ԲՈԼՈՐ ՆՅՈՒԹԵՐԸ
Խորը համուզմունք ունեմ, որ Փաշինյանի կառավարմանը հաշված օրեր կամ շաբաթներ են մնացել. մահապարտ ազատամարտիկ 04/08/2023 21:55 | ԼՐԱՀՈՍ
«Նիկոլ Փաշինյանին, այլևս, երկու ճանապարհ է մնացել՝ կամ ամեն գնով պահել իշխանությունը, կամ Հայաստանը թողնել անիշխան, այսինքն՝ վերացնել Հայաստանը՝ որպես պետական, ինքնուրույն սուբյեկտ, որովհետև նա շատ լավ է հասկանում, եթե Հայաստանը մնաց որպես պետական կառավարվող համակարգ, ապա ինքն անպայման պատասխան է տալու՝ 2020 թվականի պայմանավորված և նվաստացուցիչ պարտության, ինչպես նաև՝ դրա ողջ պատճառահետևանքային զարհուրելի կապի համար», - «Փաստինֆո» լրատվականի հետ զրույցում նման տեսակետ է հայտնում ազատամարտիկ, 44 օրյա պատերազմի մասնակից Հովհաննես Մուրադյանը։
Եթե չկա Հայաստան կամ Հայաստանի իրավահաջորդ, ապա ոչ ոք չի կարող Նիկոլին իրավական պատասխանատվության ենթարկել։ Իսկ թե էլ ի՞նչ կերպ կարող է լինել իր և իր ընտանիքի համար այդ պատասխանատվությունը՝ միայն Աստված գիտի։ Փաշինյանը պետական հանցագործ է և այդ մասին գիտեն բոլորը, ասում է ազատամարտիկը։
Այս տեմպերով գնալու պարագայում Հայաստանին սպառնում է դառնալ Ռուսաստանի Դաշնության, Իրանի կամ, որ ավելի վատ է՝ Թուրքիայի մաս, ասում է ազատամարտիկն ու հավելում, այնինչ փրկօղակներ կան, դրանք առկա են։ Թե ինչո՞ւ այս իշխանությունը չի օգտվում բարեկամ գերտերությունների ընձեռած հնարավորություններից, արդեն ասվեց. «Ընդամենը երեք օր առաջ, ընդարձակ ասուլիսի ընթացքում Ռուսաստանի Դաշնության Արտաքին գերատեսչության խոսնակի բերանով Հայաստանին պարզ ասվեց՝ ստորագրեք ՀԱՊԿ-ի պայմանագիրը, որ այս պահին սեղանին է և ռուսական խաղապահները կբերվեն ու կկանգնեցվեն Հայաստանի սահմաններին` ապահովելով նաև ՀՀ-ի անվտանգությունը, որ էականորեն խարխլվել է այս ապիկար իշխանությունների վարած դավաճանական քաղաքականության արդյունքում։
Այս առաջարկն, ինչպես նաև դրանից առաջ արվածները, մնացին օդում կախված։ Հայաստանը վերջերս մերժեց նաև իր բարեկամ երկրի՝ Իրանի Իսլամական Հանրապետության առաջարկը՝ ռազմական դաշինք կնքելու, եւ սա այն պարագայում, երբ թշնամին վտանգավոր խորությամբ մխրճվել է ՀՀ սուվերեն տարածքում՝ գրավելով Սյունիքի ռազմավարական նշանակության գրեթե բոլոր բարձունքները։ Ինչի՞ մասին է խոսում իշխանությունների այս վարքը՝ կարծում եմ պարզ է…»։
Հայաստանի և Արցախի սահմաններին տեղի ունեցողը լիարժեք վերլուծելու համար, ազատամարտիկն առաջարկում է նայել, թե ի՞նչ է կատարվում աշխարհի ռազմական քարտեզի վրա, որովհետև՝ թե դեռ ի՞նչ է սպասվելու մեր երկրին, մեծապես կախված է աշխարհում տեղի ունեցողից. «Այն, ինչ վերջին մեկ տարում կատարվում է ՌԴ-ի և Ուկրաինայի միջև, անկասկած, իր հայելային արտացոլումն է գտնում նաև այստեղ՝ Հարավային Կովկասում տեղի ունեցող ռազմական զարգացումների վրա։ Պետք է նշել, որ ՌԴ-ն, ինչպես իսկզբանե հայտարարեց, չի պատերազմում Ուկրաինայի դեմ, այլ միայն ռազմական հատուկ օպերացիաներ է իրականացնում այդ երկրի սահմաններից ներս, այսինքն, հարվածներ է հասցնում միայն հատուկ նշանառության տակ վերցրած ինֆրաստրուկտուրաներին։ Սակայն, բոլորի համար էլ պարզ է, որ ինչ- որ պահից այդ գործողությունները վերածվելու են լայնամասշտաբ ռազմական ագրեսիայի, այլ կերպ ասած՝ պատերազմի, և ես մեծ մտավախություն ունեմ, որ դա կարող է տեղի ունենալ, ասենք, ոչ թե Ուկրաինայի տարածքում, այլ այստեղ՝ Հարավային Կովկասում, որտեղ ՌԴ-ի հակառակորդները կարող են երկրորդ ճակատ բացել Ռուսաստանի Դաշնության դեմ՝ թուլացնելու և ջլատելու ՌԴ-ի ուժերը Ուկրաինայում»։
Հովհաննես Մուրադյանը վերլուծում է՝ ռուսական կողմի ուժերը ջլատելու համար աշխատում է մի ողջ համակարգ, ի դեմս ԱՄՆ-ի, հավաքական Արևմուտքի, Անգլիայի, ինչպես նաև՝ Թուրքիայի. «Իհարկե, Թուրքիայում վերջին ամիսներին տեղի ունեցած ողբերգական և աղետալի տարերքները մեծապես թուլացրին այդ երկրի ռեսուսրները, բայց միամտություն և հիմարություն կլինի մտածել, թե Թուրքիան դրանով կորցրեց համաշխարհային ազդեցության խաղացող լինելու դերը։ Ոչ, այդպես չէ։
Հատկապես Ռուսաստանի Դաշնության և Թուրքիայի հարաբերությունները, ինչպես հարյուրամյակների պատմությունն է ցույց տվել, երբեք էլ հարթ չեն եղել և հիմա էլ հարթ չեն։ Եկեք չմոռանանք, որ պատմությանը հայտնի է թվով 12 ռուս – թուրքական պատերազմ և հաջորդն էլ, հավատացնում եմ՝ ամենամոտ ապագայի հարց է։ Ամեն ինչ կախված է նրանից, թե ի՞նչ սադրանքների կգնա Արևմուտքն, այստեղ՝ Հարավային Կովկասում, հարվածելու համար Իրանի Իսլամական Հանրապետությանը, որովհետև աշխարհաքաղաքական վերադասավորումների իմաստով, իրական և մեծ թիրախն այստեղ, այս պահի դրությամբ, մնում է Իրանի Իսլամական Հանրապետությունը։ Հայաստանն, այլևս, վերածվել է բուֆերային գոտու, այլ կերպ ասած՝ պլացդարմի, որի տարածքում կարող են տեղի ունենալ աշխարհաքաղաքական մեծ ու արյունալի բախումները, մի կողմից՝ Իրանի Իսլամական Հանրապետությանը «վնասազերծելու», մյուս կողմից՝ էներգակիրների հարցը բարեհաջող և վերջնական լուծելու համար»։
Ազատամարտիկը նշում է՝ սրտի մեծ ցավով է արձանագրում իրականությունը, սակայն, իրատեսական վերլուծությունից խուսափել և ինքնախաբեությամբ զբաղվելու ո՛չ ժամանակ է մնացել, ո՛չ ռեսուրս, ո՛չ էլ, մեծ իմաստով, նպատակ. «Սրտիս ցավով եմ խոսում այս մասին, բայց Հայաստան պետություն, որպես ինքնուրույն խաղացող, այլևս չկա։ Հենց այս պահին էլ Սյունիքում տեղի ունեցողն այդ իրողությունն է փաստում։ Թշնամին անարգել մտել է մեր Հայրենիքի ողնաշարի մեջ ու ավերում է այն, անում այնտեղ այն, ինչ ցանկանում է և չկա տարրական դիմադրություն անգամ։ Սա, իհարկե, իմ խորին համոզմամբ, հանցավոր անգործության հետևանք է, այլ կերպ ասած՝ արևմտյան պատվեր, որ կատարում են ՀՀ իշխանությունները և սա դեռ կբացահայտվի։
Ի՞նչ է սպասվում, այսքանով հանդերձ, Հայաստանին։ Կա իրադարձությունների զարգացման երկու ճանապարհ։ Քանի որ Արևմուտքում էներգետիկ ճգնաժամն, արդեն, պիկին է հասել, և ինչպես տեսնում ենք՝ Եվրոմիության կազմում արդեն իսկ, կոնկրետ երկրներ տնտեսական փլուզման եզրին են, ինչպես, օրինակ, Ֆրանսիան, ապա էներգակիրների խնդրի ժամ առաջ լուծումն օրհասալան հարց է այդ երկրների համար։
Էներգակիրները պետք է անցնեն Հայաստանի սուվերեն տարածքով՝ Սյունիքով։ Եթե հայաստանյան կողմը (նկատի չունեմ ՀՀ օրվա իշխանություններին) որոշում է արգելք հանդիսանալ գործարքի համար, այսինքն, այստեղ զինված դիմադրություն է սկսվում, ապա Ադրբեջանը կարող է հարձակում իրականացնել ՀՀ տարածքի վրա և ռազմական ճանապարհով փորձել լուծել խնդիրը։ Ընդ որում, պետք է ցավով նշեմ, որ ռազմական միջոցներով հարցի լուծման հավանականության ռիսկը խիստ մեծ է, և դա կարող է տեղի ունենալ՝ ընդհուպ օրերս։ Ոչ մեկ անգամ Իրանը կոշտ հայտարարել է, որ թույլ չի տալու իր երկրի հյուսիսային սահմանների վերաձևում, սա, արդեն իսկ հայտ է այն բանի, որ Իրանն անմասն չի մնալու ռազմական գործողություններին միանալու հեռանկարից։ Քանի որ Ռուսաստանի Դաշնության համար Հարավային Կովկասը եղել և մնում է ռազմական նշանակության խիստ կարևոր տարածք, նա ևս չի կաևող թույլ տալ իր ազդեցության թուլացումն այս տարածաշրջանում։
Հետևաբար, եթե Ադրբեջանը որոշեց ռազմական հարձակում սկսել Սյունիքի ուղղությամբ՝ վերջնականապես լուծելու տարածքի գրավման հարցը, ապա բոլորովին չի բացառվում, որ Ռուսաստանի Դաշնությունը լուրջ և որոշիչ հարված կտա Ադրբեջանին, և այդ երկրի ղեկավարը քաջ տեղյակ է զարգացման այս հավանական պլանի մասին։ Իսկ, եթե, հանկարծ, ռազմական գործողություններին մասնակցության հայտ ներկայացրեց նաև Թուրքիան, ապա այստեղ, արդեն, կարող ենք արձանագրել ռուս – թուրքական մեծ պատերազմի, սրանով նաև՝ Համաշխարհային Երրորդ պատերազմի մեկնակը»,- վերլուծում է ազատամարտիկը։
Յուրաքանչյուր զարգացման պարագայում, Հայաստանը պետք է պատրաստ լինի դիմադրության և զինված պայքարի, եթե չի ցանկանում ուղղակի ջնջել իր հետքը աշխարհի և պատմության քարտեզից. «Իհարկե, Հայաստանի Հանրապետության տարածքում լայնամասշտաբ և արյունալի պատերազմի վերսկսման պարագայում, հայկական կողմին ռազմական օգնության ձեռք կմեկնեն թե՛ Ռուսաստանի Դաշնությունը, թե՛ Իրանի իսլամական Հանրապետությունը, որովհետև մեծ է վտանգը, որ ռազմական հարձակումների թիրախ կարող է դառնալ հանրապետության ողջ տարածքը, սակայն, այստեղ կա մի մեծ խնդիր՝ Նիկոլ Փաշինայնը։ Ո՛չ Ռուսաստանի Դաշնուոյունը, ո՛չ Իրանի Իսլամական Հանրապետությունը ՀՀ տարածքում ռազմական գործողություններին մասնակցելու հայտ չեն ներկայացնի, քանի դեռ ՀՀ իշխանության աթոռը զավթել է բոլորի կողմից որպես դավաճան ընկալվող Նիկոլ Փաշինյանը։ Հետևաբար, ես խորը համուզմունք ունեմ, որ Նիկոլ Փաշինյանի կառավարմանը հաշված օրեր կամ շաբաթներ են մնացել»,- ավարտելով զրույցն, ասում է մահապարտ ազատամարտիկ, 44 օրյա պատերազմի մասնակից Հովհաննես Մուրադյանը։
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/03/2024 08:19 Ճանապարհից երևում են նշաձողերը․ «Հրապարակ»
- 05/03/2024 08:13 70-ամյա փարպեցին ևս մասնակցում է բողոքի ակցիաներին․ «Հրապարակ»
- 05/03/2024 08:10 Արդարադատության նախարարը կարգապահական վարույթ է հարուցել՝ Ռոբերտ Քոչարյանի գործով դատավոր Աննա Դանիբեկյանի նկատմամբ . «Ժողովուրդ»
- 05/03/2024 08:07 Հայրենիքի հանձնմանն անձամբ հետեւել է ռազմական ոստիկանության պետ Աշոտ Զաքարյանը․«Հրապարակ»
- 05/03/2024 08:02 ՔՊ-ն գլխավոր դատախազի հաշվետվությունը վերածելու է ընդդիմության դատաստանի․«Հրապարակ»
- 05/03/2024 07:51 Կարեն Անդրեասյանի խնդրահարույց եւ աչառու պաշտոնավարումը` Freedom House -ի զեկույցում. «Ժողովուրդ»
- 05/03/2024 07:44 Կառավարությունը 210 մլն դոլար արժողությամբ պայմանագիր է կնքել. Սարյանի «ՀայՓոստ»-ի փոխարեն` «Համաշխարհային առեւտրի կենտրոն Երեւան». «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/03/2024 11:30 «Սահմանազատումից» հետո Կիրանցի նոր կառուցվող դպրոցի շենքը ադրբեջանցիներից հեռու է լինելու 150-160 մ
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
Արխիվ
Արտակարգ պատահարներ
- 05/03/2024 23:31 Բախվել են ավտոմեքենաներ․ կան տուժածներ և մեկ զոհ
- 05/03/2024 22:04 Ավտովթար՝ Արմավիրում․ բախվել են «Kia»-ն և «ՎԱԶ 2106»-ը․ կան տուժածներ․ Shamshyan.com
- 05/03/2024 20:52 ՃՏՊ՝ Ծաղկահովիտ-Ալագյազ ավտոճանապարհին․ կան տուժածներ
- 05/03/2024 16:09 ՃՏՊ Երևան-Իջևան ավտոճանապարհին․ կան տուժածներ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն