ԲՈԼՈՐ ՆՅՈՒԹԵՐԸ
«Գազելում» դիմակ չկրելու համար վիճաբանության ժամանակ տեղի ունեցած սպանության գործով պաշտպանը կարծում է՝ պետք է արդարացում լինի. Ինչ է տեղի ունեցել «Գազելում» իրականում 12/24/2022 22:00 | Դատական ռեպորտաժներ
54 համարի երթուղին սպասարկող «Գազելում» դիմակ չկրելու հարցի շուրջ առաջացած վիճաբանության ժամանակ Արման Հունանյանի սպանության գործով դատաքննությունը մոտենում է ավարտին: Սպանության մեղադրանքով կալանավորված Գարեգին Բաղդասարյանի պաշտպանը պնդում է՝ նա պաշտպանվել է։
Հիշեցնենք, որ դեպքը տեղի է ունեցել ավելի քան մեկ տարի առաջ՝ 2021թ. ապրիլի 14-ին՝ Երևանի Պարոնյան-Լեո խաչմերուկում` 54 համարի երթուղին սպասարկող «Գազելում»: Վիճաբանությունն առաջացել է դիմակ չկրելու հարցի շուրջ ծագած վիճաբանության ժամանակ:
Մասնավորապես, 39-ամյա Արման Հունանյանը դիմակ չկրելու համար դիտողություն է արել միկրոավտոբուսում գտնվող մի կնոջ, Գևորգ Բաղդասարյանը միջամտել է, ինչը վերաճել է վիճաբանության ու վերջինը իր մոտ գտնվող դանակով հարվածներ է հասցրել Հունանյանի կրծքավանդակին` պատճառելով մահ: 2021թ. ապրիլի 20-ին 57-ամյա տղամարդը՝ Գարեգին Բաղդասարյանը, ներկայացել է վարույթն իրականացնող մարմին և տվել խոստովանական ցուցմունք: Նրան մեղադրանք է առաջադրվել՝ ՀՀ քրեական օրենսգրքի 104-րդ (սպանություն) հոդվածի 1-ին մասով, նրա նկատմամբ որպես խափանման միջոց է ընտրվել կալանավորումը:
Քրեական գործն արդեն մեկ տարի է, ինչ դատարանում է՝ Երևանի ընդհանուր իրավասության դատարանի դատավոր Վահագն Մելիքյանի վարույթում Դատաքննությունը մոտենում է ավարտին: Շուտով կհարցաքննվի վերջին վկան, ինչից հետո դատարանը կանցնի վիճաբանությունների փուլին: Այս ընթացքում դատարանը բազմիցս քննել է Գարեգին Բաղդասարյանի նկատմամբ ընտրված խափանման միջոց կալանավորումն անազատության հետ կապ չունեցող խափանման միջոցով փոխելու հարցը և մերժել միջնորդությունները. ամբաստանյալը շարունակում է կալանավորված մնալ, պահվում է «Արմավիր» ՔԿՀ-ում:
Գարեգին Բաղդասարյանի պաշտպան Ալեքսանդր Կոչուբաևը «Փաստինֆո»-ի հետ զրույցում Գարեգին Բաղդասարյանին կալանքի տակ պահելը պայմանավորեց՝ ծանր և առանձնապես ծանր հանցանքների պարագայում այլընտրանքային խափանման միջոցների կիրառման վերաբերյալ դատարանների ֆոբիաներով:
«Գարեգին Բաղդասարյանն արդեն մեկ տարուց ավել՝ շուրջ երկու տարի է, ինչ կալանքի տակ է, այն դեպքում, երբ մեղայականով ներկայացել է, տվել է խոստովական ցուցմունք, աջակցել վարույթին, հայտնել դեպքի իրական մանրամասները: Անձին կալանքի տակ պահում են մի բանի համար, որ, լինելով ազատության մեջ, նա չի ներկայանա դատական նիստերին, ոչ թե՝ կխուսափի, կթաքնվի, այլ՝ չի ներկայանա նիստերին: Կալանքի համար ինչքան ցածր շեմ է կիրառվել, այս պայմաններում պարզապես սպանության գործ քննելու ֆոբիան է, որ ստիպում է կալանքի տակ պահել, բայց գործով առավել քան հիմնավորվել է անհրաժեշտ պաշտպանությունը»,- ասաց Կոչուբաևը՝ հավելելով, որ երթուղային միկրոավտոբուսի բոլոր ականատես վկաները միաբերան ցուցմունք են տվել, որ վեճը սադրել է տուճողը, նախահարձակ եղել է տուժողը և ծեծի ենթարկել Գարեգին Բաղդասարյանին, վերջինս էլ՝ դանակով հարվածել է:
Դիակի դատաբժշկական փորձաքննության եզրակացության համաձայն՝ տուժողի վրա հայտնաբերված վնասվածքներից մեկն է անմիջական պատճառական կապի մեջ գտնվում մահվան հետ, իսկ մյուս երկու վնասվածքները պատճառված են մահից մինչև 12 ժամ առաջ: Ըստ պաշտպանի՝ դա ենթադրում է, որ տուժողը մինչ այդ ունեցել է արդեն վնասվածքներ, բացի այդ, պաշտպանը նշեց, որ տուժողը հաշվառված է եղել հոգեբուժական դիսպանսերում:
Նշենք, որ փորձագետները, սովորաբար, կոնկրետ ժամ չեն նշում, ինչը ենթադրում է, որ նշված վնասվածքները կարող են ստացված լինել մահացու վնասվածքը ստանալուց առաջ 12 ժամվա ընթացքում:
Այդուհանդերձ, պաշտպանության կողմը գտնում է, որ վկաների ցուցմունքներով բավարար պաշտպանությունը հիմնավորվել է, Գարեգին Բաղդասարյանը կարդարացվի:
«Կարծում եմ՝ ունենալու ենք արդարացման դատական ակտ, որովհետև հակառակ ցանկացած դատական ակտ կլինի արդարադատության բացակայություն»,-նշեց պաշտպանը:
Դիտարկմանը, որ տուժողի գործողությունները կարող են մեղմացնող հանգամանք լինել, բայց որևէ կերպ չի կարող արդարացնել սպանությունը՝ պաշտպանն արձագանքեց. «Չի արդարացնում, միանշանակ, բայց ի՞նչ է եղել միկրոավտոբուսում.Գարեգին Բաղդասարյանը բարձրացել է միկրոավտոբուս, տուժողը մեկ այլ կնոջ վիրավորելուց է եղել՝ կորոնավիրուսի շրջանում դիմակ չկրելու համար, Գարեգին Բաղդասարյանն էլ՝ որպես տղամարդ, ընդամենը միջամտել է՝ ասելով, որ չի կարելի կնոջը վիրավորել, որից հետո տուժողն արդեն սկսել է վիրավորանքներ ուղղել Գարեգին Բաղդասարյանին, ապա՝ մոտեցել է Բաղդասարյանին և խեղդելուն ուղղված գործողություն կատարել: Գարեգին Բաղդասարյանը ոչ թե դանակով հարվածել է, այլ՝ փորձել է վնաս պատճառել և ազատվել: Ընդամենը սա է եղել: Ընդ որում, այնպես չէ, որ Գարեգին Բաղդասարյանի մոտ գտնվող դանակը որսորդական կամ մեծ դանակ էր, որը վնաս պատճառելու ունակ էր, սովորական կենցաղային դանակ էր, որը և՛ պատառաքաղ է, և՛ գդալ, և՛ բացիչ է, և՛ դանակ: Բաղդասարյանը պահակ է աշխատում, իր պահակության համար անհրաժեշտ գործիք է եղել: Այս ամենը խոսում է այն հանգամանքի օգտին, որ ունենք մահ, բայց ոչ`սպանության հետևանքով»:
Հեղինակ՝ Իզաբել Սահակյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/04/2024 08:35 «Մի բարձի աշխատեք» պետական համակարգում․ «Ժողովուրդ»
- 05/04/2024 08:32 Ոստիկանը պետք է լավ վարձատրվի և լավ հագնվի․ «Հրապարակ»
- 05/04/2024 08:28 Հանձնաժողովի անդամները կասկածելիորեն անհայտ դատավորներ են եղել․ ԲԴԽ անդամ է դարձել Ռոբերտ Քոչարյանին կալանավորած Արմեն Դանիելյանը․ «Ժողովուրդ»
- 05/04/2024 08:26 Փաշինյանը սեփական անվտանգությանը վերաբերվում հիվանդագին լրջությամբ․«Հրապարակ»
- 05/04/2024 08:21 Եթե իշխանությունը գովերգում է ՄԻՊ-ին, ի՞նչ է դա նշանակում. «Փաստ»
- 05/04/2024 08:18 Գեղարքունիքի մարզպետ, թե՞ Մոսկվայի ուսանող․ «Ժողովուրդ»
- 05/04/2024 08:15 Ինչու են ընդդիմադիր պատգամավորները հրաժարվել գործուղումներից․«Հրապարակ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/06/2024 12:10 Սա կարող է դառնալ այն շարժումը, որը պետք է ապահովի խաղաղություն երկրի ներսում և խաղաղություն երկրի սահմաններին. Վահե Հովհաննիսյան
- 05/06/2024 10:35 Բագրատ արքեպիսկոպոս Գալստանյանի նկատմամբ իշխանության ակնհայտ ուղղորդմամբ տարվում է վիրավորանքների ամոթալի արշավ. Թաթոյան
- 05/06/2024 10:21 Իշխանությունը հավանական սահմանային սադրանքները փորձում է նախապես ջարդել շարժման առաջնորդ Բագրատ սրբազանի վրա. Աբրահամյան
- 05/03/2024 11:30 «Սահմանազատումից» հետո Կիրանցի նոր կառուցվող դպրոցի շենքը ադրբեջանցիներից հեռու է լինելու 150-160 մ
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն