Հաջողվել է ճեղքել Արցախում տիրող իրավիճակի վերաբերյալ Ադրբեջանի կողմից տարածվող նարատիվները. հաջորդիվ պետք է դրդենք միջազգային դերակատարներին' իրական քայլերի անցնել. Արցախի ՄԻՊ

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 21:45 Վաղը այս հասցեներում լույս չի լինի 04/28/2024 20:34 Արման Թաթոյանը ևս Կիրանցում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 21:58 Ավտովթար Երևան-Սևան ավտոճանապարհին 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ)

Հաջողվել է ճեղքել Արցախում տիրող իրավիճակի վերաբերյալ Ադրբեջանի կողմից տարածվող նարատիվները. հաջորդիվ պետք է դրդենք միջազգային դերակատարներին' իրական քայլերի անցնել. Արցախի ՄԻՊ 05/03/2023 22:01 | ԼՐԱՀՈՍ

Ներկա դրությամբ միայն Գորիսում ավելի քան 150 արցախցի կա, ովքեր չեն կարողանում տուն վերադառնալ, իսկ ՀՀ-ում գտնվող արցախցիների թիվը, ովքեր սպասում են տուն վերադառնալու օրվան, մի քանի հարյուր է։ Այդ մասին «Փաստինֆո»-ի հետ զրույցում ասաց Արցախի ՄԻՊ Գեղամ Ստեփանյանը։

«Այդ մարդկանց վերադարձը հնարավոր չի լինում կազմակերպել անգամ Կարմիր Խաչի միջոցով։ Ադրբեջանն անթաքույց մերժում է թե՛ խաղաղապահներին, թե՛ Կարմիր Խաչին՝ ավելի բարդացնելով իրավիճակը։ Անգամ Արցախում բուժման հնարավորություն չունեցող հիվանդներն են մեծ դժվարությամբ տեղափոխում Հայաստան։ Ի դեպ, դրա կարիքն ունեցող հիվանդների մի մասին չի էլ հաջողվում տեղափոխել։ Եթե մինչև անցակետի տեղադրումը այդ խնդիրը կար, այսինքն՝ խիստ սահմանափակ թվով հիվանդներ էին Կարմիր Խաչի միջոցով տեղափոխվում, ապա անցակետի տեղադրումից հետո վիճակն ավելի է բարդացել։ Իմ ունեցած վերջին տվյալներով՝ ապրիլի 23-ից մինչև հիմա մեկ անգամ է հիվանդների տեղափոխում իրականացվել»,-ասաց Արցախի ՄԻՊ-ը։

Շեշտելով, որ հսկիչ անցագրային կետի տեղադրումով Ադրբեջանը ֆորմալիզացրել է Արցախի շրջափակումը՝ Գեղամ Ստեփանյանը նշեց՝ այդ քայլով Ադրբեջանը բացահայտեց իր իսկ կողմից հորինված կեղծիքը, թե, իբր, բնապահպաներն էին փակել Լաչինի միջանցքը։

«Անցակետի տեղադրումը բացահայտեց, որ Արցախի շրջափակումն Ադրբեջանի կողմից պետականորեն կազմակերպված գործողություն է։ Իր քայլերով Ադրբեջանն ապացուցում է, որ 120 հազար մարդու թակարդի մեջ պահելով ու նրանց համար անելանելի պայմաններ ստեղծելով՝ նպատակ ունի հպատակեցնել նրանց կամ ստիպել, որ դուրս գան իրենց տներից։ Երկու դեպքում էլ դրանք անբարո, հանցավոր արարքներ են»,-շեշտեց Ստեփանյանը։

Շրջափակման օրվանից սկսած Արցախի ՄԻՊ գրասենյակն ամենօրյա ռեժիմով արձանագրել է դրա հետևանքով առաջացած իրավիճակը, մարդու իրավունքների բազմապիսի խախտումները և միջազգային համապատասխան կառույցներին պարբերաբար զեկուցել իրավիճակի մասին։

Հերթական ամենամսյա զեկույցը՝ շրջափակման 150–րդ օրվա ամփոփումով, կհրապարակվի մայիսի 12-ին, որում ներառված կլինեն նաև շրջափակումից տուժած մարդկանց վկայություններ։

«Շրջափակումը տարբեր ոլորտներում բազմաթիվ խնդիրներ է առաջացրել։ Անցակետի տեղադրումով հումանիտար, առողջապահական խնդիրներն ավելի են խորացել։ Շրջափակման 143 օրերի ընթացքում Արցախ ներկրվել է մոտ 5 հազար տոննա առաջին անհրաժեշտության ապրանք, մինչդեռ նորմալ պայմաններում 60 հազար տոննա պետք է ներկրվեր։ Մարդիկ ունեն կտրոններ, որով կենսական նշանակության ապրաքներ կարող են ձեռք բերել, բայց գործնականում չեն կարողանում դրանք իրացնել, քանի որ խանութներում համապատասխան ապրանքները չկան»,-նշեց ՄԻՊ-ը։

Դեղորայքի՝ հատկապես սպեցիֆիկ հիվանդությունների ժամանակ անհրաժեշտ դեղամիջոցների մասով իրավիճակն ավելի տխուր է։

Անցակետի տեղադրումից հետո լիակատար երկկողմանի շրջափակման մեջ հայտնված Շուշիի շրջանի չորս համայնքների բնակիչները նաև առաջին բուժօգնություն ստանալու հնարավորություն չունեն։

«Այս համայնքներում հատկապես առաջին բուժօգնության հետ կապված խնդիրը շատ սուր է։ Փաստացի, եթե այս գյուղերի բնակիչներից որևէ մեկը, Աստված մի արասցե, ունենա բուժօգնության կարիք, ապա անելանելի վիճակում կհայտնվի։ Ցանկացած պահի նման իրավիճակ կարող է ստեղծվել, ուստի առաջնահերթ որևէ լուծում պետք է գտնել, ինչ-որ մեխանիզմ մշակել՝ այդ մարդկանց օգնելու համար»,-ասաց Գեղամ Ստեփանյանը։

Անդրադառնալով արցախահայության նկատմամբ Ադրբեջանի կողմից պետական մակարդակով իրականացվող էթնիկ զտման քաղաքականության մասին փաստող արձանագրումներին և դրանց՝ միջազգային հանրության արձագանքին՝ Արցախի ՄԻՊ-ը նշեց․

«Իմ տպավորությամբ՝ հաջողվել է ճեղքել Արցախում տիրող իրավիճակի վերաբերյալ Ադրբեջանի կոմից տարածվող նարատիվները, և որևէ մեկն արդեն չի կասկածում, որ Ադրբեջանը հետևողականորեն իրականացնում է Արցախի ժողովրդին ճնշելու, նրան որոշակի քայլեր պարտադրելու գործողություններ։ Դա երևում է նաև վերջին շրջանում տարբեր երկրներից հնչող հայտարարությունների մեջ, որոնք արդեն հասցեական են․ Ադրբեջանին հստակ կոչ է արվում դադարեցնել Արցախի շրջափակումը։ Բայց այդ կոչերը պետք է վերածվեն կոնկրետ քայլերի, քանի որ Ադրբեջանը քաղաքակիրթ արված կոչերը չի ընդունում ու չի կատարելու»,-նկատեց Արցախի ՄԻՊ-ն ու հավելեց, որ իրենց առջև դրված հաջորդ նպատակ հասնելն է նրան, որ միջազգային դերակատարները դուրս գան որդեգրած կրավորական կեցվածքից և անցնեն իրական գործողությունների։

Աղբյուր` Փաստինֆո