ԲՈԼՈՐ ՆՅՈՒԹԵՐԸ
Հապաղելու ժամանակ այլեւս չկա. «Վարչապետի աթոռը զբաղեցնող քաղաքացին անթաքույց և լկտի կերպով առաջ է տանում Թուրքիայի և Ադրբեջանի հայակործան քաղաքականությունը. Լարիսա Ալավերդյան 01/15/2021 17:48 | ԼՐԱՀՈՍ
«Մենք գործ ունենք Ադրբեջանի կողմից տարիներ շարունակ լավ մշակված ծրագրի հետ: Եթե ցանկանում եք լիարժեք կերպով պատկերացում կազմել Ադրբեջանի համար այս գործընթացի կարևորագույն նշանակության մասին, ապա պետք է իմանաք, որ այս ծրագիրն այդ երկրում մշակվել է դեռևս 90- ականներին, ընդ որում, դա գաղտնի ծրագիր չի եղել: Եթե ես այդ մասին գիտեի, ապա ՀՀ-ում բոլոր ժամանակների պատկան մարմիններն, ուղղակիորեն, պարտավոր էին քաջատեղյակ լինել այդ ծրագրին և դրա հետ առնչություն ունեցող բոլոր տեսակի մանրամասներին», - «Փաստինֆո»-ի հետ զրույցում ասել է ՀՀ-ում Մարդու իրավունքների առաջին պաշտպան Լարիսա Ալավերդյանը՝ անդրադառնալով Ադրբեջանի Փախստականների կոմիտեի ղեկավարի տեղակալ Ֆուադ Հուսեյնովն օրերս հնչեցրած վտանգավոր հայտարարությանը։ Հիշեցնենք, որ վերջինս հայտարարել է, թե առաջիկայում Ադրբեջանի վերահսկողության տակ գտնվող տարածքներ կվերադարձվեն փախստականի ու ներքին տեղահանվածների կարգավիճակ ունեցողները, այնուհետև Ադրբեջանի կառավարությունը համապատասխան թույլտվություն կտրամադրի նաև այնտեղ հող գնելու և բնակություն հաստատելու ցանկություն հայտնողներին:
Իրավապաշտպանը նկատում է՝ երբ Հայաստանի Հանրապետության վարչապետի աթոռը զբաղեցնող քաղաքացի Փաշինյանը կապիտուլացիայի ակտ ստորագրելուց հետո, երկու ամիսների ընթացքում միայն բառերի մակարդակով հայտարարում է, թե Արցախի կարգավիճակի վերաբերյալ հարցն ապագայում քննարկման կդրվի, իսկ դրան միտված որևէ գործուն և էական քայլ, ըստ էության և բացահայտ կերպով չի կատարվում, վկան՝ մոսկովյան վերջին հանդիպումներն, ապա սա մեր հասարակությանը լուրջ հետևություններ անելու տեղիք պետք է տա. «Հասկանո՞ւմ եք՝ սա մեզ համար չափազանց վտանգավոր իրավիճակ է, որ ստեղծել է քաղաքացի Փաշինյանը՝ նոյեմբերի 9-ին ստորագրած փաստաթղթով, որով, փաստացիորեն, Հայաստանը հրաժարվել է Արցախից, իսկ Ադրբեջանն այն համարում է իրենը: Ավելին՝ Ռուսաստանի Դաշնության ղեկավարի մակարդակով, ինչպես նաև Եվրոպական համապատասխան կառույցների տարածած հայտարարությունների համաձայն, Լեռնային Ղարաբաղն այլևս պատկանում է Ադրբեջանի Հանրապետությանը: Հիմա, այսքանով հանդերձ, ի՞նչ ենք մենք ակնկալում Ադրբեջանից, եթե ոչ այնտեղ վերաբնակեցման վերաբերյալ՝ այդօրինակ ծրագրերի նախաձեռնություն»,- ասում է Լարիսա Ալավերդյանը:
Վերջինս նկատում է՝ Հայաստանը հասել է մի կետի, որից այն կողմ ոչ թե պետք է նստել և մեկնաբանել, թե ի՞նչ են խոսում Ադրբեջանի բարձրաստիճան այս կամ այն պետական պաշտոնյաները, առավել ևս, որ նմանօրինակ հայտարարություններով հանդես գալը բխում է նրանց պետական և ազգային շահերից, ինչպես նաև՝ զբաղեցրած պաշտոնական դիրքից, այլ գործուն քայլեր ձեռնարկել՝ կանխելու և թույլ չտալու համար վերահաս ազգային աղետը. «Այս ամենի վերաբերյալ, ես ինքս միայն երկու ասելիք ունեմ: Առաջին ասելիքս ուղղված է Ադրբեջանին, որպեսզի նրանք մեկ անգամ ևս լսեն և իմանան՝ Արցախն Ադրբեջան չէ, հետևաբար, Ադրբեջանն իրավունք չունի այսօրինակ կեցվածք ընդունելու՝ իբր ամբողջովին վերականգնել է Ադրբեջանի ինքնիշխանությունն Արցախի հանդեպ: Երկրորդ՝ իմ ողջ մեկնաբանությունը խարսխված է այն հանցագործ անգործության վրա, որ միտումնավոր և գիտակցված կերպով որդեգրել է Հայաստանի այսօրվա իշխանությունը, ինչն անպատիժ մնալ չի կարող»:
Լարիսա Ալավերդյանը նկատում է՝ մոսկովյան վերջին անպտուղ հանդիպումները ևս մեկ անգամ հաստատեցին՝ Հայաստանն անհապաղ կերպով պետք է փոխի իր ներկայացուցիչներին, իշխանությունները պետք է օր առաջ վայր դնեն իրենց լիազորությունները. «Հայաստանում վարչապետի աթոռը զբաղեցնող քաղաքացին ակնհայտ և բացահայտ կերպով սպասարկում է թշնամական Թուրքիայի և Ադրբեջանի շահերը, էլ ի՞նչ պետք է նա անի՝ դա ապացուցելու համար: Հետևաբար, երբ ասում են, թե Նիկոլ Փաշինյանը ոչինչ չի անում, ես շատ վրդովվում եմ: Ոչ, նա շատ մեծ գործ է անում, նա ամբողջովին զբաղված է Թուրքիայի և Ադրբեջանի հայակործան քաղաքականությունն առաջ տանելով և դա անում է այլևս բացարձակ անթաքույց և լկտի կերպով: Փաշինյանը սպասարկում է Թուրքիայի և Ադրբեջանի քաղաքական հանցագործ ծրագրերը: Հետևաբար, այսօրվա դրությամբ, մեր առջև ծառացած խնդիրները կապված են ոչ միայն ադրբեջանական կողմի հանցագործ գործողությունները կանխելով, այլև այդ հանցագործ ծրագրերին ակտիվ, խիստ գործուն և վտանգավոր քայլերով աջակցող քաղաքացի Փաշինյանին վնասազերծելով»:
Եզրափակելով զրույցը, իրավապաշտպանն ընդգծում է՝ այլևս հապաղելու իրավունք և ժամանակ չկա, Հայաստանը մաս-մաս կորցնում է տարիների դժվարին ջանքերով ձեռք բերված պետականությունն ու տարածքները. «Համախոհ բոլոր քաղաքական ուժերի անհապաղ միավորումն այլևս օրախնդիր է: Բոլորն ընկալում են, որ իշխանությունը պետք է անհապաղ կերպով փոխվի, պետք է փոխվի նաև դրա որդեգրած կործանարար քաղաքականությունը: Սա նշանակում է, որ արագ կերպով քաղաքական տեսլական պետք է մշակվի, որի շուրջ պետք է միավորվեն բոլոր կարող ուժերը, որոնց նպատակն է՝ հանել երկիրն այս խորը փոսից: Ահա սրա բացակայությունից է օգտվում հանցագործ ակտիվությամբ աչքի ընկնող այս իշխանությունը՝ Հայաստանի ներսում բացահայտ կերպով սպասարկելով օտար և թշնամի երկրի շահերը»:
Հեղինակ՝ Նվարդ Մանվելյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/08/2024 08:21 Հայոց ցեղասպանության ճանաչման մասով ոչինչ չի արվում. Նիկոլ Փաշինյանը խաբել է. Մաս 204. «Ժողովուրդ»
- 05/08/2024 08:16 Երթին մասնակցեն՝ պետական աջակցությունից կզրկվեն․ «Հրապարակ»
- 05/08/2024 08:09 Ինչո՞վ է բացատրվում Փաշինյանի ատելությունը Վանեցյանի հանդեպ․«Հրապարակ»
- 05/08/2024 08:04 Սրբազանը դեռ տարիներ առաջ է երդվել, որ ձեռքերը ծալած չի նստելու․«Հրապարակ»
- 05/08/2024 08:01 2019 թ.-ին գրանցվել է զինծառայողի` խաղաղ պայմաններուն մահվան 32, 2023-ին`53, 2024-ի առաջին 5 ամսում` 30 դեպք. ԱՄՆ պետքարտուղարության զեկույցը. «Ժողովուրդ»
- 05/08/2024 07:58 Քերոբյանի գործով առաջիկայում որոշում կկայացվի. «Ժողովուրդ»
- 05/08/2024 07:56 Իրավապահ համակարգում որոշ գործընթացներ կանգ են առել. միգուցե երթը հասնի Երեւան ու գործընթացներ սկսվեն. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/08/2024 12:30 Հայաստանի համար այս վճռորոշ օրերին պարտավոր ենք նորի՛ց համախմբվել. Սեյրան Օհանյան
- 05/08/2024 10:19 Իշխանությունը կոնկրետացումից խուսափելու նպատակով մշտապես զրույցը տեղափոխում է վիրավորանքի դաշտ. Աբրահամյան
- 05/07/2024 11:07 Նորից ժամանակն է ազգովի մաքրելու դաշտը մոլախոտերից և տնկելու մեր ապագա հաղթանակի առողջ սածիլները. Արշավիր Ղարամյան
- 05/07/2024 10:51 Վերջ տվեք կեղծ տեղեկատվությանը, անհեռանկար էժանագին զբաղմունք է. Դանիելյանը՝ ՀԱԵ դեմ արշավի մասին
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/06/2024 23:32 Ուսուցչուհին աշակերտներին հարբեցրել է ալկոհոլով եւ քնել նրանցից մեկի հետ
- 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն