Փաստ ինֆո

Մի ռեֆորմի պատմություն է ներկայացրել Հակոբ Ավագյանը՝ նկարագրելով պարեկային ծառայության հետ իր շփումներից դրվագներ։ Իր ֆեյսբուքյան էջում նա գրել է.

- մարզերից մեկում, նոր պարեկը վարչական ակտ գրեց։ Այնպիսի դրույթ էր, որը 24 ժամվա ընթացքում շտկելու դեպքում նվազում էր տուգանքը։ Հավաստիացրեց որ ում էլ մոտենամ կանեն։
- մի 7-8 ժամ հետո արդեն "շտկած" սկսեցի մոտենալ հարևան մարզի նոր պարեկներին։
ՀԻՆԳ տարբեր պարեկային վերակարգի մոտեցա, ոչ ոք չկարողացավ արձանագրել (ապեր այդ Բլանկը չունեմ, կներես դա ես չգիտեմ ոնց է արվում և այլն):

- հաջորդ օրը Երևանի իրենց գլխամաս մոտեցա (նոր Նորք)` (ապե էստեղ խի ես եկել գնա փողոցում բռնի պարեկ..:))
Երրորդ պարեկից հետո ուղարկեցին հրապարակ, որը լուրջ դեմքով արձանագրեց ճանապարհեց։
Բողոքարկում։

Պարզվեց որ նոր ռեֆորմ եղած պարեկային կառույցը ԱՌՑԱՆՑ բողոքարկման մեխանիզմ չունի, պետք է գնալ նոր Նորք ի իրենց հենակետ թղթային բողոք ներկայացնել։

Գլխամաս նոր ռեֆորմ եղած պարեկային КПП:
- քոնը ինչ է ԱՆՈւՇ ԱԽՊԵՐ (նոր ռեֆորմ եղած պարեկի համազգեստով մի 100-ից 120 կգ-ոց պարեկ ողջունեց ինձ):
- վարչական բողոք
- նստի էս Բլանկը վեկալ թելադրեմ
- պետք չի ես կգրեմ։ Ինչու չունեք առցանց բողոքարկման համակարգ, նոր ռեֆորմ եղած կառույց եք, համարյա բոլոր պետական մարմինները ունեն...
- սա մեր մշտական տեղը չի դրա համար չունենք
- դե առավել եվս դրա համար պետք է ունենալ...
(Այդ ընթացքում առնվազն մի հինգ տարբեր հարցերով մարդիկ մոտեցան (գնա դեմի մայթը քսերոքս արա արի, մենք ինչ կապ ուենք...)

Ավարտեցի, կից հիմքերը պատճենված տալիս եմ պատուհանի այն կողմում նստած ավելի բարձր կոչումով պարեկին (ով այս ընթացքում հեռախոսով ինչ որ ախպերական հարցեր էր լուծում): Վերցրեց պատուհանը փակեց, առանց վրաս նայելու, շարունակում էր հեռախոսով խոսել, ես
-ինձ ինչ որ հավաստիացում կտաք, որ ես վարչական ակտի վերդասա բողոք եմ մուտք անում հիմա։
- ինչ ես ուզում
- ստացական, ամսաթիվ ...
- հաա, ապեր մեր մատյանները տարել են վերև, կուզես սպասի հեսա կբերեն
- ձեր մատյանն ինձ ինչ է տալու
- որ տեսնես մեջը գրանցում ենք
....
Երկար բացատրելուց հետո, զանգեց վերև, որոշեցին որ ինձ պետք է ուղարկեն վերև (որպես պրոբլեմատիկ)
(Արդեն ինձ էլ էր հետաքրքիր ժամանակ ծախսել ու հասկանալ ռեֆորմի հմայքը)
ՎԵՐԵՎ

(Չնկարագրեմ թե ինչ տպավորություն ստացա բակ մտնելիս, քայլելիս, շենք մտնելիս )
- հա, ինձ ասեցին ինչ ես ուզում, բայց ես էլ քսերոքս ու պեչատ չունեմ, թող ինձ գնա, ինչից ես վախում...
- նորից բացատրում եմ, որ սա վարչական ակտի վերադասությամբ բողոք է, որը պետք է թվագրվի, ամսաթիվ և այլն:

Զանգեց էլի վերև (երկրորդ հարկ)

- կներես էլի էսինչյան ջան, իմ քսերոքսը չի աշխատում, ես էլ պեչատ չունեմ, էս քաղաքացին էլ մեզ չի վստահում...)
Բարձրացա, միջանցքներով անցնելիս կարծես ինչ որ "համատիրության հիմնարկ" մտած լինեիր...
Հասա այսպես ասած քարտուղարության դռանը։

Սենյակից ինչ որ աղջկա ծղրտոցով երաժշտություն էր լսվում։ Ներսում նստած աղջիկը, "հարգելով ինձ", մի փոքր իջեցրեց you tube յան ծղրտոցը,

- ինչ եք ուզում
- դե վարչական բողոք եմ բերել, հավաստիացում և այլն, կարող է կորի (դեռ չէի ավարտել ասածս)
- մեր մոտից էսքան վախտ բան չի կորել (մուննաթ արեց ու թարս նայեց նվաստիս)- տուր (ձեռքը պարզեց դեպի թղթերս, շարունակելով լսել հայերեն բառերով ինչ որ աղջկա ծղրտոցը)

Գրածիս մի էջը պատճենեց, մի շտապ շրխկացրեց, շպրտեց ինձ։
Հեռացա, չարժանանալով ցտեսությանս պատասխանին։

Հետագան չգրեմ, երբ հրավեր ստացա բողոքի լսման մասին ամսի 26 ին, իսկ բողոքի լսումը պետք է տեղի ունենար 20 ին, բողոքի հետագա պատասխանին և այլն։

Սա երեկվա Հ1 յան ներկայացված պարեկային ռեֆորմը չի, սա "ռեֆորմի" հակառակ կողմն է։ ԵՒ իմ նկարագրած դեպքը միակը չի ցավոք, ավելի պարզագույն ինդիկատորներ կան, երբ քո դիմացից պարեկային մեքենա է գնում ու տեսնում ճանապարհին քամին ցելոֆոն է գցել, չի կանգնում ի տարբերություն քեզ, շրջանցում գնում է, երբ տեսնում է փողոցային լույսը, կարևոր մասում արդեն մեկ ամիս է չի միանում, չի զանգի համապատասխան մարմին տեղեկացնի (նույնը ճանապարհային նշանների մասով), երբ տեսնում է որ հողային աշխատանք են արել ու քար ու հող լցրել փողոցում ինքնուրույն չի կանգնի լուծի, կշրջանցի, նոր հատկացրած մեքենան կճռացնի ու կգնա ...:
Սա այն սակավաթիվ "ռեֆորմներից" մեկի (սակայն ամենամեծ ֆինանսական աջակցություն արևմուտքից ստացած) իրական պատկերն է ...

Աղբյուր` Փաստինֆո