Փաստ ինֆո

Նիհարելու գործընթացում կարևոր է ոչ միայն ազատվել ավելորդ քաշից, այլև դա անել ճիշտ՝ առանց առողջությանը վնաս պատճառելու։ Սննդաբան Մարիանա Ջուտովան փետրվարի 1-ին «Իզվեստիա»-ին պատմել է այն մասին, թե նիհարելու ժամանակ ինչ սխալները կարող են հանգեցնել սարսափելի հետևանքների:

Ըստ սննդաբանի, սխալներից առաջինը չափազանց արագ քաշի կորուստ է։ Քաշի հանկարծակի կորստով (մարմնի սկզբնական քաշի մոտ 10%-ը) մարդը կորցնում է ոչ միայն մարմնի ճարպը, այլև մկանային զանգվածը։ Իսկ մկաններն օրգանիզմում կալորիաների հիմնական սպառողն են, ուստի դրանց կրճատումը սպառնում է մի տեսակ հետ վերադարձ նախկին թվերին: Մարդը կարող է զուսպ սնվել, բայց ապագայում քաշը միայն կավելանա, և դա պայմանավորված է մկանային զանգվածի կորստով։

«Բացի այդ, մարմնի կառուցվածքը փոխվում է. այն դառնում է ավելի քիչ առաձգական: Քաշի ոչ պատշաճ կորուստը սպառնում է ոչ միայն էսթետիկ հետևանքներով, այլև ներքին օրգանների իջեցումով՝ բավարար մկանային զանգվածի բացակայության պատճառով»,- զգուշացրել է սննդաբանը։

Դրան գումարած՝ ճարպային զանգվածի նվազման պատճառով օրգանիզմում ֆիլտրացիա իրականացնող հիմնական օրգանները՝ լյարդն ու երիկամները, սկսում են աշխատել ավելի ծանրաբեռնված։

«Ոչ պատշաճ քաշի կորստի հետևանքները կանխելու համար վերահսկեք գործընթացի արագությունը: Անհրաժեշտ է աստիճանաբար նիհարել՝ ամսական մեկնարկային արժեքների 3-ից 5%-ը՝ ինքնուրույն նիհարելիս և մինչև 5-7%-ը՝ բժշկի հսկողության ներքո գիրություն բուժելիս: Մասնագետները խորհուրդ են տալիս ձեր քաշը կարգավորել շաբաթական 500 մգ ճարպային զանգվածով կամ ամսական 2,5 կգ-ով»,- խորհուրդ է տվել Ջուտովան։

Բացի այդ, նա ասում է, որ պետք է խուսափել սննդի խիստ սահմանափակումներից, ինչպես, օրինակ, շատ փոքր չափաբաժիններով ուտելուց կամ ծոմ պահելուց:

«Մեր աղեստամոքսային տրակտը ստեղծված է սննդի բավարար քանակություն մարսելու համար: Օրինակ, ըստ «երկու ձեռքերը իրար միացրած = մեկ ճաշի չափաբաժին» կանոնի համաձայն, սա կնոջ համար 400–500 գ սնունդ է, իսկ տղամարդու համար՝ 500–600 գ։ Եթե մարդը սնունդ է ընդունում փոքր չափաբաժիններով՝ 200-300 գ, ապա նրա աղեստամոքսային տրակտի աշխատանքը վատանում է. խնդիրներ են առաջանում սննդի մարսման, լեղու արտահոսքի և արտաթորման հետ կապված:

Սննդի համակարգված սահմանափակումները հանգեցնում են վիտամինների և հանքանյութերի դեֆիցիտի, ինչպես նաև մարսողության գործընթացի վատթարացման՝ զգուշացրել է մասնագետը։

Վտանգ են ներկայացնում նաև մոնո-դիետաները՝ դիետա, որը հիմնված է մեկ կամ միայն մի քանի թույլատրելի սննդի վրա: Հանրաճանաչ մոնոդիետաները ներառում են խնձորի կամ կեֆիրի դիետաները:

Նման սննդային ծրագրերի վտանգը, ըստ բժշկի, կայանում է նրանում, որ մարդը չի ստանում անհրաժեշտ քանակությամբ սննդանյութեր, ինչը հետագայում կարող է սպառնալ  դեֆիցիտ առաջացնել օրգանիզմում։ Մարմինը պետք է ստանա տարբեր տեսակի սպիտակուցներ, ճարպեր, ածխաջրեր և մանրաթելեր։

Աղբյուր` Փաստինֆո