Փաստ ինֆո

Ես վստահ եմ, որ արդեն համոզված եք, որ 3 մլն վարչապետները չեք։ Արմավիրում բնակիչների հետ հանդիպմանն ասել է Աժ «Հայաստան» խմբակցության պատգամավոր Աղվան Վարդանյանը։

«2 տարի առաջ , երբ նման հանդիպումներ էինք անում առավելագույը 50 կամ 40 մարդ էր լինում դահլիճում հիմա 150 մարդ եմ տեսնում , ոչ բոլորն են, իհարկե, Արմավիրից, բայց ուրեմն բան փոխվել է և դուք դա տեսնում եք, զգում եք», - նշել է Ա. Վարդանյանը՝ կարեւորելով հասկանալը, թե ում հետ գործ ունենք, ո՞վ է մեր այսօրվա իշխանությունը։

«Վստահ եմ, որ արդեն համոզված եք, որ 3 մլն վարչապետները չեք , բայց այդպես եք սկսել չէ՞, հիմա հիշե՛ք, ձեր համայնքում նաեւ այն մարդկանց, ովքեր իշխանության են այսօր ու ովքեր էին 6 տարի առաջ ու ինչ էին անում։ Մենք գործ ունենք, առաջին դեմքից սկսած, խայտառակ , արժանապատվություն չունեցող, փողի համար ամեն ինչի գնացող վախկոտ , ուրիշների առաջ գլուխ ծռող մեկի հետ։ Դուք ուզո՞ւմ եք էտպիսի մեկին ղեկավար ունենալ»,- ասել է Աղվան Վարդանյանն ու մի դրվագ պատմել Նիկոլ Փաշինյանի բանտային կյանքից։

«Ո՞ր թվականն էր չեմ հիշում՝ 2010, թե 2011, երբ որ էս տղան (Նիկոլ Փաշինյանը- խմբ) Կոշի բանտում նստած էր, մեկից հեռախոս ա ուզում, որ զանգի ընտանիքին ու հետո քսիֆ ա գրում բանտապետին , թե էս ինչի մոտ հեռախոս կա։ Բնականաբար, գաղութի տղեքը մի թեթև ծեծում են»,- նշել է Աղվան Վարդանյանն ու ավելացրել, որ փաստաբան Զարուհի Փոստանջյանը գիշերվա կեսին գնացել է քրեակատարողական հիմնարկ։

«Նա է պատմել, որ նման վախկոտ մարդ չի տեսել, ասում է . «սաղ գիշեր ձեռքս բռնել ա,թե հանկարծ չգնաս, հանկարծ չգնաս»։ Սաղ գիշեր տերևի պես դողացել ա»,- փաստաբանի խոսքերը վկայակոչելով ասել է պատգամավորը։

Ըստ նրա՝ Իրանց ամբողջ թիմի բացարձակ մեծամասնությունն այդպիսինն է։ «Բայց Դուք հիշո՞ւմ եք չէ՞ այդ մարդիկ ի՞նչ են բերել ձեր գլխին, առաջին հերթին, էս երկրի գլխին, մեր զոհերի գլխին։ Հիմա շատերս մեր գործով ընկած մոռանում ենք, թե ոնց էին զոհվածների մայրերին քարշ տալիս ասֆալտի վրա։ Բայց ես չեմ մոռացել չէ՞, դուք չեք մոռացել չէ՞, վստա՛հ եմ հարյուր-հազարավոր մարդիկ չեն մոռացել։ Իրանք ուրիշ բանի ընդունակ չեն»,- ընդգծել է Վարդանյանը։

Մանրամասները՝ տեսանյութում

Աղբյուր` Փաստինֆո