ԲՈԼՈՐ ՆՅՈՒԹԵՐԸ
Դատավոր Գագիկ Պողոսյանը «պետպատվերի շրջանակներում» Արսեն Ղազարյանին կալանավորելու որոշում է կայացրել՝ առանց պաշտպանների կողմից ներկայացված փաստաթղթերին ծանոթանալու 09/14/2021 20:51 | ԼՐԱՀՈՍ
![](https://www.pastinfo.am/news_images/424/1269630_1/f6140d322b6c5e_6140d322b6ca2.thumb.jpg)
Հադրութի շրջանի Հին Թաղեր և Խծաբերդ գյուղերի հանձնման և 62 շիրակցիների գերեվարման գործով մեղադրյալ փոխգնդապետ Արսեն Ղազարյանը կկալանավորվի։
Երևանի ընդհանուր իրավասության դատարանը՝ դատավոր Գագիկ Պողոսյանի նախագահությամբ, բավարարել է Արսեն Ղազարյանի նկատմամբ կալանավորումը որպես խափանման միջոց ընտրելու մասին քննիչի միջնորդությունը։ Այս մասին «Փաստինֆո»-ի հետ զրույցում հայտնեց փաստաբան Վահան Հովհաննիսյանը։
Նշենք, որ սա Արսեն Ղազարյանին կալանավորելու երրորդ «փորձն» էր, քանի որ առաջին ատյանի դատարանները երկու անգամ արդեն մերժել էին կալանավորման միջնորդությունները, ընդ որում, որոշումներից մեկը դատարանը կայացրել էր օրերս՝ օգոստոսի 31-ին։ Վարույթն իրականացնող մարմինը լրացրել է Ղազարյանի մեղադրանքը և նոր միջնորդություն ներկայացրել դատարան՝ նրա նկատմամբ կալանավորումը որպես խափանման միջոց ընտրելու մասին։
Կալանավորելու երրորդ միջնորդությունը բավարարվել է Երևանի ընդհանուր իրավասության դատարանի դատավոր Գագիկ Պողոսյանի կողմից։
Փաստաբան Վահան Հովհաննիսյանը «Փաստինֆո»-ի հետ զրույցում հայտնեց, որ այժմ Ղազարյանը գտնվում է «Արմենիա» ԲԿ-ում, իսկ ապաքինվելուց հետո կտեղափոխվի ՔԿՀ։ Ինչ վերաբերում է դատարանի որոշմանը, ապա, նրա խոսքերով, օգոստոսի 31-ին դատարանի որոշումից հետո որևէ ի հայտ եկած նոր հանգամանք, որևէ նոր հիմք չէր ներկայացվել և, ըստ էության, առաջին ատյանի դատարանը հակասել է առաջին ատյանի դատարանի որոշմանը։ Այսինքն, ունենք երկու իրավաչափ որոշում, որոնցից մեկով Երևան քաղաքի ընդհանուր իրավասության դատարանը մերժել է միջնորդություն, մյուս դեպքում՝ բավարարել։
«Որոշումը պետպատվերի շրջանակներում կայացված որոշում էր, քանի որ ի սկզբանե պարզ էր, որ միջնորդությունը ներկայացվել է այն ժամանակահատվածում, երբ հերթապահում էր Երևանի ընդհանուր իրավասության դատարանի «Կենտրոն» նստավայրը և մակագրվել է դատավոր Գագիկ Պողոսյանին, որը հանրությանը հայտնի է իր վարքագծով՝ իր կողմից կայացված որոշումներով»,- նշեց Հովհաննիսյանը՝ հավելելով, որ ցավալի է, որ նախաքննության ավարտական փուլում որոշում է կայացվել Ղազարյանին կալանավորելու մասին, երբ վեց ամսվա ընթացքում բոլոր դատարանները գտել են, որ կալանավորման հիմքերը չկան, որ Արսեն Ղազարյանի կողմից վարքագծային խախտումներ չկան։
Բացի այդ՝ Հովհաննիսյանը հայտնեց, որ դատարանն արգելել է պաշտպանական կողմին՝ ի հիմնավորումն իր կողմից ներկայացված առարկությունների և դիրքորոշումների՝ ներկայացնել համապատասխան փաստաթղթեր և դատարանի՝ նման արձանագրումը ՀՀ իրավական պատմության մեջ նախադեպային է։
«Այսպիսի բան չի նախատեսում ոչ Քրեական դատավարության օրենսգիրքը, ոչ՝ առկա է իրավական ակտ կամ նախադեպային որոշում։ Պատկերացնու՞մ եք՝ մենք բերում ենք փաստարկներ, վկայակոչում ենք հիմնավորումներ և դատարանը պարզապես հրաժարվում է ընդունել մեր կողմից ներկայացվող փաստերը։ Ես չգիտեմ սրան ինչ գնահատական տամ»,- նշեց Հովհաննիսյանը՝ հավելելով, որ դատական նիստի ընթացքում ևս հայտարարել են, որ իրենց մասնակցությունը՝ դատական նիստին ավելորդ էր, քանի որ ի սկզբանե արդեն իսկ ամեն ինչ որոշված էր։
Ընդ որում՝ դատարանը հրաժարվել է ընդունել պաշտպանության կողմի ներկայացրած փաստաթղթերը՝ նշելով, թե իրավունք չունի ընդունելու որևէ փաստաթուղթ այն դեպքում, երբ նախկինում դատարաններն, այդ թվում՝ Վերաքննիչ քրեական դատարանը, ընդունել են ներկայացված փաստաթղթերը։
«Այսինքն՝ եթե ընդունում ենք, որ Գագիկ Պողոսյանի կայացրած որոշումը՝ փաստաթղթերը չընդունելու վերաբերյալ՝ ճիշտ է, հետևաբար, նախկին երկու անգամ փաստաթղթերն ընդունած Երևան քաղաքի ընդհանուր իրավասության դատարանի դատավորները և Վերաքննիչ քրեական դատարանի դատավորը թույլ են տվել կարգապահական խախտումներ, որի համար ենթակա են կարգապահական պատասխանատվության, այլապես՝ խիստ կարգապահական պատասխանատվության պետք է ենթարկվի Գագիկ Պողոսյանը»,- նշեց Հովհաննիսյանը՝ հավելելով, որ Գագիկ Պողոսյանի նկատմամբ կարգապահական վարույթ հարուցելու վերաբերյալ միջնորդություն են ներկայացնելու, քանի որ այն հայտարարությունները, որը կատարեց Գագիկ Պողոսյանն այսօրվա դատական նիստի ընթացքում, ակնհայտորեն վկայում են այն մասին, որ ինքն ունի կողմնակալ վերաբերմունք՝ պաշտպանական կողմի նկատմամբ և անգամ չէր թաքցնում, որ նպատակադրված է բավարարելու վարույթն իրականացնող մարմնի միջնորդությունը։
Փաստաբանի դիտարկմամբ՝ Գագիկ Պողոսյանը նույնիսկ ուրախ կլինի, որ իր՝ իշխանահաճո լինելու մասին հրապարակումներ գտնեն։
Արսեն Ղազարյանին կալանավորելու մասին որոշումը դատարանը տրամադրել է անմիջապես, ըստ փաստաբանի, նախապես երևի պատրաստ էր։ Դատական ակտում որևէ փաստական հանգամանքի վկայակոչում չի կատարվել, վկայակոչվել են նախադեպային որոշումները, ՄԻԵԴ հայտնած իրավական դիրքորոշումը և վերջում որոշել է, որ Արսեն Ղազարյանը պետք է կալանավորվի, մինչդեռ, դատական նիստը տևել է չորս ժամ՝ առանց որևէ ընդմիջման, իսկ մի քանի էջից կազմված որոշումը կայացվել է երկու ժամում, որտեղ, փաստաբանի փոխանցմամբ, որևէ փաստական հանգամանք չի վկայակոչվել։
«Պարզապես կար պետպատվեր՝ միջնորդությունը բավարարելու, ինքն էլ կատարել է պետպատվերը»,- նշեց Հովհաննիսյանը։
Դատարանը հավանական է համարել գործի քննությանը խոչընդոտելու հիմքը, սակայն փաստաբանի խոսքով, չի հիմնավորվել, թե գործում առկա որ փաստական տվյալներից է ողջամիտ համարվում այդ ռիսկը, պարզապես նշվել է, որ Ղազարյանը հանդիսացել է փոխգնդապետ և դա բավարար է ենթադրելու, որ նա, ազատության մեջ գտնվելով, կազդի դատավարությանը մասնակցող անձանց վրա՝ այն դեպքում, երբ արդեն վեց ամիս է, ինչ Ղազարյանին մեղադրանք է առաջադրվել և նրա նկատմամբ որպես խափանման միջոց է կիրառվել ստորագրությունը՝ չհեռանալու մասին, այդ վեց ամիսների ընթացքում որևէ խոչընդոտման փորձ չի եղել։ Փաստաբանը վկայակոչեց ՄԻԵԴ համապատասխան դիրքորոշումը, համաձայն որի՝ կալանավորման հիմքերից խոչընդոտման ռիսկը միակն է, որը հետզհետե նվազում է՝ նախաքննության ավարտական փուլին մոտենալիս։
«Նախաքննության ավարտական փուլում միայն խոչընդոտման ռիսկն է քննարկվել և դատարանը միայն այդ ռիսկը բավարար է համարել՝ նախաքննության ավարտական փուլում։ Ես չգիտեմ սա ինչ ժանրից է, ինչ ոլորտից է, բայց միանշանակ է՝ սա իրավական չէ»,- նշեց Հովհաննիսյանը՝ հավելելով, որ պատրաստվում է վերաքննիչ բողոք ներկայացնել՝ հույս ունենալով, որ Ղազարյանն ազատ կարձակվի։
Ինչ վերաբերում է գերությունից վերադարձած շիրակցիների ցուցմունքներին, ապա կան ցուցմունքներ, որոնք, ըստ էության չեն հակասում Արսեն Ղազարյանի ցուցմունքներին, որ հարձակման պահին կապն անջատված է եղել և անգամ վերադարձած գերիներն են ասում, որ հարձակման պահին հնարավորություն չեն ունեցել Արսեն Ղազարյանի հետ կապ հաստատելու։ Ըստ նրանց ցուցմունքների՝ իրենք հրաման են ստացել Արսեն Ղազարյանից՝ նահանջելու վերաբերյալ, սակայն ոչ թե անմիջականորեն, այլ՝ այն անձանց միջոցով, որոնք այժմ գտնվում են գերության մեջ։
«Իբր միջնորդավորված հրաման են ստացել Արսեն Ղազարյանից՝ դիրքերից նահանջելու և միանալու Արսեն Ղազարյանի ղեկավարած ստորաբաժանմանը, սակայն այդ ընթացքում մարտական գործողությունների ընթացքում գերեվարվել են »,- նշեց Հովհաննիսյանը։
Ի դեպ, ըստ քրեական գործում առկա ցուցմունքների, վերջիններս գերեվարվել են 5-7 ադրբեջանցու կողմից՝ առանց դիմադրության, թեև եղել են ամբողջությամբ զինված։
Հիշեցնենք, որ Հադրութի շրջանի Հին Թաղեր և Խծաբերդ գյուղերում 62 հայ զինծառայող գերության մեջ է հայտնվել պատերազմից հետո, իսկ գյուղերն էլ հայտնվել են ադրբեջանական վերահսկողության ներքո։ Դեպքի առթիվ հարուցված քրեական գործով մեղադրանք է առաջադրվել փոխգնդապետ Արսեն Ղազարյանին՝ ՀՀ քրեական օրենսգրքի 361-րդ հոդվածի 7-րդ մասով, 356-րդ հոդվածի 3-րդ մասով, 376-րդ հոդվածի 3-րդ մասով և 380-րդ հոդվածի 1-ին մասով՝ ռազմական դրության պայմաններում ծառայության վարն ինքնակամ լքելու, ռազմական դրության պայմաններում հրամանը չկատարելու, ռազմական դրության պայմաններում ծառայության նկատմամբ անփույթ վերաբերմունք ցուցաբերելու և մարտի ժամանակ մարտադաշտն ինքնակամ լքելու կամ զենքով գործելուց հրաժարվելու հատկանիշներով։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
![](https://www.pastinfo.am/video_images/12/35380_1/f668804d9f1d6c_668804d9f1dac.jpg)
Տեսադարան
![](https://www.pastinfo.am/cache_image/album_main_images/1/6806/mhm0156502.thumb-270x158.jpg)
Մամուլ
- 07/26/2024 08:36 Փաշինյանը քայլեր է անում, որոնք քննադատում էր ընդդիմադիր եղած ժամանակ. «Հայկական ժամանակ»-ը պատկանում է վարչապետի զոքանչին. «Ժողովուրդ»
- 07/26/2024 08:31 Հսկողությունը հանձնվել է տեսչական մարմնին. «Հրապարակ»
- 07/26/2024 08:27 Տավուշը հանուն հայրենիքի» շարժումը նախընտրական արշա՞վ է սկսել. «Հրապարակ»
- 07/26/2024 08:19 Երկրում կուսակցաշինական բում է. նախընտրական շրջանի շունչ է զգացվում. «Հրապարակ»
- 07/26/2024 08:11 Կյանքը՝ Կիրանցում. 7 հոգի հրաժարվե՞լ է փոխհատուցումից. «Հրապարակ»
- 07/26/2024 08:05 Բուհերում թափուր տեղեր են մնացել, իսկ նախարարությունը արհեստական Ակադեմիական քաղաքի ծրագիրն է առաջ տանում. «Ժողովուրդ»
- 07/26/2024 08:01 515.430 արձանագրություն 25 օրում. քաղաքացին «տուգանքի մատերյալ է», իսկ ՔՊ-ականները անձեռնմխելի. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 07/23/2024 20:11 Պատահական չէ՝ երբ մեր իշխանությունները փորձում են ինչ-որ շեղում կատարել դեպի ռուսական հարթակ՝ Արևմուտքից հանկարծ հիշեցնում են կոկաինի պատմությունը. Ձյունիկ Աղաջանյան
- 06/30/2024 16:26 Սառցապատ Արարատից հրաբուխ է ժայթքելու, սա խորհրդանշելու է հայոց վերելքը․ Աշոտ դպիր Արևշատյան
- 06/19/2024 13:30 Փողոցով իշխանության գալը ՔՊ֊ի մենաշնորհն է, մյուսներին հակացուցված է
- 06/03/2024 20:11 Էն մարտավարությունը, որ կար նախկինում, երբ մեկ ոստիկանի ցուցմունքով մարդկանց կալանավորում էին, Սրբազանի շնորհիվ փոխվեց. Հարությունյան (տեսանյութ)
Մեկնաբանություն
- 07/26/2024 18:47 Հետամուտ եմ լինելու նման վարք ունեցող մանկավարժներին ժամ առաջ մեր մանկապարտեզներից մաքրելու գործին. Գարիկ Սարգսյան
- 07/26/2024 18:18 Սյունիքի ճանապարհին պատահաբար նկատեցի, որ Երասխի հատվածում մեր հենակետի վրա այլևս ծածանվում է թշնամու դրոշը. Ասլանյան
- 07/26/2024 15:17 Մինչև ո՞ւր ենք իջեցնելու կրթության և գիտության նշանձողը. գիտական կոպիտ սխալներ ունեցող այս դասագիրքը հաղթել է. Կրթության փորձագետն ահազանգում է
- 07/26/2024 13:00 Կառավարությունը վաղաժամկետ դադարեցրել է սահմանամերձ գյուղերում պետական աջակցությամբ տների կառուցման ծրագիրը. Ոսկան Սարգսյան
Արխիվ
Արտակարգ պատահարներ
- 07/26/2024 19:56 Պարեկները վնասազերծել են «Գազել»-ի ուղևորին․ նրա մոտ ատրճանակ ու գաղտնի փականով դանակներ են եղել
- 07/26/2024 18:26 Վերին Խոտանան գյուղի եկեղեցու մոտ բեռնատարը խցանել է ճանապարհը
- 07/26/2024 17:48 Թիավարելով՝ մոտ 200 մետր հեռացել են ափից ու չեն կարողացել վերադառնալ
- 07/26/2024 16:25 Ավտոմեքենան արգելափակվել է Ապարանի ջրամբարի ջրի մեջ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 07/25/2024 23:47 Երգեք լոգարանում. հայտնի են ամենօրյա պարզ սովորությունները, որոնք օգնում են խուսափել դեմենցիայից
- 07/25/2024 22:13 70-ամյա տղամարդը 5 օր գոյատևել է վայրի բնության մեջ՝ առանց սննդի և ջրի
- 07/25/2024 17:11 Տղամարդը մարգարեական երազի շնորհիվ միլիոն դոլար է շահել
- 07/25/2024 16:18 Ամենասեքսուալ օլիմպիադան. Ֆրանսիայի իշխանությունները մրցումների մասնակիցներին 300 հազար պահպանակ են տրամադրել
Հետաքրքիր է իմանալ
- 07/26/2024 16:23 Պարզվում է՝ Ֆրանսիայի տարածքի չափեր ունեցող անտարկտիկական սառցադաշտը անընդհատ ճոճվում է
- 07/24/2024 14:01 Լուսնի հողաշերտում ջրի հետքեր են հայտնաբերվել
- 07/20/2024 19:45 Թմրանյութերը, ալկոհոլը և ծխախոտը կարող են տկարամտության պատճառ դառնալ
- 07/19/2024 16:22 Որքան մեծ է արեգակնային ակտիվության հետևանքով կատակլիզմների հավանականությունը Երկրի վրա