ԲՈԼՈՐ ՆՅՈՒԹԵՐԸ
«ՄՏՍ Հայաստան» ՓԲԸ 100 տոկոսը Կիպրոսում գրանցված ինչ-որ կասկածելի ընկերությանը վաճառելու գործարքում ոչ միայն փողերի լվացման հոտ է գալիս, այլև՝ ազգային անվտանգության խնդիրներ կան․ Ֆանյան 12/05/2023 20:14 | ԼՐԱՀՈՍ
![](https://www.pastinfo.am/news_images/561/1680379_1/46298_armine_fanyan_1_m.thumb.jpg)
«ՄՏՍ Հայաստան» փակ բաժնետիրական ընկերության բաժնետոմսերի 100 տոկոսը «Ֆեդիլքո Գրուպ Լիմիթիդ» ընկերությանը վաճառելու գործարքում ոչ միայն կոռուպցիոն ռիսկեր կան, այլև՝ ազգային անվտանգության։ Այս մասին «Փաստինֆո»-ի հետ զրույցում ասաց փաստաբան Արմինե Ֆանյանը։
Ինչպես արդեն տեղեկացրել ենք՝ «ՄՏՍ Հայաստան» փակ բաժնետիրական ընկերության բաժնետոմսերի 100 տոկոսը «Ֆեդիլքո Գրուպ Լիմիթիդ» ընկերությանը վաճառելու գործարքի վերաբերյալ փաստաբան Արմինե Ֆանյանը հանցագործության մասին հաղորդում էր ներկայացրել, Հակակոռուպցիոն կոմիտեն, սակայն, քրեական վարույթ չնախաձեռնելու որոշում է կայացրել՝ պատճառաբանելով, թե առերևույթ հանցագործության հատկանիշներ չեն հայտնաբերվել։ Մասնավորապես, «ՄՏՍ Հայաստան» փակ բաժնետիրական ընկերությունը 2023 թվականի հունվարի 26-ին ՀՀ հանրային ծառայությունները կարգավորող հանձնաժողով է ներկայացրել ընկերության նկատմամբ հսկողության փոխանցումը համաձայնեցնելու հայտ, որի համաձայն՝ «Ֆեդիլքո Գրուպ Լիմիթիդ» ընկերությունը ցանկանում է «ԱԼԼԵԳՐԵՏՏՈ ՀՈԼԴԻՆԳ» սահմանափակ պատասխանատվությամբ ընկերությունից ձեռք բերել վերջինիս պատկանող՝ ընկերության միակ բաժնետեր հանդիսացող «ԱՐԱՄԱՅՈ ԻՆՎԵՍԹՄԵՆԹՍ ԼԻՄԻԹԵԴ» ընկերության բաժնետոմսերի 100 տոկոսը: Հանրային ծառայությունները կարգավորող հանձնաժողովը, մոտ երեք ամիս ուսումնասիրությունից հետո գործարքի կնքմանը համաձայնություն տալը մերժել էր, քանի որ իրավասու մարմնի գնահատմամբ (Ազգային անվտանգության ծառայությունը) գործարքի կնքումը վնասում է կամ կարող է վնասել ազգային անվտանգությանը կամ պետական շահերին:
Սակայն 2023 թվականի նոյեմբերի 3-ին գրությամբ «ՄՏՍ Հայաստան» փակ բաժնետիրական ընկերությունը Հանձնաժողով է ներկայացրել ընկերության նկատմամբ հսկողության փոխանցումը համաձայնեցնելու նոր հայտ, որի համաձայն՝ «Ֆեդիլքո Գրուպ Լիմիթիդ» ընկերությունը կրկին ցանկանում է ձեռք բերել «ՄՏՍ Հայաստան» փակ բաժնետիրական ընկերության բաժնետոմսերի 100 տոկոսը: Նույն Հանրային ծառայությունները կարգավորող հանձնաժողովը նույն փաստական հանգամանքների պարագայում 2023 թվականի նոյեմբերի 15-ի թիվ 397Ա որոշմամբ համաձայնություն է տվել «ՄՏՍ Հայաստան» փակ բաժնետիրական ընկերության բաժնետոմսերի 100 տոկոսը «Ֆեդիլքո Գրուպ Լիմիթիդ» ընկերությանը վաճառելու գործարքի կնքմանը: Ասել է թե՝ ազգային անվտանգությանը սպառնացող վտանգը «վերացել» էր:
Ավելին, նշված կազմակերպությունը ոչ միայն փորձառություն չունի կապի ոլորտում, այլև՝ գրանցված է Կիպրոսում. իրական սեփականատերերի վերաբերյալ պաշտոնական աղբյուրներում որևէ տեղեկություն չկա: Կիպրոսի ընկերությունների գրանցման պետական ռեգիստրի համաձայն` «Ֆեդիլքո գրուպ լիմիթիդ»-ը (FEDILCO GROUP LIMITED) գրանցվել է 2022թ. ապրիլի 20-ին: Շրջանառվող լուրերի համաձայն էլ՝ նշված ընկերության սեփականատերը Ռոման Սեմյոխինը, Սերգեյ Կարշկովը և Դմիտրի Կազորինն են, որոնք հետախուզման մեջ են գտնվում։
Քրեական վարույթ չնախաձեռնելու որոշումը ստանալուն պես փաստաբան Արմինե Ֆանյանը պատրաստվում է բողոքարկել, այդ թվում՝ դատական կարգով։ Ֆանյանը «Փաստինֆո»-ի հետ զրույցում նկատեց՝ դատախազությունը պետք է հետամուտ լինի, որ քրեական վարույթ նախաձեռնվի, որովետև հաղորդման մեջ այնպիսի փաստեր են նշվել, որ, համենայն դեպս, այսօրվա գործող օրենսդրությամբ քրեական վարույթ նախաձեռնելու շեմը հաղթահարվում է։
«Ինչ իրավիճակ ունենք՝ Կիպրոսում գրանցված ինչ-որ կասկածելի ընկերություն ունենք, որի սեփականատերերն ընդհանրապես անհայտ են, ցանկանում են ձեռք բերել ՀՀ-ում գերիշխող դիրք ունեցող օպերատոր։ Մի դեպքում դիմում է, երեք ամիս ստուգում են, ԱԱԾ-ն բացասական եզրակացություն է տալիս, որովհետև ազգային անվտանգությանը սպառնալիք կարող է լինել այդ ընկերության կողմից օպերատորի ձեռքբերումը, որի հիման վրա Հանրային ծառայությունները կարգավորող հանձնաժողովը չի հաստատում կապի օպերատորի փոխանցումն այդ ընկերությանը։ Որոշ ժամանակ անց կրկին հայտ է ներկայացվում նույն ընկերության կողմից և մի քանի օրվա ընթացքում ԱԱԾ-ն այլևս որևէ առարկություն չի տեսնում, այսինքն՝ ազգային անվտանգության սպառնալիքն ինչ-որ հրաշքով վերացավ և Հանրային ծառայությունները կարգավորող հանձնաժողովն արդեն հաստատում է»,- նշեց Ֆանյանը՝ արձանագրելով, որ խնդիրներից մեկն այն է, որ ընկերությունն ընդհանրապես փորձառություն չունի կապի բնագավառում, որովհետև 2022թ․ ստեղված է, ընդհանրապես անհայտ է, թե մինչ այդ ինչով էր զբաղվում, մինչդեռ, ՀԾԿՀ-ն որոշում ունի, համաձայն որի՝ պարտադիր է, որ այն ընկերությունը, ոը պետք է գերիշխող դիրք զբաղեցնող օպրատոր է ձեռք բերում, փորձառություն ունի։ Բացի այդ, տեղեկություններ են շրջանառվում, որ ռուսական 1Xbet ընկերության սեփականատերերն են, որոնք միջազգային հետախուզման մեջ են։ Այս տեղեկությունները, Ֆանյանի դիտարկմամբ, պետք է ստուգվեին քրեական վարույթի շրջանակներում։
«Ինչ է նշանակում՝ առերևույթ հանցագործության հատկանիշներ չկան, բա էլ ինչ պետք է գրենք, որ հանցագործության հատկանիշներ լինի։ Համենայն դեպս՝ քրեական վարույթ նախաձեռնելու շեմն այս տեղեկություններով հաղթահարվում են, քննեիք, եթե կպարզեիք, որ որևէ անձի, որևէ պաշտոնատար անձի արարքում հանցակազմ չկա, ինչում ես կասկածում եմ, արդեն հանրային հաշվետվողականությամբ կասեիք՝ քննեցինք, պարզեցինք, որ ամեն ինչ նորմալ է»,- նշեց Ֆանյանն՝ ընդգծելով, որ փողերի լվացման հոտ է գալիս, բայց դա նվազագույնն է, որ անհանգստացնում է, առավել մտահոգիչ է՝ ազգային անվտանգության խնդիրը, կիսապատերազմական իրավիճակում գտնվող երկրում 2 մլն բաժանորդ ունեցող կապի օպերատորն ու՞մ են փոխանցում, չգիտեն էլ՝ ում են փոխանցում։ ՀԿԿ-ից փաստաբանին հայտնել են, որ օպերատիվ հանձնարարություններ են տվել, որ պարզեն, այժմ փաստաբանը չգիտի՝ կպարզեն, թե ոչ, նշում է՝ ցանկության դեպքում՝ կպարզեն, սակայն նկատում է, որ ՀԿԿ-ն առավել լայն գործիքակազմ կունենար քրեական վարույթի առկայության դեպքում։
Իսկ թե արդյո՞ք կասկածներ կան, որ սա իշխանությունների հովանավորչությամբ է իրականացվում, այդ պատճառով էլ վարույթ չի նախաձեռնվում՝ Ֆանյանը նշում է․ «Սա այնքան մասշտաբային հարց է, որ իմ կարծիքով էլ՝ այստղ բավականին բարձր հովանի կա, ես չեմ կարող ասել՝ իրականում ով կա այս ամենի հետևում կանգնած, թող քննությունը պարզի, դա ինձ քիչ է հուզում, բայց այն, որ բավականին լուրջ հարց է, ՀԾԿՀ-ում աշխատող գործավարի որոշում չէ, բնականաբար, սա բավականին լուրջ պաշտոն ստանձնող անձանց հովանի պետք է լինի, որ կարողանան նման գործարք կատարել, ընդ որում, այսպիսի խախտումներով։ Դա էլ է քննության առարկա»։ Փաստաբանի դիտարկմամբ՝ և՛ փողերի լվացման խնդիրներ կարող էր լինել, և՛ պաշտոնեական լիազորություններ չարաշահելու, գուցե ԱԱԾ համապատասխան ծառայողները կոռուպցիոն շահագրգռվածությամբ պայմանավորված դրական եզրակացություն են տվել, գուցե այլ անձանց արարքներում այլ հանցակազմեր կան՝ իշխանզանցության և այլն, որը պետք է քրեական վարույթի շրջանակներում պարզել և զարմանալի է, որ այս աղաղակող փաստերի ներքո քրեական վարույթ չի նախաձեռնվել։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
![](https://www.pastinfo.am/video_images/12/35380_1/f668804d9f1d6c_668804d9f1dac.jpg)
Տեսադարան
![](https://www.pastinfo.am/cache_image/album_main_images/1/6806/mhm0156502.thumb-270x158.jpg)
Մամուլ
- 07/26/2024 08:36 Փաշինյանը քայլեր է անում, որոնք քննադատում էր ընդդիմադիր եղած ժամանակ. «Հայկական ժամանակ»-ը պատկանում է վարչապետի զոքանչին. «Ժողովուրդ»
- 07/26/2024 08:31 Հսկողությունը հանձնվել է տեսչական մարմնին. «Հրապարակ»
- 07/26/2024 08:27 Տավուշը հանուն հայրենիքի» շարժումը նախընտրական արշա՞վ է սկսել. «Հրապարակ»
- 07/26/2024 08:19 Երկրում կուսակցաշինական բում է. նախընտրական շրջանի շունչ է զգացվում. «Հրապարակ»
- 07/26/2024 08:11 Կյանքը՝ Կիրանցում. 7 հոգի հրաժարվե՞լ է փոխհատուցումից. «Հրապարակ»
- 07/26/2024 08:05 Բուհերում թափուր տեղեր են մնացել, իսկ նախարարությունը արհեստական Ակադեմիական քաղաքի ծրագիրն է առաջ տանում. «Ժողովուրդ»
- 07/26/2024 08:01 515.430 արձանագրություն 25 օրում. քաղաքացին «տուգանքի մատերյալ է», իսկ ՔՊ-ականները անձեռնմխելի. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 07/23/2024 20:11 Պատահական չէ՝ երբ մեր իշխանությունները փորձում են ինչ-որ շեղում կատարել դեպի ռուսական հարթակ՝ Արևմուտքից հանկարծ հիշեցնում են կոկաինի պատմությունը. Ձյունիկ Աղաջանյան
- 06/30/2024 16:26 Սառցապատ Արարատից հրաբուխ է ժայթքելու, սա խորհրդանշելու է հայոց վերելքը․ Աշոտ դպիր Արևշատյան
- 06/19/2024 13:30 Փողոցով իշխանության գալը ՔՊ֊ի մենաշնորհն է, մյուսներին հակացուցված է
- 06/03/2024 20:11 Էն մարտավարությունը, որ կար նախկինում, երբ մեկ ոստիկանի ցուցմունքով մարդկանց կալանավորում էին, Սրբազանի շնորհիվ փոխվեց. Հարությունյան (տեսանյութ)
Մեկնաբանություն
- 07/26/2024 18:47 Հետամուտ եմ լինելու նման վարք ունեցող մանկավարժներին ժամ առաջ մեր մանկապարտեզներից մաքրելու գործին. Գարիկ Սարգսյան
- 07/26/2024 18:18 Սյունիքի ճանապարհին պատահաբար նկատեցի, որ Երասխի հատվածում մեր հենակետի վրա այլևս ծածանվում է թշնամու դրոշը. Ասլանյան
- 07/26/2024 15:17 Մինչև ո՞ւր ենք իջեցնելու կրթության և գիտության նշանձողը. գիտական կոպիտ սխալներ ունեցող այս դասագիրքը հաղթել է. Կրթության փորձագետն ահազանգում է
- 07/26/2024 13:00 Կառավարությունը վաղաժամկետ դադարեցրել է սահմանամերձ գյուղերում պետական աջակցությամբ տների կառուցման ծրագիրը. Ոսկան Սարգսյան
Արխիվ
Արտակարգ պատահարներ
- 07/26/2024 19:56 Պարեկները վնասազերծել են «Գազել»-ի ուղևորին․ նրա մոտ ատրճանակ ու գաղտնի փականով դանակներ են եղել
- 07/26/2024 18:26 Վերին Խոտանան գյուղի եկեղեցու մոտ բեռնատարը խցանել է ճանապարհը
- 07/26/2024 17:48 Թիավարելով՝ մոտ 200 մետր հեռացել են ափից ու չեն կարողացել վերադառնալ
- 07/26/2024 16:25 Ավտոմեքենան արգելափակվել է Ապարանի ջրամբարի ջրի մեջ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 07/25/2024 23:47 Երգեք լոգարանում. հայտնի են ամենօրյա պարզ սովորությունները, որոնք օգնում են խուսափել դեմենցիայից
- 07/25/2024 22:13 70-ամյա տղամարդը 5 օր գոյատևել է վայրի բնության մեջ՝ առանց սննդի և ջրի
- 07/25/2024 17:11 Տղամարդը մարգարեական երազի շնորհիվ միլիոն դոլար է շահել
- 07/25/2024 16:18 Ամենասեքսուալ օլիմպիադան. Ֆրանսիայի իշխանությունները մրցումների մասնակիցներին 300 հազար պահպանակ են տրամադրել
Հետաքրքիր է իմանալ
- 07/26/2024 16:23 Պարզվում է՝ Ֆրանսիայի տարածքի չափեր ունեցող անտարկտիկական սառցադաշտը անընդհատ ճոճվում է
- 07/24/2024 14:01 Լուսնի հողաշերտում ջրի հետքեր են հայտնաբերվել
- 07/20/2024 19:45 Թմրանյութերը, ալկոհոլը և ծխախոտը կարող են տկարամտության պատճառ դառնալ
- 07/19/2024 16:22 Որքան մեծ է արեգակնային ակտիվության հետևանքով կատակլիզմների հավանականությունը Երկրի վրա