Փաստ ինֆո

Նախօրեին ՀՀ վարչապետի աթոռն զբաղեցնող անձը «Եվրոնյուզի» հետ հարցազրույցի ընթացքում ինքնաժխտման և ինքնահերքումի մի շարք դրվագների միջով անցավ։

ՈՒշագրավ էր, որ նա «Եվրոնյուզի» լրագրողին բողոքում էր, թե՝ 2020 թվականի նոյեմբերի 9-ին ստորագրված փաստաթղթի մի շարք դրույթներ կոպտորեն խախտված են։

Ավելին, «Լեռնային Ղարաբաղ»-ի մասին հարցադրումներ կատարող լրագրողին պատասխանելիս, նա շեշտում էր, թե՝ նոյեմբերի 9-ի շատ դրույթներ պարբերաբար խախտվում են Ադրբեջանի կողմից։ Եվ այդ համատեքստում, անդրադառնում այն փաստին, թե՝ Ադրբեջանը շարունակում է պնդել, որ Լեռնային Ղարաբաղ չկա՝ չնայած նոյեմբերի 9-ի եռակողմ հայտարարության մեջ սահմանված է «Լեռնային Ղարաբաղ» սուբյեկտի գոյությունը և Ադրբեջանի նախագահն էլ ստորագրել է այդ հայտարարության ներքո:

Ինչ խոսք, ՀՀ վարչապետի աթոռին նստածը միջազգային լրատվամիջոցի առջև ինքնախոստովանական ցուցմունք չտվեց, չասաց, որ ո՛չ միայն ալիևը, ինքն էլ է ալիևի թուրքազարբայջանական թելը թելում՝ Լեռնային Ղարաբաղի Հանրապետությունը, այսինքն՝ Արցախի անկախ Հանրապետությունը հանգիստ տեղավորելով ազարբայջան սարքովի պետության կազմում։

Չասաց, քանզի ոչ միայն ալիևը, ինքն էլ հստակ գիտի, որ Լեռնային Ղարաբաղ կա, որ նոյեմբերի 9-ի եռակողմ հայտարարության մեջ սահմանված է «Լեռնային Ղարաբաղ» սուբյեկտի գոյությունը, և ոչ միայն Ադրբեջանի նախագահն է ստորագրել է այդ հայտարարության ներքո, այլ ինքն էլ է որպես ՀՀ վարչապետ իր կոտրած ձեռքով ստորագրել այդ նույն հայտարարության տակ։
Ավելին, , հիշեց, որ Լեռնային Ղարաբաղում կա շփման գիծ, և Լեռնային Ղարաբաղն ունի տարածք, որը սահմանված է եռակողմ հայտարարության 7-րդ կետով:

Չասաց, որ ալիևը թշնամի պետություն լինելով և հայության հանդեպ ցեղասպանական նպատակներ ունենալով է ՀՀ-ի հետ կյանքի ճանապարհը փակում, իսկ թե ինքն ինչու՞ որևէ քայլ չի անում արցախահայության փրկության համար, այդ էլ չասաց։

Ասաց, որ Լաչինի միջանցքը, որ էլի սահմանված է եռակողմ հայտարարությամբ և որը նպատակ ունի ապահովել Լեռնային Ղարաբաղի կապը Հայաստանի Հանրապետության հետ և որի համաձայն, այդ թվում՝ Ադրբեջանի նախագահի ստորագրությամբ, պետք է լինի ռուս խաղաղապահների վերահսկողության ներքո, բայց ապօրինի կերպով արգելափակված է Ադրբեջանի կողմից: Բայց չասաց, որ ինքն էլ ստորագրել է դրա տակ, սակայն, այսօր ձեռքերը ծալած նստած է, առավելագույնը հարցազրույցներ է տալիս և հինգժամանոց ասուլիսներ, բայց ոչ մի գործնական քայլ չի անում ահաբեկչական արգելափակումը վերացնելու ուղղությամբ։

Ի դեպ, երեկ կառավարության նիստում, երբ հայտարարում էր, թե՝ «պետք ա ազատվել այն պաշտոնյաներից», ովքեր ասում են այս կամ այն բանը անհնարին է իրականացնել, թող գնան, և թող գան նրանք, ովքեր գիտեն, որ հնարավոր է և կարող են բան անել։
Այսինքն, իրավիճակը շտկել, փոխել իրավիճակը։

Հիմա, ցավալիորեն, պետության ղեկին ինքն է ու չի կարողանում հայ մարդու՝ Հայաստանում լինի, թե՝ Արցախում, անվտանգությունն ապահովել։ Չի կարողանում իր պետության քաղաքացիների պաշտպանությունը հավուր պատշաճի ապահովել։ Կործանման է տանում Արցախն ու Հայաստանը: ՈՒրեմն, պիտի հեռանա։ Գերխնդիրը այս է...Եվ թող գան նրանք, ովքեր կարող են․․․

Աղբյուր` Փաստինֆո