Փաստ ինֆո

«Ի՞նչ է արել ամենայն հայոց գիժը, հիվանդը։ Անպատրաստ, իր այդ ուղեղով առանց մարդկանց ուղեկցության գնացել ու դեմ են տվել ստորագրել է «Google maps»-ը։ Հետո պարզվում է, երկու տարի առաջ ամենապարզ բանն է տեղի ունեցել։ Ադրբեջանցիները փողը տվել են, ամերիկյան ընկերությունը՝ Google-ը ճանապարհը քաշել է դեպի արևմուտք, որ մենք չօգտվենք այդ ճանապարհից։ Հարց է առաջանում «Google maps»-ը ո՞նց իմացավ՝ որտեղ է այդ սահմանը, ո՞նց է ճանապարհը գծել, եթե ասում եք թուղթ չկա»,- այս մասին Ազատության հրապարակում հավաքի ժամանակ ասաց Հրանտ Բագրատյանը։

Վերջինս պատմեց, որ Կապանից Ճակատեն տանող ճանապարհով են անցել ու նկատել, որ սահմանապահները ճանապարհի աջ կողմից 100 մետր հեռու էին, իրենց զգուշացրել են առաջ չշարժվել, ապա պատմեց, թե ինչ աբսուրդային պայմաններում է «GPS»-ով որոշվում Հայաստանի սահմանը:

«Մենք անցնում ենք ու երեք մեքենայով գալիս են ռուսական սահմանապահներ, հանդիպում ենք իրենց ու մոտենում են ադրբեջանցիները։ Ճանապարհը երկկողմանի էր՝ 10 մ լայնությամբ, ես հարցնում եմ՝ «ի՞նչ գործ ունեն իրենք», ինձ պատասխանում են, թե ճանապարհն իրենցն է։ Ադրբեջանցիներից մեկն ինձ մոտենում է, ցույց է տալիս հուշագիր, որի տակ Նիկոլն է ստորագրել»։

Բագրատյանի խոսքով հուշագրում գրված է ճանապարհի երկայնությունն ու լայնությունը, նրան համոզել են, որ «GPS»-ով են սահմանները նշել, հայտնել են նաև, որ այդ հատվածում սահմանը որոշված չի եղել:

«Եթե սահմանը որոշված չի եղել, ուրեմն սահմանը չկա։ Եթե մեկի սահմանը չկա, ուրեմն ինքը չկա։ Ինձ ասում են թուղթ չկա, որ երկու կողմը ստորագրեն։ Կապանի և Զանգելանի շրջգործկոմը թուղթ ունի, Գորիսի ու Լաչինի շրջգործկոմում նման թուղթ կա՝ հաստատված Ադրբեջանական ԽՍՀ նախարարների խորհրդի կողմից»։

Բագրատյանը հավելեց՝ բացառվում է, որ ճանապարհը լինի ադրբեջանական.

«Եթե սա ադրբեջանական հող է ու մենք այստեղ ճանապարհ ենք կառուցել, ուրեմն ադրբեջանական ԽՍՀ նախագահների որոշում կա, իսկ եթե որոշումը կա, ուրեմն մենք հողահատկացումն առել ենք։ Ադրբեջանցիք անելիք չունեն այստեղ»։

Բագրատյանը բացատրել է՝ 85 թվականին անգամ ճանապարհը չէր կարող ապօրինի կառուցված լինել «Մեզ թուրքերը կգզեին։ Կառուցել ենք, 40 տարի շահգործում ենք և պարզվում է՝ մերը չէ»։

Հրանտ Բագրատյանը Սյունիք կատարած այցից ու ճանապարհահատվածում ադրբեջանական կողմի ներկայացրած թղթերից տպավորություն է ստացել, թե՝ «ադրբեջանական հողում են ապրում հայերը, Սյունիքն էլ ադրբեջանական է»։

«Շուռնուխի հատվածում 21 կմ ադրբեջանցիներ են ու ասում են այդ ճանապարհն իրենցն է։ Նման բան բացառվում է,ինչպես նաև  բացառվում է, որ թուղթ ցույց տան, թե դա Ադրբեջանական է»։

Բագրատյանին զայրացնում է, որ ԱԺ-ում շատերը հստակ հարցի մասին ոչինչ չգիտեն, բայց ելույթներ են ունենում։ Բագրատյանը վստահ է՝ սահմանների ճշգրտումներ կսկսվեն Գեղարքունիքի, Տավուշի, նաև Արարատի հատվածում։

Ադրբեջանցիները պնդում են նաև, որ Տիգրանաշենը պետք է վերադարձնել, սակայն Մոսկվան պայման է առաջարկել՝ Արծվաշենը վերադարձնելու պարագայում պետք է նման բան լինի։ Այս պարագայում, ըստ Բագրատյանի՝ եթե սյունեցիները օգնություն չստանան՝ կամ կհայտարարեն առանձին հանրապետության մասին, կամ պետք է հաշտվեն ադրբեջանցիների հետ ապրելով։

Աղբյուր` Փաստինֆո