Փաստ ինֆո

«Ադրբեջանի իշխանությունը մեր առջև 5 կետից բաղկացած մի փաստաթուղթ է դրել, որն, ըստ էության, վերջնագիր է։ Ինչպես որ 1,5 ամիս առաջ էր Փաշինյանը պատրաստվում ստորագրել այդ փաստաթուղթը, ճիշտ նույն կերպ, նա պատրաստվում է դա անել հենց հիմա»,- «Փաստինֆո»-ի լրատվականի հետ զրույցում ասել է Շիրակի համալսարանի դասախոս, «Քաղաքացիական պայմանագիր» կուսակցության համահիմնադիր Արթուր Համբարձումյանը ու նշել, որ ընդդիմության նախաձեռնած այս ողջ պայքարի ընթացքում, որևէ լիդերի կողմից, այդպես էլ, չի լսել համապարփակ մի ելույթ կամ պարզաբանում, որ մեզ՝ սովորական քաղաքացիներիս, կներկայացներ, օրինակ, այդ ողջ փաստաթղթի վտանգները, հետևանքներն ու ռիսկերը, ինչի առիթով, ի դեպ, այդ ընդդիմությունը, դեռևս ապրիլ ամսին, դուրս եկավ պայքարի։

Նրա փոխանցմամբ՝ ասում են, թե Իշխան Սաղաթելյանն այս պայքարի առաջնորդն էր և այդ մասին մի մարդ չէր ասում, այլ՝ մի քանիսը։ «Հիմա պետք է ենթադրել, որ, լինելով ընդդիմության առաջնորդ, դու նաև պոտենցիալ վարչապետ ես։ Հետևաբար, ես այդ մարդուն բազմիցս հրապարակային հարցադրումներ են ուղղել, օրինակ՝ առերևույթ թուրքական գործակալ Արարատ Միրզոյանը զբաղեցնում է ՀՀ արտաքին գործերի նախարարի պաշտոնը։ Հիմա, ի՞նչ է մտածում Իշխան Սաղաթելյանը՝ Նիկոլի Կառավարությունում կա գործակալ, ու Նիկոլն այդ մասին չգիտի՞ կամ հնարավո՞ր է արդյո՞ք, որ Միրզոյանը կարող է լինել ԱԱԾ գործակալ, իսկ Նիկոլը՝ ո՞չ… Ընդդիմության առաջնորդին, այսինքն, ապագա վարչապետին հարց եմ տալիս՝ ինչո՞ւ այս ողջ ընթացքում դու որևէ անգամ չբարձրացրեցիր այդ հարցը։ Էլ չեմ խոսում այն մասին, որ վերոհիշյալ 5 կետերի վերաբերյալ ինքը պետք է ունենար լուրջ քաղաքագիտական ելույթ, հրապարակում հավաքված մարդկանց բացատրելու համար այդ երևույթի ողջ պատճառահետևանքային կապերն ու ողբերգությունը։ Հասկանո՞ւմ եք՝ սրանք դեռ մինիմում բաներն են, որ մարդկանց փողոց հանած ընդդիմությունը պարտավոր էր անել, բայց չի արել»,- ասել է Համբարձումյանը։

Նիկոլ Փաշինյանի երեկ Ազգային Ժողովում հանդես էր եկել հերթական վիճահարույց ելույթով, որով վերջինս փորձում էր համոզել, թե Արցախն Ադրբեջանի կազմ մտցնելու համար ժամանակին էական քայլեր են կատարել, հենց, նախկին ղեկավարներ Ռ. Քոչարյանն ու Ս. Սարգսյանը։ Նույն ելույթում վարչապետ աշխատող անձը հայտարարել էր նաև, որ Խաղաղության դարաշրջանի բացումը դեռևս երաշխիք չէ, որ Հայաստանում առաջիկայում խաղաղություն է տիրելու, Արթուր Համբարձումյանը նկատում է՝ Փաշինյանն, ինքն իրենով, խաղաղության հետ որևէ կապ կամ աղերս չունի և երբեք էլ չի ունեցել. «Փաշինյան Նիկոլը դավադիր, խառնակիչ, կռիվ ստեղծող և այդ կռվից թռնող անձնավորություն է։ Այստեղ երկու կարծիք լինել չի կարող։ Հիմա էլ՝ նա նոր պատերազմ է բերում մեր գլխին ու էլի թռնում է։ Այլ կերպ ասած՝ խաղաղությունն ու Փաշինյան Նիկոլն իրար հետ, ուղղակի, զավեշտ է։ Երբ Նիկոլ Փաշինյանը սկսում է խոսել խաղաղությունից, դա նույնն է, որ, ասենք, 50- ամյա վաստակով պոռնիկը խոսի բարոյականությունից։

Անցնելով փաշինյանական հաջորդ մտքին, թե՝ Արցախը նախկինների օրոք է հանձնվել Ադրբեջանին, Արթուր Համբարձումյանը նկատում է՝ Արցախի ներկա ստատուս քվոն ձևավորվել է, ոչ թե նախկինների վարած բանակցությունների արդյունքում, այլ 44 օրյա պատերազմի հետևանքով, որի պատճառով նաև հազարավոր երիտասարդ տղաներ պառկած են հողի տակ։ Հետևաբար, ի՞նչ նախկինների մասին կարող է խոսք լինել. «Սա գնում, արխիվները փորփրում, ինչ – որ անհասկանալի փաստաթղթերի կտորտանքներ է գտնում ու վազում ամբիոնների մոտ հայտարարելու, թե նախկիններն այս են արել, այն են արել և այլն… Հիմա էլ, պարզվում է՝ Արցախն են հանձնել նախկինները։ Իրականությունը, սակայն, այն է, որ այս մարդը պետությունը մտցրեց դավադիր պատերազմի մեջ և հիմա կանգնել հայտարարում է, թե նախկիններն են դրա մեղավորը, հետն էլ ավելացնում է, թե Ադրբեջանի տարածքային ամբողջականության հետ ինքը ոչ մի խնդիր չունի…Սրանով նա բոլորիս էշի տեղ է դնում, իսկ նպատակն է՝ մոլորեցնել հիմար մարդկանց ու ողբերգությունը գցել նախկինների վզին։ Այլ կերպ ասած՝ սա նրա հերթական կեղտոտ, նենգ վարքն է, որ խիստ բնորոշ է իրեն»։

Ամփոփելով զրույցն ու ստեղծված իրավիճակը, Արթուր Համբարձումյանը միայն մեկ իրատեսական ելք է տեսնում՝ ինչո՞ւ են պարապուրդի մատնվել հոգեբույժներն ու ԱԱԾ աշխատակիցները և այս աստիճան բարձիթողի վիճակի հասցրել իրենց անտերին՝ Փաշինյան Նիկոլին…

Աղբյուր` Փաստինֆո