման 3 տարի ժամկետով և տուգանքով` նվազագույն աշխատավարձի հիսունապատիկի` 50 000 դրամի չափով։
Տեղեկացնենք նաև, որ ՀՀ վերաքննիչ քրեական դատարանը (նախագահող դատավոր` Ա. Պետրոսյան, դատավորներ` Ս. Համբարձումյան, Մ. Պետրոսյան) 2013թ. փետրվարի 23-ի որոշմամբ մերժել է ամբաստանյալի վերաքննիչ բողոքը և առաջին ատյանի դատարանի վերոհիշյալ դատավճիռը թողել օրինական ուժի մեջ:
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/26/2024 08:28 Հենրիխ Մխիթարյանին շնորհավորեցին բոլորը` բացի ՀՖՖ-ից․ «Ժողովուրդ»
- 04/26/2024 08:23 Գյուղից հետևում են դիրքերի քանդմանը․ «Հրապարակ»
- 04/26/2024 08:20 Համատեղ պայքարի պլան դեռ չկա․ «Հրապարակ»
- 04/26/2024 08:18 ԿԳՄՍՆ-ում փոփոխություններ են նախապատրաստվում ․ լուծարվելու է Սփյուռքի բաժինը․«Հրապարակ»
- 04/26/2024 08:13 Իշխանական թիմում էլ են սարսափում ադրբեջանցի «փախստականների» վերադարձի հեռանկարից․ Հրապարակ»
- 04/26/2024 07:53 Աննա Հակոբյանը քաղաքական նպատակով էր Գյումրիում. աճել է իշխանության հանդեպ անվստահությունը, թեմի առաջնորդը «վտանգ» է համարվում․ «Ժողովուրդ»
- 04/26/2024 07:40 Սասուն Խաչատրյանին չեն նեղացնի. ՔՊ-ն հանդիպելու է ՍԴ-ի իր «սրտի» թեկնածուի հետ․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/26/2024 10:53 2 ռուս կանայք հաղորդում են տվել ոստիկանություն, որ «Հաղթանակ» զբոսայգու տնօրենը հարվածել է իրենց, թքել իրենցից մեկի դեմքին. shamshyan.com
- 04/26/2024 10:33 Ավստրալիայի Լիբերալ կուսակցությունը երկրի ընդդիմության առաջնորդին կոչ է արել ճանաչել Հայոց ցեղասպանությունը
- 04/26/2024 10:23 Հրդեհ Գառնի գյուղում
- 04/25/2024 22:46 Թումանյան փողոցում գտնվող ռեստորաններից մեկի ծխատարում հրդեհ է բռնկվել
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ