Փաստ ինֆո

Լեռնային Ղարաբաղում ռուս խաղաղապահ զորախմբի զինծառայողները շարունակում են մարդասիրական և բժշկական օգնություն ցուցաբերել Արցախի օկուպացված տարածքներից տեղահանված անձանց: Այս մասին հայտնում է ՌԴ ՊՆ-ն:

ՌԴ հատուկ նշանակության բուժմիավորման նյարդաբանը ծանոթացել է Ստեփանակերտի բնակիչ Ելենա Գրիգորյանի առողջական խնդիրներին, այնուհետև բժշկական հետազոտություն կատարել և համապատասխան խորհրդատվություն արել.

«Հիվանդը հետազոտվել է, հայտնաբերվել են անամնեզ, ուսումնասիրվել են փաստաթղթերը, տրվել են հետազոտության և բուժման առաջարկություններ, հիվանդի հետազոտության արդյունքներից կախված՝ կրկնակի հետազոտություն կկատարվի»,- ասել է ռուս խաղաղապահ զորախմբի բժշկական ստորաբաժանման բժիշկ Պյոտր Բուլավինովը:

«Ես ուզում եմ շնորհակալություն հայտնել ռուս խաղաղապահներին և բժիշկներին՝ինձ բուժօգնություն ցույց տալու համար: Ես դիմել էի ռուսական խաղաղապահ զորախմբի ընդունելության կենտրոն ՝ բուժօգնություն ցուցաբերելու խնդրանքով, նրանք ասացին, որ խաղաղապահները լավ բժիշկներ ունեն, ուստի ես դիմեցի՝ բուժօգնության համար»,-ասել է Ստեփանակերտի բնակիչ Ելենա Գրիգորյանը:

Մարդասիրական արձագանքման կենտրոնի աշխատակիցներն անհատական մոտեցում են ցուցաբերում բնակիչներին: Բնակիչներին տրվում են առաջին անհրաժեշտության իրեր` հագուստ, կոշիկ՝ երեխաների և մեծահասակների համար, լվացքի փոշի, գազայրիչներ, խոհանոցային պարագաներ, սնունդ, անկողնային պարագաներ, բարձեր, ծածկոցներ, հիգիենայի պարագաներ, մանկական խաղալիքներ, ինչպես նաև անհատական բժշկական օգնության փաթեթներ:

Ընդհանուր առմամբ, 2020 թվականի նոյեմբերից մինչ օրս ավելի քան 6,5 հազար կարիքավոր տեղահանվածներ, որոնք հայտնվել են կյանքի դժվարին իրավիճակներում, հումանիտար և բժշկական օգնություն են ստացել ռուս խաղաղապահներից:

Աղբյուր` Փաստինֆո