ՔՊ-ն խորհրդարանում սահմանադրական մեծամասնություն չի ունենա. Միանձնյա որոշումներ կայացնելու հարցում ընդդիմության մանդատները զսպող մահակ կհանդիսանան. Հայրապետյան

ԲՈԼՈՐ ՆՅՈՒԹԵՐԸ

Բոլորը

04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ» 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 19:23 Երեխան դրոշով պաշտպանվում է ոստիկանից 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 07:34 Հովիկ Աղազարյանի կինը «աշխատում է» քաղաքի տարբեր ծայրամասերում. արտասովոր․ «Ժողովուրդ» 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/27/2024 11:38 2018-ին փողոց դուրս եկած զինծառայողները ոչ թե զուտ ողջունում էին, այլ կոնկրետ մասնակցում հակաիշխանական բողոքի երթին. Աբրահամյան 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ» 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 21:45 Վաղը այս հասցեներում լույս չի լինի 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 21:58 Ավտովթար Երևան-Սևան ավտոճանապարհին 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում

ՔՊ-ն խորհրդարանում սահմանադրական մեծամասնություն չի ունենա. Միանձնյա որոշումներ կայացնելու հարցում ընդդիմության մանդատները զսպող մահակ կհանդիսանան. Հայրապետյան 06/28/2021 15:00 | ԼՐԱՀՈՍ

«Հայաստան» դաշինքը Սահմանադրական դատարան է դիմելու առհասարակ ընտրության արդյունքներն անվավեր ճանաչելու պահանջով, - «Փաստինֆո»-ի հետ զրույցի ժամանակ ասաց իրավաբան, «Հայաստան» դաշինքի անդամ Ռոբերտ Հայրապետյանը՝ հավելելով, որ դիմումը գտնվում է դեռ նախապատրաստական փուլում։

Ռոբերտ Հայրապետյանը նկատեց՝ պարբերաբար խոսվում է այն մասին, որ ՍԴ-ն որևէ ընտրության դեպքում չի կայացրել ընտրության արդյունքներն անվավեր ճանաչելու վերաբերյալ որոշում, սակայն իրավաբանի կարծիքով այս դեպքը տարբերվում է նախորդներից։
Նրա խոսքով առաջին անգամ է, երբ նախքան ՍԴ դիմելն արդեն առկա է Վարչական դատարանի որոշում, որտեղ հստակ սահմանված է, որ «Քաղաքացիական պայմանագիր» կուսակցությունն ընտրությունների ընթացքում չարաշահել է վարչական ռեսուրսը. «Այսինքն առնվազն վարչական ռեսուրսի մասով ունենք հաստատված դատական ակտ, որը ՍԴ-ի համար պետք է հիմք հանդիսանա։ Կարծում եմ՝ գոնե այս կետով ՍԴ-ն պետք է որևէ քայլ կատարի»,-ասաց Ռոբերտ Հայրապետյանը։

Վերջինս նշեց, որ ներկայացնելու են ոչ միայն վարչական ռեսուրսի չարաշահման, այլև ընտրական տեղամասերում մի շարք ընտրախախտումների վերաբերյալ ապացույցներ։ Ռոբերտ Հայրապետյանը մանրամասնեց՝ անգամ ԶԼՄ-ներում են տարածվել տեսանյութեր, որտեղ երևում է, որ օրինակ զինծառայողները գնում են քվեարկության և ընտրատեղամասում ներկա է լինում նաև ռազմական ոստիկանության ներկայացուցիչը։

«Ինձ համար առնվազն կասկածելի է, թե ի՞նչ իրավական հիմքով է ռազմական ոստիկանության ներկայացուցիչը զինվորների քվեարկության ժամանակ ընտրատեղամասում գտնվում և առհասարակ իրավասություն ունի՞ այնտեղ գտնվելու։ Արդյոք դրանք որևէ կերպ արձանագրվել են, արդյոք դիտորդական կազմակերպությունները կամ օրինակ հանձնաժողովի անդամներն առարկել են այդ մարդու այնտեղ գտնվելու փաստի առթիվ։ Ընդ որում` խոսքը միայն մեկ ընտրատեղամասի մասին չէ։ Կան նաև տեսանյութեր, որտեղ ակնհայտ երևում է, որ 3-րդ համարի քվեաթերթիկն օրինակ ծրարի մեջ համարյա դրված վիճակում է տրվում։ Կան նաև մի շարք արձանագրություններ և զեկույցներ դիտորդական կազմակերպությունների կողմից, որոնք փոխանցվել են մեզ։ Դրանցում մի շարք խնդրահարույց փաստեր են արձանագրվել նաև հենց զինծառայողների քվեարկության հետ կապված։ Մտահոգիչ փաստեր ունենք նաև մինչև ընտրության օրը տպագրված անձնագրերի քանակի վերաբերյալ»,- նշեց Ռոբերտ Հայրապետյանը։

Վերջինս ամեն օր ահազանգ է ստանում արտերկրում բնակվող մեր քաղաքացիներից, որոնք, աչալրջություն դրսևորելով, հետևել են ԿԸՀ-ի կայքում հրապարակված ստորագրված ցուցակներին և բարձրաձայնել են, որ օրինակ իրենք ընտանիքով ՀՀ-ում չեն գտնվել, բայց հրապարակված ցուցակներում նրանց անվան կողքին կա ստորագրություն և հերթական համարի կնիք։ Իրավաբանի խոսքով սրանք նույնպես հարցեր են, որոնց պատասխանը ՍԴ-ն պետք է տա։

Անդրադառնալով այս պահի դրությամբ արդեն իսկ բաշխված մանդատներին՝ Ռոբերտ Հայրապետյանը նշեց, որ ընդդիմությունը ձայների այս հարաբերակցությամբ կազմում է խորհրդարանի ուղիղ 1/3-ը, իսկ ՔՊ-ն 107 պատգամավոր ունեցող խորհրդարանում 71 մանդատով սահմանադրական մեծամասնություն չի ունենում։

«Դեռ չգիտենք, թե ՍԴ-ն ինչ որոշում կկայացնի։ Միգուցե մանդատների բաշխումների այնպիսի կարգ սահմանի, որի կիրառման արդյունքում ՔՊ-ն օրինակ կորցնի նաև 3/5-ը։ Այս պահի դրությամբ ՔՊ-ն ԱԺ-ում 2/3-ը չի ապահովելու։ Սահմանադրական օրենքներում փոփոխություններ կարող են կատարել, որովհետև դրանք փոփոխվում են 3/5 ձայների հարաբերակցությամբ, բայց օրինակ չեն կարող փոփոխություն կատարել ՀՀ Սահմանադրության մեջ, մինչդեռ նախորդ գումարման խորհրդարանում կարողացել են դա անել»,-ասաց Ռոբերտ Հայրապետյանը։

Եթե ձայներն այսպիսի հարաբերակցությամբ մնան, ապա իրավաբանի խոսքով ՔՊ-ն առանց ընդդիմադիր խմբակցության ձայների չի կարողանալու նաև ՀՀ նախագահին պաշտոնանկ անել։ Մինչդեռ ընդդիմությունը կարող է ձևավորել քննիչ հանձնաժողովներ, այդ թվում 44-օրյա պատերազմի հետևանքները քննող։ Ընդ որում՝ ընդդիմության ձայները բավարար են, որ կարողանան առանց իշխանական խմբակցության ձայների ցանկացած խնդրահարույց օրենքի ընդունումից հետո ՍԴ դիմեն։

«Ըստ էության նախկին խորհրդարանում ընդդիմությունն այդ հնարավորություններից զրկված է եղել՝ անկախ նրանից այդ ընդդիմությունն իշխանամետ է եղել, թե իրական ընդդիմություն է եղել։ Միանձնյա որոշումներ կայացնելու հարցում ընդդիմության մանդատները լրջագույն զսպող մահակ են հանդիսանալու, և ՔՊ-ն նախորդ խորհրդարանի նման լայնարձակ լիազորություններ չի ունենալու, որ ինչ ուզի՝ անի»,-ասաց Ռոբերտ Հայրապետյանը։

Չի բացառվում նաև, որ ՍԴ-ն օրենքով իրեն տրված լիազորությունների շրջանակում կայացնի այնպիսի որոշում, որի եզրափակիչ մասում կամրագրի՝ ճանաչել ընտրություններն անվավեր և սահմանել մանդատների բաշխման նոր կարգ, ինչի արդյունքում արդեն ԿԸՀ-ն նոր որոշում կկայացնի ընտրությունների արդյունքում մանդատների բաշխման մասին։

Աղբյուր` Փաստինֆո