Փաստ ինֆո

Հայաստանի ֆուտբոլի ֆեդերացիան նախորդ չորս տարիներից դրսից ստացել է 70 միլիոն դոլար, սակայն հասկանալի չէ, թե ինչի վրա են ծախսել։ Այդ մասին այսօր հրավիրված ասուլիսում ասաց ֆուտբոլի Հայաստանի Պրեմիեր լիգայի առաջատար Երևանի «Փյունիկի» նախագահ Արթուր Սողոմոնյանը։

«Բոլորս տեսել ենք, թե ինչ է արվել այս չորս տարիներին։ Ոչ մի լուրջ ֆուտբոլային կառույց չի շահագործվել։ Նախորդ ղեկավարության կողմից 70-80 տոկոս կառուցած Արմավիրի, Աբովյանի և Վանաձորի մարզադաշտերի շահագործումը ոչնչի մասին է, քանի որ նոր ստադիոն կառուցելը 5-6 միլիոն դոլար է։ Այս ընթացքում մենք պետք է ունեայինք առնվազն մեկ-երկու նոր ստադիոն։ Ես կոռուպցիայի մասին չեմ խոսի, դա իրավական տերմին է, բայց իրավապահ մարմինները պետք է զբաղվեն սրանով և պարզեն թե ինչ է կատարվում։

Նրանք դեռ Հայաստանի բյուջեից են փող ուզում։ Անցած տարի հայտարարեցին, որ բյուջեից 5 միլիարդ դրամ են ստանալու։ Բայց ՀՖՖ-ի ղեկավարությունը միջոցներն օգտագործում է սեփական իշխանությունն ամրապնդելու համար։ Ընտրությունից առաջ տարբեր ակումբների խոստանում են խաղադաշտերի կառուցում, արտոնություններ, խախտումների վրա աչք փակել»,- նշեց նա։

Սողոմոնյանի դիտարկմամբ՝ դաշտերը, որոնք Հայաստանի ֆուտբոլի ֆեդերացիան կառուցում է մանկապատանեկան ֆուտբոլի զարգացման համար, իրականում այլ բանի համար են՝ սպանելու։ «Բերդավանում մենք մասնաճյուղ ունենք, որտեղ ՀՖՖ-ն ֆուտբոլի դաշտ է կառուցել և վերջինիս թույլտվաությամբ մենք այնտեղ մի մարզում անցկացրեցինք, բայց ստացանք երկու վնասվածք։ Ֆուտբոլի դաշտերը կառուցվել են բետոնին, որի վրա արհեստական խոտածածկույթ է փռած, բացակայում է նաև ռեզինի միջնաշերտը և երեխան, երբ խաղի ժամանակ ընկնում է այդ բետոնին, վնասվածք է ստանում»։

Նշենք, որ ՀՖՖ նախագահի հերթական ընտրությունը տեղի կունենան դեկտեմբերի 23-ն։ Պաշտոնին հավակնում են Հայաստանի հավաքականի նախկին ֆուտբոլիստ Արաս Օզբիլիսը և ՀՖՖ գործող նախագահ Արմեն Մելիքբեկյանը։

Աղբյուր` Փաստինֆո