Փաստ ինֆո

Երգչուհի Սիրուշոն հայտարարել է, որ այսօր մասնակցելու հանրահավաքին իր ու Լեւոն Քոչարյանի փոխարեն, որը ոստիկանության բռնության հետեւանքով հայտնվել է հիվանդանոցում։

«Մեզ համար այս պայքարը երբեք իշխանության գալու մասին չի եղել, երբեք ոչ ես, ոչ Լևոնը նման մտադրություն կամ ցանկություն չենք ունեցել. այն էլ հաշվի առնելով, թե մեր ընտանիքը ինչերի միջով է անցնում դրա արդյունքում: Ու այսօր էլ կշարունակեինք զբաղվել մեր գործերով, եթե չլիներ այս սարսափելի իրավիճակը: Ինձ համար սա հայի հայ մնալու պայքարն է, արարժանապատվության.Լևոնի համար նաև իր ծննդավայրն է, իր հողն է, բարեկամներն են, ընկերներն ու մորաքույրներն են՝ այս պահին նկուղում գտնվող...:Իր հոր ու հոր ընկերների կյանքի գնով պահած հողն է, որն այսօր այս ճակատագրին է արժանացել»,- գրել է Սիրուշոն։

Նա նշել է, որ իրենք Արցախը նոր չեն սիրում, միշտ են սիրել իրենց երեխաների հետ միասին, միշտ են գիտակցել կարևորությունը: «Այսօր, թե ես, թե ինքը կարող էինք լինել որևէ այլ երկրում, մեր գործերով ու ծրագրերով, բայց նախընտրել ենք մեր երեխաների հետ մնալ ու պայքարել այստեղ: Այս ամենի ավարտից հետո չգիտեմ ինչ զգացողություններ կունենամ այս երկրի ու ժողովրդի որոշ զանգվածի հանդեպ, բայց այս պահին ամենակարևորը Արցախի մեր հայրենակիցների կողքին լինելն է ու ազատվելն է «հայ» կոչվող ու թշնամուց ոչնչով չտարբերվող կործանիչ տեսակից:

Հ.Գ. Լևոնն այս պահին ուղեղի ցնցումով հիվանդանոցում է, այսօր հրապարակում երկուսիս փոխարեն՝ ես կլինեմ»,- նշել է նա։

Աղբյուր` Փաստինֆո