Փաստ ինֆո

Փաշինյանն ամեն օր հայտարարում է, թե ինչքան ձայն է ուզում ստանալ, ընտրություններից առաջ դա նորմալ է, բայց մենք այդ ժանրի մեջ երբեք չենք եղել, և չենք էլ մտնելու: Մենք ակնկալում են ժողովրդի աջակցությունը և քվեն, որը Հայաստանին կբերի հանգստություն, մենք միակ ուժն ենք, որ ունենք հնարավորություն այդ հանգստությունը բերելու: Այս մասին լրագրողների հետ զրույցում ասաց «Լուսավոր Հայաստան» խմբակցության պատգամավոր Էդմոն Մարուքյանը:

«Ներկա և նախկին իշխանությունների հաղթելու դեպքում համերաշխություն չենք ունենալու, թող ժողովուրդը որոշի, եթե ուզում է համերաշխություն, կա այլընտարնք, եթե չի ուզում համերաշխություն, ուրեմն այս ղալմաղալը, գոռգոռոցները, կիսահայհոյախառն հայտարարությունները շարունակվելու են, դրա արդյունքում թուրքերն էլ են մտնելու մեր սահման, ինչ ասես լինելու է»,-ասաց ԼՀԿ ղեկավարը:

Լրագրողի հարցին՝ արդյո՞ք երաշխիք կա, որ Նիկոլ Փաշինյանը մինչև ընտրությունները նոր փաստաթուղթ չի ստորագրելու, ինչն էլ նաև եղել է ԱԳ նախարարի հրաժարականաի պատճառը, Մարուքյանն արձագանքեց.

«Ես Նիկոլ Փաշինյանի երաշխավո՞րն եմ, որ երաշխիք ունենամ: Բան կուզենա ստորագրի, մենք կիմանանք, մենք էլ մեր գործողությունները կանենք: Ինչ վերաբերում է նոր ստորագրվելիք փաստաթղթի պատճառով ԱԳ նախարարի հրաժարականին, ես չեմ կարծում նման բան կա, իսկ եթե կա, ոչ թե պետք է դուրս գալ, այլ պետք է մնալ կռիվ տալ, որ ոչ հայանպաստ փաստաթուղթը չստորագրվի»,-ասաց Մարուքյանը:

Դիտարկամնը, որ, սահմանին միջազգային դիտորդներ տեղակայելով ՀՀ տարածքները դարձվում են վիճելի, Մարուքյանն ասաց.
«Հայաստանի տարածքները վիճելի չեն, Հայաստանի տարածքները չեն կարող վիճելի լինել, ովքեր մտածում են, թե Հայաստանի տարածքները վիճիլի են, նրանց ծանր հետևանքներ են սպասվում: Ես չէի ցանկանա, որ Ալիևի թեզերը հիմա քննարկենք: Մենք սահման չունենք, վաղ թե ուշ պետք է այդ սահմանը ֆիքսվի: Սովետական միության փլուզումից հետո Հայասաստանի և Ադրբեջանի դեմարկացիա, դելիմիտացիա չի եղել, այդ խնդիրը Արցախյան վերջին պատերազմի հետևանք է, պետք է այդ հետևանքները կառավարենք, եթե չենք ուզում ավելի մեծ վնասներ կրել»,-ասաց Մարուքյանը:

Աղբյուր` Փաստինֆո